COPPA ITALIA DI DRAGON BOAT Roma (I) del 08-10/10/2010
Dopo un wekend di allenamenti, e l'ultimo giro del lago in notturna de mercol passà, sem pronti: el dragon Trentino (fat da 10 pagaiatori del DragonHeart, e altri de Grisù, Borgo, Nutria, Piné) capitanà dal Lorenzo (Borgo), vice el Fabri, e co la barca del Giaguaro l'è pront a partir per Roma. El ritrovo l'è alle 1 e 1/2 al Zuffal park, la spedizion l'è fatta ensema alla squadra dell'NRG Piné, che avendo vint el campionato trentin, i prova anca lori a ensegnarghe la pagaiada vincente ai romani. Pulmann pien, gh'è da nar, tra na birra e l'altra passa le ore... ma che lonc el viaz! El prim toc el passà en fretta tra pastine per farghe festa al complean dela Sara e distribuziom dele maiette de gara e de ordinanza, ma po', tra le pause longhe en autogrill (diaolopo'...i boci che beve birra e po' no i sa tegnir la pisada, sarìa mejo no i la bevessa!) e la canonica ora e meza de coa a traversar for Firenze, arrivém al campeggio a Roma che l'è mezzanot. Gh'è sull'uss l'Ezio (vegnù zò la not passada per portar la barca) che ne spèta zà co le ciavi del bungalow. Ultima birretta media del sponsor (eheh... l'Andrea dela Forst) e na bona fetta de torta dela Barbara, e me trago en Bungalow col Nicola e l Cristian a buttar zò i ossi. Alle 7 passa qualcheduni de scondom a daverzer la porta e mpizarne la luce: ma come?! La sveglia no erela ale 8??? E allor, se se gira dal'altra e se continua a polsar, quindi, lavada de muss, colaziom al bar del campeggio e adess besogn empiantar le tende de bala (vist che i bungalow per la not che vem i è tuti pieni per via del concerto dei U2) che per le 10 dovém saltar sul pulman che ne porta al campo de gara a 8Km da qi: el laghét dell'EUR. Arrivai al centro sportivo vegnim subit accolti dalla squadra en gemellaggio con noi: el Catania, che envidandone a Roma (dopo aver conossù st'istà el Mario del Catania su per i nossi laghi trentini) i n'ha offèrt anca l'iscriziom al torneo. Ancor no saém né ordine de partenza né orari dele gare: l'Ezio el stà en trattativa con tutti i capitani per tuta la matina, po' l'arriva co l'ordine de partenza e i buoni pasto per l disnar: le gare le scominzia alle 3, ma tra qualificaziom, semifinali, finali e tra che come Dragone Trentino ne sem iscritti per gli Open (tuti masci), el Misto (minimo 8 dòne) el femminile e fém sia i 200m che i 2000m, sarà propri na bèla monzua! Finalmente ariva l'ora de nar: i 200m open... tutti a bordo e (diaolopò finisso sulla zònta... l'è pèzo de n tugurio quel careghìn!) ném for a far riscaldamento: po' arriva la giudice che ne ritira i badge de gara, controlla l'equipaggio e ne allineem co le altre 3 barche: eheh... la sarà propri dura contro el Catania e l'NRG Piné! Ma ghe provém! 3 pagaiae longhe e potenti, 15 a manetta per lanciarla, passo!!!! Avanti così per altre 40 pagaiade e sprint finale!!! Diaolopo'... rimontém, rimontém, rimontem!!!! e arrivém a neanca na testa de drago drio el NRG!!! E pensar che qi le altre barche le g'ha le teste longhe el doppi della nossa! Se all'inizio se penseva fussa le altre barche pu' scomode (vist che l'NRG l g'ha bem provà a torne la barca alla seconda manche), quando alla terza manche del Piné (vist che noi sem en altra batteria) ghe la prestém e vedem el ritardo de en secondo sulle altre gare, ne rendém cont tutti che... la nossa barca