SCIALPINISTICA Ofen del 29/12/2010

Tornà de volta dala stimana sciistica entor Kitzbuehel, la sera arriva al Kepo Huette per qualche di' el Luca da Milan: eheh... besogn farghe veder quant bel che l'è la nossa regiom Tiroles... gh'è da nar! El problema pu' grant l'è semmai el riscio valanghe che co la fiocada dei ultimi dì el s'è piazzà sul 3... Essendo po' la seconda skialp de stagiom del Luca, nol me passa pù de 1400m de dislivel, quindi spulciando i vari siti scialpinistici internet ( www.thetop.it www.hotknott.com e www.gipfeltreffen.at ) salta for bem prest el "punto G"iusto.. la Pustertal, sora a Muehlbach/Rio Pusteria, la g'ha 'na valletta che salta su da Maranza per na zima frequentada dai local, sicura anca col rischio 3, giust di frontela cima Terento/Eidachspitze. Partim alle 7 da Trembelem, e trovai alle 7 e 1/2 al Zuffal col Davide e l'Andrea, dopo la solita colaziom all'autogrill de Brixen, per le 8 e 3/4 sem lì sora Maranza che trém su le pel de foca ai assotti... e ammirem i novi assotti che ha comprà l Davide e l'Andrea: diaolopo'... su consiglio del Kepo i Freerando Light l'è nà figada a vederli... po'... zà che de schèi no gh'en manca i ha abusà del conto corrente anca coi attacchini dell'ATK e l'Andrea enfim i scaproni F1 (me digo che l g'avrà fat vender el Cayenne ala so' vecia!). Traversà el prà sora al mass (de nef ghe n'è quasi de men del minimo sindacale), ne enfilém su per el bosc seguendo nà vecia traccia che la se emponta dritta dritta entrà i pézi... diaolopo'... sperem bem de no dover tornar de volta da sta banda qi, che tra la poca nef soto le piante e l bosc spess... sarìa dolori! El Luca entant el ciapa bem prest confidenza col gruppo: beh... el Davide ancoi coi sò discorsi de dòne, case de appuntamento, saune, e aperture mentali del NordTirol, el dà el mejo de se. Ovviamente po' no podém no ricordar la figurona del Kepo quando al matrimoni del Davide, el g'ha spiegà en todésc alla zia tirolese el significato per noi trentini de "l'ultima sega"... Beh... tra nà monada e l'altra, en te n'ora finalmente saltém for dal bosc en campo aperto e qi dopo na pausa alla malga de mèz taca el GP: diaolopo'... 0 pause, el Davide che parte a razzo, l'Andrea drio a testa bassa e mi drio col Luca roda... ma che fadiga! Ancoi i vol propri tirarme el col! Se salta su per el pendio sora la malga e tacai a la traccia de salida dei local che monta da Terento (ghe n'avém quatro davanti), dopo na bona mezzora saltém sulla dorsale, che scavezà via l'antizima la ne porta al Berg Heil! Ehehe... l'impressiom per la discesa l'è propri bona, resta el dubbio della parte del bosc... vederem! Tra n rumor de valanga e n'altro familiarizzem al sol coi local e tra scambi culturali de Gluehwein del Kepo e Schnaps dei local, parlem del pù e del men de governi (beh... Berlusconi ghel lassem ai taliani) e anca dei austriaci che, strano ma vero, pur parlando todesc, i local no i vede po' massa bem! Ensoma anca lori i sta mejo coi Welschtiroler! Beh... me digo che ancoi el Luca l'ha emparà qualca bela parola de todésc (vist che la metà del temp en taliam no avem parlà!). Per mezdì se fa sentir el stomec che reclama n bom taglier de speck e allor, bloccai i scarponi, la molém vers val. Le traccie de discesa, 300 metri sora la malga, le trà tutt a sinistra, e noi le seguim: passà zò n'ert pendio, sém en esposiziom nord e la polver qi la se fa apprezzar per bem! Quattro bele serpentine zò per el bosc e ciapada la forestale che taia for a destra smontém en fretta al prà sora la malga. Ultime dò curve a scamparghe dal caign dela malga su quasi sci d'erba per via della poca nef e ghe sem. E adess allor, prima de tornar a cà a pianificar la gita de doman, l'è doveroso en Bauerntoast en la birreria de Chiusa! Prost!








Tachém subit a ciapar quota su per l'ert bosc...
..e dopo 40 minuti boni, prima la mòla n'attimo, e...
..de colp saltém for sora el limite del bosc...
...e qi l Davide, e a roda l'Andrea i ciapa velocità, e... ne vedem...
...en vetta! E drio, spunta l'altra cross dell'Ediachspitze/cima Terento...
Berg Heil alpinisti! E adess, coi Suedtiroler, 2 bone candole de Gluehwein, 2 de schnaps, e sém pronti per molarla vers val!
Enveze che molarla zò dritta per l'ert bosc, seguim la deviaziom a sinistra e...
..l'espoziom nord no la tradiss mai: pulver!
...e en te n'attimo scivolém sotto en forestale sui prai solivi (de firn) che ne porta alla macchina.


Ste pagine l'e' stae cargade volte da visitatori dal 3 de agost 2005