SCIALPINISTICA Monte Cogne del 28/12/2010

Tra na perturbaziom e l'altra, a cà no se pol restar, e allor ancoi col Teo ne fem la skialp de Nadal! Sarà ben dura trovar qualcoss de bel col ventaz (dopo la scaldada) che ha tirà en tei ultimi dì, e oltretutt gh'è la limitaziom de scelta per via del rischio valanghe grado 3: dovém provarla! Monte Cogne dalla Valfloriana! Dopo n veloce caffè alle 8 dal Teo, tolém su la vecia Polo e ne trém rento per Sicina: i ultimi 500metri, sul giàz vif i antineve novi i fa bem el sò mister! L'è bel fret, tempo sereno e sém sol noi. Pèl e via! Ne enfilém su per la forestale e passà en pont, ciapém el bivio a destra e ne enfilém en la forestale che entra rento en tel bosc fitt. Anca se de quota no sém ancor alti, l'acqua dei ultimi dì, per fortuna no l'ha cavà tutta la nef, l'è demò n po' giazada. La forestale l'è longa eterna, e me digo che en te n'ora arrivém a parlar propri de tutt. Se prima se parte co la cultura generale del riconoser i pézi dai avézi, passém po' alle anticipaziom sui regai de Nadal fatti, quindi sui gossip dela Ruby e, per restar sull'argomento, sui trentini che va a sonar i campanèi senza nome en tei palazoni zò per Trent... Cicera ciacera arrivém for dal bosc al bait PAT, qi gh'è zò anca 2 bele statue de zerbiatt e falchet, e passai sora, ne enfilém su per el bosc per el senter, seguendo na vecia traccia del gieri. Altra ora su per el bosc e entant che l zél l s'ennuvola dal tutt ecco che saltém for sula dorsale e passada l'anticima, en 10 minuti arrivém al Berg Heil che sona mezdì. Tra l'aria, e l nuvol, no va via tant che me vem i diaolini alle man, e allor... gh'è da nar. Per el rientro la molém dritta vers nord: fim al passòt sotto la nef l'è pressada, ma pò en tel bosc, ne speta 200 bei metri de superPulver. Per evitar de enfossarne en tel greto del rì nè trém a destra e finim su 'na forestale che su pista, la ne porta a aggirar tutta la val fin sotto malga Sass e en velocità en ten quart d'ora sém de volta alla macchina. E propri qi, me salta for davanti a 5 metri e camoz, che me digo, dala corsa che l'ha fat, l'era bem pù sgarrì de mi! Benom, anca ancoi sém riusidi a molar for le gambe per bem, e adess, tornai a casa dal Teo me fermo lì a magnar en boccom: beh... co l'Elvira che cosina, i bocconi i è anca doi.. trei !! Ehehee... e tra pasta picante, cotolette e patate, l'è inevitabile non pensar alla prossima sciada (per pensar come smaltir sta bona magnada).... stasera ariva al Kepo Huette el Luca da Milan, e allor, zà doman... gh'è da nar!







Ne enviém su per la forestale a destra che se enfila su per el bosc...
...e la ariva alla baita PAT...
...drio el bait gh'è sculture de arte moderna! Altroché el Mart! Gh'è da vegnir su per el Lagorai!
..continuém quindi su per el senter che parte a sinistra dal bait PAT...
..e saltém su per la dorsale, che...
...tra pézi e avézi la ne porta for oltra el limite del bosc (e da qi la vista l'è immensa: ...zò drio en mèz se vede i laghi de casa del Teo, ma vers nord Ovest anca el Gran Zebrù el fa l sò bel figurom!)...
...e quindi al Berg Heil!


Ste pagine l'e' stae cargade volte da visitatori dal 3 de agost 2005