SCIALPINISTICA Welscherberg e Seefeldspitze del 20/03/2011
Organizzà n'uscita en fretta e furia la sera al telefono col Renrav, perchè a casa no se pol star e gh'è da nar, ne metem d'acordo per far l'Ilmenspitze/cima degli Olmi: en bel gitom che ancor a mi me manca... Appuntamento alle 6 e 3/4 a sò cà en val de Non per en caffè e subit ne enviém su per la Val d'Ultimo. El calt dei ultimi dì l'ha molà tant, ma per fortuna el rigelo l'ha fat el so bel laoro! Passà Sant Nikolaus, discutendo dele gite che ancor me manca ghe sarìa bem anca la Welscherberg/cima Trenta, e l Renrav, pur avendola zà fatta, senza dirme nient el pensa subit a nà traversata e... gh'è da nar! Me enfilo su per la strada asfaltada (ma piena de rivoi de giàz che me fa temer per l'incolumità dela golf) zento metri sora l'entrata dela Val Clapa/Klapfbergtal e messi i assotti sotto i pei ne enviém de bom pass rento per la val. Dopo n'ora de bona lena arrivém alla Klapfbergalm e trat zò en goz de acqua, arrivém for al sol en campo aperto puntando leggermente a destra al passo Val Clapa e comunque lassandone la normale salita alla zima Trenta tutta a destra. Arrivai al passo fem en larc giro ad anell e passai for da en catino saltem for sulla grestina che porta al WelscherBerg! Berg Heil! La grestina dall'altra banda en enffetti l'è bem esposta, e l Renrav el g'ha vist giust a portarme sul comot, co l'idea che adess no se torna miga de volta! Magném qualcoss e la discesa adess l'è sul versante drio, vers la Kirchbergtal/val di Montechiesa: diaolopo', i versanti nord qi, per via del calt dei ultimi dì i è slavinai da far paura! Smontem sui laghi sotto la zima (außeres Seefeld) e da lì ripellem per rimontar tra nef sventada e slavinada su per la außeres Seefeldspitze dosénto metri pù alta: che soddisfaziom! Bel bel bel! E adess la mollem en velocità zò per tutta la Val de de Montechiesa: la sciada tra groste e pappa no l'è fenomenale, ma l'ambiente l'è spettacolare e... no gh'è nessuni! Taià zò da n'ert canal, smontém zò en tel bosc e ne ritachem alla forestale che porta en velocità alla Kirchbergalm (endò che n'erem fermai a bever el braulio en la scialpinistica del penultim del'an) e da qi... diaolopo'!! Ne toca cavar i sci! E' vegnù zò na slavina enorme che la sarà larga almen trenta metri e alta 5 e ha scoèrt la forestale! Rimessi i sci sotto i pei arrivém a Santa Gertrude e da lì, a pè su strada traversem per 20 minuti all'imbocco della Val Clapa e racattà la golf ne fermen subit alla locanda sotto per l'immancabile ciòpa de speck co la birraccia... tutt perfetto, tutt bel, sol el Renrav el g'ha nà ròba da ridir: alla locanda no i g'aveva le patatine fritte!
| Ne enviem de bom pass vers la testata dela val.. | |
|
...e saltém su al pass enfont... | quindi, girà a destra puntém dritti a Cima Trenta/Welschrberg... | |
|
..ma gnanca el temp del Berg Heil, che l Renrav el me indica subit... | ..el nos prossimo obiettivo! La Seefeldspitze! (davanti sora la conca) | |
|
..gh'è da nar! Zò, su e... Berg Heil! | ...e ancor zò! Diaolopò che valangom!! 30 metri de fronte alt 5 metri! | |
