SCIALPINISTICA Cima Nassere del 27/11/2010

Co la bela fiocada dei ultimi dì, l sol pensier l'è de trovar na bela zima, sicura e co la fonda, da sverginar: en Lagorai l Croz de Conseria el sarìa perfetto, e essendo en esposiziom nord, probabilmente gh'è zà la fonda dela vecia nef zà partendo a 1300.. sperem.. vedem... NEM!!! Alle 6 e 1/4 me trovo co l'Andrea a Roveredo e alle 7 sém zà a Perzen a far colaziom col Teo e cargar i asoti sula sò Modus, che zà fornia de antineve, l'è nà garanzia a nar su per le strade dela Val Campelle (a parte n ciuff de cavei bianchi per la guida sportiva del Teo su per i lastroni de giaz che se trova na volta girai su da Borgo, passà el rif. Crucolo)... La temperatura, costante sui -9 en Valsugana e a -10 al ponte endò che se mòla la macchina en font ala val Campelle, la garantiss polver. Sém sol noi, de sicur ne tocca tracciar. Ne enviem su per la stradina che costeggia, pù alta, l'ultim rettom fat per arivar al parcheggio e, passà la malga, scavezém su per el bosc a zete. Ghe sarà anca da batter traccia, ma la polver ancoi l'è sì lizera che no la pesa nient... Empontém quattro zete tra i pézi e n te na mezora saltém for en tei prai dela malga a quota 1620, endò che la spiana e entrém drio la malga en tel vallom. Continuém così dentro per la val alternandone a tracciar (beh, a dir el vera el gross el lo fa el Teo) su per na dorsale a zete. De nef ghe n'è na scarica. Arrivai alla piana sotto l'antizima, ormai a 200metri dala zima, le pendenze le se empenna: diaolopo', la via de salita la saria stada tutta a destra, su na dorsale en tel bosc. L'è dura riusir a scavezar via, e quindi, dopo aver guadagnà altri 100metri, a ormai 70metri soto la zima, decidem de molar le pel e veder se riusim en discesa a scavezar via: anzi... no... la polver l'è massa bella!!! Quattro zighi zò per i pendii e... che spolverada!!! Pura polver canadese, farina "000" (con tre zeri!)... massa bella! E allor, arrivai ai boschi sora la malga, ne bevém en bom gòz de brulè del Kepo e, massa gasai per la discesa, senza pensarghe su dò volte ripellem! E ovviamente, sfruttém la nossa vecia traccia per ripeter la megasciada: essendo i primi en sta valletta, con tuti sti pendii vergini, l'è en delitto no aprofitarne! Su de altri 400m (sto colp sém arivai a 50m dala zima, ma tanto, esendoghe su corniss sventae, ancoi no ne enteressa altro che la polver!) e altra megasciada zò fim al bosc. Da qi, taià for alla malga ne fiondém dritti zò per el bosc e, pur se l'è ancor novembre, gh'è zà fonda assà per smontar zò dritti sora le ramaie. Saltai for alla malga bassa, dopo quatro ciacere coi malgari che è lì a laorar, ne trém al rifugio Crucolo per n bom piatt de polenta, formai, affettati e parampampoli, quindi per le 3 e 1/2 sém a Perzém a travasar i assotti sula Polo... Doman me toca far ramadam vist che ancoi me tocca far le 24 ore tirae: gh'è zà i soci che me speta en zità per l'annuale "zena al buio" del paess (sto colp adiritura uficializada con foto de grupo del nos sindaco de Trembelem)... endò ne porterai st'am?






La mpontem dritta con quatro zete su per el bosc..
..e arrivai en tei prai en campo aperto, puntém rento la val...
...e puntém oltre la malga... fin 70 metri sotto la zima... e po' ... co na polver così... la voia l'è massa...
...gh'è da molarla!!!
...quindi, altra ripelada, e risalim 50 metri soto la zima e....
zò de nof, a zercar pendii che avém ancor lassà vergini! super pulver!


Ste pagine l'e' stae cargade volte da visitatori dal 3 de agost 2005