MTB Jesolo-Chioggia(I) del 28/06/2011
No se pol zerto star al mar coi veci e fradèl panza all’aria: gh’è da nar! E difatti quando ero smontà qi en Italia m’ero bem portà drio le bici e fat en programma de aventura! Dopo la avventura del gieri su 8Km de geròm e asfalto co le zavate rote che me desfa i pei, ancoi l’è meio tirar for le MTB! Partim la matina ale 9 dal camping S.Angelo (al Faro de Cavalin) per punta Sabbioni e con 16 Euro de giornaliero e 6 euro de trasbordi per la bici, ne garnatim el giornaliero sui traghetti della Laguna e saltém sulla prima motonave per l Lido de Venezia: en teoria la podrėa portar sol tre bici, ma el capitano essendo en 6 bici el sèra n’ocio e l ne far saltàr su. 20 minuti de trasbordo e adess risaltai sulla bici per traversar l’isola del Lido de Venezia l pensiér l’è starghe davanti demò ai altri quatro (anca lori trentini) per el prossimo traghett, e arrivarghe davanti per evitar che l capitan nol ne lassa zò! 5 Kilometri en scia po’ col Manuel che me ciucia la roda passém i quattro trentini e i distacchém en velocità zò per i viali dell’Isola. Dopo en par de chilometri ne affianca en tipo pitòst gayardo che pur consigliandone la spiaggia che l’è drio a nar, l ne dà do bone dritte sulla strada per el porto (enfont a l’isola gh’è da ciapar la deviaziom a destra!) e l ne diss de no preoccuparne per l prossimo traghett che essendo quel che porta su anca i tram e i camion, gh’è de sicur posto per tuti. E difati ghe salta su enfim 2 autobus de linea e n furgom. El controllor entant el tol per giro i altri 3 trentini en bici che nveze che far l’abbonamento come noi i paga el ticket de volta en volta: en pratica, giust per 100metri de traghet ver Pellestrina (e ritorno) ghe vem for subit 15€! Smontai a Pellestrina, saendo che co la pelada che i ha ciapà no i ne seguirà fin Chioggia, ne cacciem en la loro scia e via per i 10 Km de strada asfaltada fim al porto per Chioggia…. Enbarcai qi sulla motonave a Chioggia el me fradèl l’è de casa e l me porta subit al locale dei aperitivi enfont al vialom pedonale: ogni birra media arriva en taglier de tartine e patatine: mahl Zeit! Quattro giri de birre medie intervellai da n giro de 10 Km entorno a Chioggia a vedere la spiaggia demò per digerir el prim litro de birra e copà la quarta candola (e taglier) saltém sulla motonave. El ritorno sarėa ben da farlo smontando a Cà Roman (enveze che al porto principale de Pellestrina), ma co la scusa che l sentér che passa for l’isola l’è strett strett, i ha mess en divieto de smontar en bici (se pol sol montar … diaolopo’, averlo saèst prima!), quindi tornai al porto principale enveze che seguir la strada saltém sul doss che separa la spiaggia dalla strada (10 metri pų en bass), e continuando per la zima de sta diga cementada, merita propri vist che se vede el mar da na banda e dal’altra! Po’, ogni 500metri ne speta na rampa de scale da saltar zò, e n’altra da ributtar su (l’e’ i raccordi pedonali tra la strada asfaltada e la spiaggia…. Arrivai enfont al Mose, torném al traghett e giust el temp de ordinar na birra e se riparte per el Lido de Venezia: altra bela tirada de 12Km, altra traghettada e seguendo la strada che smonta a sinistra poc trafficada per l’isola, arrivém a Cavallino e da qui torném en campeggio per l’ultima bira media prima de riconsegnar me fradel al raporto dala so dòna…
| Pronti.. via! Dopo la motonave da Punta Sabbioni (da starghe su a buttoni) se spèta l'imbarco dal Lido de Venezia.. | |
|
...qi per fortuna con en traghett, gh'è posto per tutti! | ..altri 15Km e altra motonave per.. | |
|
Chioggia! Berg Heil! | E allor adess besogn brindarghe sora con en par de litri de birra! A testa! | |
|
Tornai su Pellestrina, se fermenta per bem sotto el sol (con tutta la birra bevùa) | ma coi infiniti salti de scalini, l'attenziom la gh'è sempre! | |
|
E ecco che ormai al Lido de Venezia sem arrivai... e anca el fresc dei molti alberi de st'isola se i apprezza! |
