MTB traversata Sarentino-zum Toten del 24/09/2011
Finalmente dopo le ferie estive riusìm a organizzar na bela pedalada col Stefan (sperando nol sia massa allenà), e così, se ciava el storzicol che m'è saltà for l'altro ieri a sbregar coi alenamenti notturni de dragon boat: gh'è da nar! Al vendro de sera me fiondo a Roveredo a comprar el nof copertom de drio dela bike (che secondo mì l seta a sciopar propri perchè essendo vecio, el sèita a slipegar sul zercio e decapitarme la camera d'aria) e ne organizzem per trovarne ale dese del sabo a Bolzano nord: el giro l'è en val Sarentino: na bella traversata della ciesetta "ai morti"/"Am Toten" che con 50km e 1900m de dislivell de salita la ne porta a far en bel giro ad anèl fin su al corno del Renon/Rittenhorn. Cargae così le bici sula golf, e fatta na tappa al maket per comprar ciopéte e mappa, parcheggiém al campo da calcio all'inizio del paess de Sarentin, e, per le 11 e 1/4 ne fiondém zò per la ciclabile che segue el rì vers Bolzan, po' saltai sula strada provinciale, continuem a smontar fim alla segheria, da endò che a sinistra se stacca na stradèla con segnavia Tanzbachtal. se parte subit co na bela pontèra e a testa bassa: mi som ben faciità, avendo pompà alla mort i copertoni e essendo su stradèla asfaltada. Passa' en velocità en par de masi (anca perchè quando gh'è masi, l Stefan l'accellera sempre, per l pensier che no ghe sia cagni molai) dopo nà bèla pontèra, se la mponta ancor de pù e dopo n'ora comoda arrivém al maso Egger, quindi su docile sterrato fin a binar la strada asfaltata: se smonta e se risale en velocità fim al bivio col senter 4 (che ciapém con destinaziom unterhornhaus) endò che prima de seguirlo rento per el bosc e su per l'erta sterrata ne fermem per na bona ciopa de speck e meza steca de ciocolata. Altri quaranta minuti a testa bassa e passà el Feltunerhütte e davanti al corno del Renon, la molém su sterrato vers Moar in Plum, ma dopo neanca 50metri de dislivel en discesa... boooommmm! diaolopo'... el saevo mi che a far el comot se la paga! E' sciopà camera d'aria ma anca copertom!!! Propri adess che sem a metà giro!! Perdem vinti minuti a riposizionar el copertom zercando de farghe contegnir la camera d'aria nonostante el tai che l s'ha fatt e co la bici en bassa pressiom smontém 200m alla locanda de Moar in Plum, e da qi, altri 200m de salita fin alla Stofflhütte: Berg Heil!!! Som propri temprà e adess che ne speta demò 25km de discesa, ne meritem eccome na bona pausa speck birraccia e Kaiseschmarren al rifugio! Molada en discesa vers la val Sarentin, passem for tochi bei erti e provando a scambiarne le bici, apprezzo per bem la comodità dei copertoni tubeless del Stefan: pù larghi e con men pressiom la discesa i se la magna! Arrivai su strada asfaltada, la molem en velocità i ultimi 8 Kilometri e come da tabella per le 5 sem all'auto a pensar zà alla prossima: doman se polsa, ma gh'è sempre da nar! NB: L'itinerario descritt per bem, el trovè en bilingue sul gran sito SENTRES
| Smontai soto la segheria de Sarentin, se taca a ciapàr metri per la stradèla a sinistra che tra asfalto e sterrae la va su per masi e masetti... | |
|
passà la locanda Manuela am Rosswangen, se taca a rampegar su sterrata puntando al rifugio Corno di sotto... | ...e se scaveza via soto el Corno del Renon... | |
|
...per fortuna no gh'è massa nef! | ..e dopo 2 saliscendi, na roda sciopada e na bela magnada... Berg Heil! E adess sempre con en pensier ala roda de drio che la tegna.. | |
|
..se pol molarla vers val. |
