SCIALPINISTICA Halslspitze (A) del 08/12/2010

Undicesimo weekend de maltempo consecutivo: ma com'ela che l Kepo l sèta a nar??? Ehehe, el Bernacca del WelschTirol el ghen sa una de pù del wetterzentrale: Stau a Sud, Phoen a Nord... gh'è da nar! Ovviamente, essendo previste temperature primaverili, gh'è da zercar qualcoss de sicur, quindi, l'Hoher Kopf, tra la poca nef rilevada dale centraline, tra la sicureza dela gita, dovria esser na bona scelta. Ne trovém così al Zuffal Park de Trent sotto l'acqua col Marco Punk alle 6 e 1/2 e dopo nà pausa colaziom a Innsbruck Ost, proseguim per Schwaz, Pill, Weerber arrivando alle 8 e 3/4 ai 1270m de quota dela locanda Innerst: se l'altra volta (quando ho fat l Gilfert) con tuti i skialp che gh'era pareva i mercatini de Nadal, ancoi diaolopo'... no gh'è nessuni... neanca la nef! Almen, come da previsiom, no piove, l'è demò velà. La forestale che se envia su ver el rifugio (senter 315) per fortuna essendo pistada la ne permette de partir su 2 cm de nef sci ai pei dalla macchina. Cavai demò 5 minuti per la poca nef su na rampa en tel bosc fitto, finalmente la materia prima la taca a creser anca en tel bosc. L'è un caldo bestia, e postando el bachét sui 30 schei de polver miza fianco strada, se sfonda direti sui sassi: diaolopo'... per fortuna g'avém la forestal pistada per el rientro! N'ora a testa bassa e ecco che saltai for dal bosc arrivém ai 1799m del Weidener Hütte: a vardar su i pendii tuti verdi pelai dal vent, pensevo quasi che averesem dovést terminar l'uscita al rifugio e bever na birra... nvenze anca el rifugio l'è serà! Sem sol noi en tutt el vallom! Bevém qualcos e visto che la forestale la continua, tiro for la cartina (eheh...basta che la sia del NordTirol chel Kepo l le g'ha tutte) per veder se, sfruttando la strada pistada, riusim a trovar qualche alternativa: eccola!!! La forestale la risale lungamente el vallom fim ai 2100m e da lì parte nà skialp sull'Halslspitze: gh'è da nar! Continuém così su vecie tracce (che per fortuna le ha mantegnù la nef) tra tochi de prà pelà dal vent e canai che i l'ha tegnuda ensema... Dopo na bona ora, passai oltra el lac de fondoval e fatti 4 tornanti ecco che arrivém alla fim dela forestale: da qi en poi continua en percorso da MountainBike vers el passo de fondoval, ma l'è propri qi che co na deviaziom a sinistra ciapém prima la dorsale (per evitar en canal massa cargo) po' na serie de canai che uno dopo l'altro a pendenze moderate i ne porta 300 metri sora al Berg Heil! Che longa!! Ma ... bela sodisfaziom da qi en vetta al sol, vardar di fronte el mur del Phoen! Trém zò qualcos da magnar e per le 1 e 1/2 l'è ora de trarse vers val: su come sarà la sciada ghe puntém propri poc.. e ... enveze! Primi 50metri en bel giro en taboga, po' per canai de nef bela dura ne calém altri 100metri, quindi, tra crosta portante e non, sempre per canai, taiém i tornanti della forestale e ne portém velocemente 100m sora el rifugio. Da qi, per forestale, basta molarla! Ne fermen demò 5 minuti a ciacere con en veciòt al baìt soto el rifugio e dò siore che le pestola a pè, quindi, sci ai péi fim al scortol che trati i sci en spalla, sotto na bela arieta primaverile (miracoi del Phoen) en 10 minuti a pè, el ne riporta alla locanda Innerst! Sehr Gut!! L'è le 3, e adess, che è zà drio a nar zò el sol, podém tor su la Polo e tornar en la tormenta oltreconfim...








Sci ai pei diretamente dalla locanda Innerst... ma sol perchè l'è battua!!
...risalim el bosc per 700metri...
...e dopo n'ora de ForstStraße...
...arivém al rifugio.. guanti ala man per tagar la Pamela ;-)
La neve fuori è proprio poca, meglio sfruttar la traccia in forestale e continuar oltre: e preso il canalone 300 metri sopra...
...altri 300metri tra dossi e canai e ... Berg Heil!! Spettacolare dietro il Kepo il muro del Phön!
E la discesa, tra taboga e...
..canai... la molém diretta per 600metri..
...e riusim a arrivar tra i prai pelai dal vent, fim quasi al rifugio...
..quindi, forestale battua e sci ai pei e zò fim a 10 minuti dall'auto!


Ste pagine l'e' stae cargade volte da visitatori dal 3 de agost 2005