ALPINISTICA Schrankogel (A) del 04-05/09/2010
El weekend i mete nuvol a sud dele alpi, e allor, no se pol star qi a cà a pianzerse adoss: encrosando i dati meteo del centro de calcolo de Monaco i me da na domenega stupenda (per SuedPhoen) propri a nord dele alpi, e allor, la destinaziom l'è assicurada: NordTirol, Oetztal, Schrankogel! Prenotà el rifugio (anca se la rifugista -che de montagna me par la ghen sappia propri poc- la me diss che gh'è su sehr viel Schnee) al vendro de sera, dopo na rumba al bar col Gioppi e l'Herman copada a svodar tutt l'alcol en la Kepo Huette fin le 6 de mattina (diaolopò!!!) levo per le dese con en bel zercio alla testa, bevo en litro de acqua, fago sparir en po' de vuoti e per le 1 me trovo co l'Alessandro a Roveredo. Subit taca l'agonia del traffico de rientro: l'A22 l'è bloccada en tutte e dò le direziom e così... ne se ghe vol n'ora e 3/4 sol per arrivar a Bolzan: co la prospettiva de farne altri 8 Km de coa a Sterzing, cambiem strada: Timmelsjoch! Pora Polo, coi so 350.000 Km, che tirada de col! E smontai a Soelden, me sgarisso bem quando me se mpiza la spia del'acqua: diaolopo', se l'è la pompa o la guarniziom de testa me tocca cavarghe la targa e abbandonarla lì! E nveze... la se contenta della me borraccia de acqua che m'ero tolt dré per nar al rifugio e per le 5 la ne scarga a Gries im Sulztal. El temp l'è nuvol, ma el bel el vem doman: entant ne enviém su per la forestale che en dò ore stimae la ne porta all'Amberger Huette. Gh'è poc da dir della salita: comodo percorso de 600m de dislivell su comoda forestale, con sora la testa la WestGrat (cresta ovest) dela nossa zima: piena de nef. Ovviamente, tra mi che no voi farme veder massa lento e l'Alessandro che me tegn davanti per no tirarme el col e tegnir el me pass, finim per brusar le tappe e en te n'ora e vinti sém zà lì al rifugio! L'è bel pien e è tutti zà a taola a zena e la Frau la ne fa trar su al volo i zaini en tel Lager, trandone for al volo en bom piatt de Gulasch (beh.. dai dei Nudeln no som en gran degustator!) e una, doe birraccie medie. Magnà zò de gusto, ne studiém for n'improbabile relaziom de salita en vetta: diaolopo', i consiglia la traversata per le creste Est-Ovest, ma al rifugio i sa dirne ben poc se non che no gh'è nient de traccià, e forse far la via Normale sarìa zà assà. Entant che sém lì concentrai passa de fianc el Giorgio e l ne domanda da che banda del Trentim che vegnim... e allor, vist che anca lori i è qi propri per far la nossa zima, ne mettem ensema al taol a capir endò gh'è da nar. Tutte le altre taolae enveze le è de tedeschi che penso sia drio a far l'altavia dell'Aquila (AdlerWeg). Cartina alla man, entant conosém anca n'ispettor del rifugio che vém da Amberg(D) e che l ne spiega che la cresta Ovest no se la fa, mentre la Est avendoghe passi de secondo grado la va bem en salita e per smontar va benom la via Normale. Dopo na mezzora de ciacere e n'altra birretta al taol tutti ensema a parlar de montagne, entra stremai dò tedeschi: che lusso!!! I arriva adess dalla traversata che farém noi doman: i ne l'ha tracciada!!! Sveglia alle 6 e 1/4 (anca se trà en russador da paura de fianc e l'esser frasai come le bestie en tel lager (un nome, una garanzia...) s'ha dorm' propri poc) colaziom e per le 7 e 1/4 ne enviém en la val sotto el rifugio e traversà el rì, risalim sulla dorsale della nossa zima. El temp l'è spettacolare, come da Kepo vorschau (prevision), costeggià la montagna per tutt el