no la fa la diferenza en mejo... anzi!!! Ehehe..le altre le g'ha teste e coe de drago longhe 2 metri! continuém così alle semifinali, finali e arrivém quarti... L'è po' la volta dei 2000 misto e chi zerchém de cargar su quant pu' dòne possibile, e cosi' almen stando zò polso i brazi...ma ben poc! Subit dopo gh'è i 2000m open e qi i ne fa far na tirada da 3 giri e mez de campo gara: e l noss timonier del Piné el fa miracoi a sterzar la barca de 180 gradi en 40 metri! Finalmente alle 6, engual not podo farme na doccia e cambiarne: traverso la strada per torme na birretta en la rosticcieria de fronte propri entant che parte de nof le putèle en la 2000 femminile: diaolopo', l'è le 7 passae e l'è buio!! Finalmente per le 8 e mèza gh'è le premiaziom, e la medaglia ne la meritém propri: demò per tutte le batterie che avém fat ancoi! E la zena??? Mah! L'autista el deve portarne en campeggio alle 10 (che sennò nol pol guidar doman al rientro) e i buoni pasto no i salta miga fora.... beh, chi fa da sè fa per tre, e allor ne trém en rosticcieria a magnar dò boni tranci n par de birre e limoncini e alle dese, quando l'è ora de tornar en campeggio, dopo aver sbalordì la zent dell'EUR a sonarghe i campanazi dele vacche, che ha portà drio el nonno, rento per i finestrini dele machine, me trago su na maietta (cavando la divisa) e col Nicola, i capitani delle Nutrie e del Borgo e altri 10 abdichém dall'autista e col metrò ném a farne en giro per Roma: Piazza di Spagna, Fontana di Trevi, Piazza Navona, Colosseo e fin le 1 sempre envanti e ndrio per la zità, quindi metrò fim all'EUR e con 4 Euro de taxi ne fém riportar al campeggio. Per le 2 e 1/4 sém zà mbustai en tei sacchi a pel: la sveglia doman l'è alle 7 che dovém smontar le tende e ciapar el tram: diaolopo', el noss autista el deve polsar sennò nol pol riportarne a cà ancoi!!! Per le nove la matina sém zà al campo gara e ancoi puntém ai 200 misti.... Salto en barca e, la prima batteria ne allineem e la giudice la dà el via senza allineamenti: diaolopo', le altre barche le g'ha le coe da 2 metri, en pratica partim en quart de barca drio i altri... e arrivém secondi per mezza testa! E difatti le lamentele le se spreca co la giudice che la vem enfim a domandar scusa ai capitani: e alla seconda manche, infatti, i allineamenti i deventa rigorosi come da noi en Trentim, anca se no riusim comunque a arrivar primi. Finim così la finale per le 11 e fatte le premiaziom, magném en boccom al ristorante de fianc, quindi ultim trancio e limoncin prima de saltar sul pullman e per le 3 ne enviém vers Trent: el viaz, come per l'andata, l'è lonc eterno e arrivém al Zuffal Park che l'è mezzanòt e mèza... còti, ma, bei soddisfatti: ehehhe... Dragone Trentino: quarto classificato alla Coppa d'Italia!
| La mattina del sabo, se libera i bungalow e se monta le tende... | |
|
...e via al laghet dell'EUR a montar la barca! | E l'è prest ora de metter a frutto tutti i allenamenti dell'istà! | |
|
Dopo i 200m se passa ai 2000... | Che bei coordinai che sem! | |
|
E continuem fim a not. | Ehehe Kepo... no te te l'aspettevi 'si tante gare ancoi, eh?! Dai... va a cavarte l costume e la divisa da gara e metti quella d'ordinanza che per ancoi t'hai movèst assà acqua! | |
|
E anca el dì dopo, mattina sui 2000m e finalmente le premiaziom: GRANDE DRAGONE TRENTINO!!! Sem arrivai quarti alla Coppa d'Italia!!!! |
