SCIALPINISTICA Widdersberg (A) del 31/10/2010

Se a sud dele alpi i prevede alluviom da Stau, a nord el Phon el dovria portar el sol... e allor el Kepo l'organizza la spediziom col Stefano sull'Hoadl, che essendo giust drio le alpi de Stubai el dovria anca esser en pel riaparà dal vent. Sarà anca sol na pista da sci, ma... gh'è da nar! Partidi da casa alle 6, e saltai for dalle nuvole al Brennero, arrivém al parcheggio dell'Axamer Lizum come terza macchina, trém su le pèl e ne enviém su per le damen piste dell'Hoadl (quelle de destra, pù erte, le era pù pelae, e allor avém ciapà quella comoda a sinistra). Dopo en zentinar de metri, a sinistra entravedem su en bel canalim che el par traccià... diaolopo'... che tentaziom!! E allor tiro for la cartina e... varda qi!! Gh'è segnà propri na scialpinistica!! Gh'è da nar!! E allor ne enviém a zete a sinistra della pista su per en canalim. Saltai su de 200metri, quando el canal el se sèra tra i scròzi, deviem a sinistra tra mughi e con en traversim entrém en te na valletta che passa sotto el Schneider Spitze. Continuém sul fondo della valletta, costeggiando el versante destro e con en lungo giro ad anell arrivém al passo a ciapar la dorsale e seguendo a destra i ultimi 50 metri (che l Stefano però nol fa per no rovinar i sci) arrivo al Berg Heil sul WiddersBerg. Bel, bel, gh'è el sol e... tra l sol, la skialp e la nef me sento propri soddisfatt... Adess tornai al passo, poderesem scavezar oltre il passo per smontar en direziom ovest vers le piste, ma, vista la lizera crosta a ovest, smontém dalla stessa de salita e ... che nef!!! Nella conca sotto, super pulver, e pù en bass, anca se el phon l'ha scaldà, l'ha comunque impedì el rigelo e l formarse de grosta, quindi, polver zò e zò fim sula pista! Sciada veloce alla macchina e l parcheggio adess (le 11) l'è piem de skialp che risale la pista: sul Widdersberg enveze... sol noi!!! E allor, no se pol miga tornar subit a sud delle alpi a ciapar l'acqua e zerto, quando ghe propongo al Stefano dò passi en la nef per na magnadèla alla Birgitzer Alm (parte el sentèr alla prima curva a smontar dall'Axamer Lizum, e la malga l'evo zà collaudada l'inverno passà co l'Alberto e l'Irene) nol me diss zerto de no: anca se nol se aspetteva zerto altri 400m de dislivell co le scarpe de ginnastica en la nef!!! Arrivai su giusti a ora de pranzo, mezdì e mèz, dò birre medie e n bom piatt de Kaspressknodel (e che boni!) nol me lo cava nessuni. Quindi, tornai alla macchina, per le 5 sém de volta a Roveredo, sotto l'acqua... come da previsiom!









A sinistra dele piste dell'Hoadl, parte en bel canal tra i mughi...
...gh'è da nar! E allor, su per erte zete fim soto le roccie, e...
...e con en travers vers sinistra entrém en la valletta, che passa sotto lo Schneider Kopf e...
... girando a destra la risale en direziom del WiddersJoch...
...e quindi, puntando direttamente alla destra del pass...
...zinque minuti de dorsale e ... Berg Heil Kepo!!!
E adess, basta molarla vers val: pulver Schneee!!!! Super!!!
El parcheggio entant el s'è mpienù de skialp che risale le piste dell'Hoadl... ma con sta bela giornada, l'è en pecà  tornar subit drio el Brennero a ciapar l'umit!
..e allor, molà  la Polo ala prima curva sotto i impianti, risalim la pista da slittin per quaranta minuti...
...e finalmente, dopo 400m de dislivell a pè en la nef, arrivém alla Birgitzer Alm...
...endò che nà  bona biarraccia e na bona magnada tirolese no le pol zerto mancar!


Ste pagine l'e' stae cargade volte da visitatori dal 3 de agost 2005