versante sud, seguim l'affilata morena e arrivai sora i 2700 scominzia la tribolada en la nef: per fortuna en po' pestolada l'è, ma la fadiga se la fa istess! Ciapà la gresta est del Schrankogel, passém for en prim saltim de roccia (e mi som ancor preoccupà per la tegnua dei scarponi che devo risuolar: i g'ha la sola de plastica ormai!) e a en prim pianoro sui 2950m raggiungém anca el gruppo de trentini che i era levai mezora prima de noi. La salita la fém ensema prima su nef per larga gresta, po' saltando su per qualche roccetta: mi a dir el vera som en po' preoccupà de quel che ne speta, vist che no essendo la via normale, ghe sarà sicur qualche passaggio de roccia da farme dannar... e enveze, arrivai en vista della vetta tra le varie spantezae, se aggira (con n'ocio a no rugolar) en gendarme de roccia - gh'è en ciodo, ma con ste condiziom l'è lì demò per beleza - e... Berg Heil! Ore 11 e 1/4: 4 ore de salita... Bèl, bèl... e super wetter!! (a differenza che dale nosse bande endò che i ne diss che è drio a spiovesinar) Magném qualcos e dopo na bella embrumada de dei (diaolopò... i diaolini!!!) ne enviém zò per la via normale, che a ocio, la par quasi pù scomoda dell'Ostgrat... ma alla fin, a parte l'aggirar dò sassi en gresta, l'è tutt smontar su nef che sfonda a volte oltre el ginocio. Finalmente sotto i 2500 se cammina su terrem, e per le 1 e 3/4 sém al rifugio a beverne nà birra tutti ensema. Nà mezzoretta de sol al rifugio quindi, zò de bala vers Gries e saludà i nòsi compagni de gita Welschtiroler (che sicur encroserem ancor en le prox scarpinae), saltém sula Polo e passà per Innsbruck en neanca 3 ore (beh... en velox l'ho bem ciapà en Oetztal, ma la speranza che la multa no la me arriva a cà, l'è l'unica occasiom che me fa sentir 'taliam) sém de volta a sugar le picche... per la prossima alpinistica!
| Se se envia sulla forestale che entra en tel vallom partendo da Gries im Sulztal.. | |
|
...en compagnia gh'è anca pony e vedeloti.. | Dopo en quart d'ora en piano, se taca finalmente a ciapar quota velocemente... | |
|
...e dopo 50 minuti arivém a na prima piana: el nos rifugio l'è subit drio el rocciom davanti che sèra la val. | La sera a taola, tra na birra e l'altra, studiém el percorso de salita e discesa del dì dopo. | |
|
La mattina, se se envia rento per el vallom per saltar sul versante sinistro drio la prima dorsale... | A vardar su la nosa zima, e l bel temp... ehehe... el Kepo l l'ha mbroccada anca sto colp! (e ancor pù soddisfaziom quando i ne diserà che zò n Trentin è drio a piover!) | |
|
Seguìm la morena costeggiando tutt el fianco sud del Schrankogel... | ...e l'ultim tòc su nef... tra sfondar e galleggiar, la fadiga la se fa sentir en fretta... | |
|
Arrivai a quota 2900, passém alti sora en laghét e... | ..lasandone el ghiacciaio alle spalle, la mpontém sulla gresta a sinistra, che prima la parte larga e dolza... | |
|
...e po' la se strenze tra nef e roccette... | 400 metri a testa bassa, tra sfondae de nef e fià cort... e ... passà for en picol gendarme de roccia (chiodo.. che no avém doprà: neanca mbragai!)... | |
|
...arrivém sul fil de gresta e... | ..Berg Heil, alpinisti!! | |
|
E adess se pol molarla vers val per la NormalWeg, che smonta a sinistra della Westgrat (davanti). Propri sotto la gresta, se vede lontan el rifugio: ehehe... l'è longa! | Passai finalmente sotto i 2700 de quota, finiss la nef e allor... ghe sém, altra zima portada a cà e adess...en zò... rugola anca i sasi! | |
