SCIALPINISTICA Zuffal Spitze del 26/04/2011
La stagiom l'è ormai ai sgoccioi, no podém farne scampar l'ultima nef, e quindi, nem endò che l'è nà garanzia: la Zuffal spitze dalla Val Martello! El Stefan a quela quota nol gh'è mai nà, ma emmagino bem che l riusirà el col anca sto colp. Se po' penso che stanot, per via della massa rumba del gieri no ho praticamente serà ocio: ho trat zò i ossi alle 2 e som levà alle 3 a preparar el zaino! Alle 4 e 1/2 ne trovém a Bolzan e alle 6 e 1/4, come da tabella sém al parcheggio della val Martello a scargar i assotti. El rigelo el gh'è ancor e con sol en par de cava e metti arrivém en pressia al rifugio Nino Corsi, da qi entrém en tel vallom e seguendo la traccia giazada arrivém sotto el rifugio Marmotta. E adess, se entra en direziom della zima (che vem aggirada da sinistra) fim a saltar sul ghiacciaio. Diaolopo', l'ora de sòm la se fa sentir alla grande... som keppottà... ma zerto no podo tirar buca e quindi avanti fim alla piana a quota 3200: da qi se salta sul rampom a sinistra, gresta e zima: e qi finalmente raggiungem en gruppo de ciaspoladori che è drio a far la nossa stessa salita. Allor ghe propongo al Stefan de starghe en scia a lori entant che mi trago la giacca sul ghiacciaio e dormo n'oretta al sol. E così, el parte al solito bom ritmo e ciapada la gresta el vedo demò farse far la foto en vetta da... 500 metri sotto. Berg Heil! Per le 11 sém zà lì che la molém coi sci en tel vallom: la nef la taca a molar, e tegnindone sul lato destro riusim comunque a goderne sul prim firn, quindi skettinada veloce (ancor dese minuti e saresem sfondai en la pappa) e n te n'attimo sém de volta al rifugio Nino Corsi per na bona ciopa de speck e na birraccia media... anzi doe. Altri 10 minuti zò per el sentér e ne fiondém vers casa... el Kepo, de sicur, a recuperar qualche ora de som!
| Saltém su velocemente la piana sora el Nino Corsi e saltai sulla balza, ne spetta el sviluppom... | |
|
..l'è propri longa a narghe al vers.. | ..arrivai sui 3300m el Kepo l'è en po' provà... | |
|
..e allor, el ghe indica al Stefan la zima ... e entant che l Kepo el recupera qualche ora de som sul ghiacciaio... | ..el Stefan l'arriva al Berg Heil! | |
