SCIALPINISTICA Slimber del 18/12/2010
A casa en mess de ferie??!!! Che figada! Gh'è da nar! Basta partir col pe' giust e allor, qi bem scominzià... Partìm con calma da cà del Teo ale 8: destinaziom Bernstol/Val dei Mocheni. Per le 8 e 40, con en fret che basta la metà sém lì che trém su le pèl sui assotti del Kepo sciolinai al gieri (..e l'era ora dopo dò anni!). Co le piovue che l'ha fat fim ale alte no è restà tanta nef, ma sora confidem en tei 2 dèi de polver del gieri... El prim toc de strada l'è 'nà lastra de giàz, vist che la strada i prova a tegnirla nèta dala nef, po', finalmente se salta en tel bosc e ne enfilém su per la solita valletta a sinistra sora i Tasaineri. Sém sol noi e tachém a guadagnar quota de bala. Vinti minuti a testa bassa e man a man che l Kepo el bèga co le pèl che slipega sul giàz soto la polver, salta for skialp come fonghi: se mpieniss la valletta! El Teo el tegn bem el pass spedì, ma sarà el frett o chissà cossa (diaolopo'..... la sciolina!!!!) la polver la se enfila trà le pel (ormai vecie e con poca colla) e la soletta e quel che l tegn tut a um l'è demò el gancio drio, che, na volta arrivai alla piana (bivio per el Croce), el zede dal tutt e l me lassa a pè. Tiro for le pèl da gara e anca se sulle solette giust sciolinae no le taca, zerco de esser pù convincente con 4 bei giri de scotch. Altra rampa per empontar la pala a destra, e me par de caminar sui ovi, col fià tirà per sperar che tegna le pèl... Arrivai al doss de vetta, i ultimi vinti metri, l'è tutt en giazzom (corniss enorme) che senza ramponi no se ghe salta su, e allor... berg heil e ne molem zò per el canal de destra en la valletta del rifugio Sette Selle. En po' de polver sora su grosta quasi-portante e en qualche modo smontém zò, po', sotto en tel bosc, l'è ben pù divertente! L'idea l'era quella de concatenarghe el Sasso Rosso, ma le me pèl no le vol propri pù saerghen de tacar, e allor, ne fiondém zò per el senter. En salt veloce del Teo zò dal coèrt del bàit e per la massima pendenza (diaolopo'... sciripido entrà i laresi) smontém sula stradèla. L'è giust mezdì, e tornai a cà del Teo, l'Elvira la ne prepara na magnada tipica de Polenta, tonco del pontesèl, e de de tutt! Diaolopo'... doveressem quasi quasi ripellar per smaltir el banchét da nozze! Ma entant, forse l'è meio che l Kepo el vaga a zercar en par de nove pel de foca!
| Saltém su per la valletta e puntando a destra ciapém la dorsale... | |
|
..che ne porta sotto la zima ngiazada. Berg Heil! ...e adess la molém dal versante opposto! | E saltai zò sulla forestale, prima de saltar zò dal bosc, se salta zò anca dai coèrti dele malghe! | |
