52 gallerie del 2010-08-17

ESCURSIONISTICA 52 gallerie del 17/08/2010

Rientrà al sera dale ferie, giust el temp de saludar me fradèl per la nasita del me secondo nevodo, n giro veloce per Roveredo a far scorte per mpienir el frigo e n piatt de spaghetti, che alle 1 e 1/2, gh'è da nar! Ancoi, vista l'ora tarda, stém en zona Pasubio endò che farém la salita al rifugio Papa per la ferrata Falcipieri e la discesa per la strada delle gallerie. Alle 2 e 1/2 sém zà en Italia al parcheggio de Bocchetta Campiglia che ne enviém su per el segnavia della ferrata Falcipieri che parte subit a destra della megastruttura de cemento fatta coi schèi che n'ha ciavà Galan per darghéi ai comuni taliani de confin e tegnirli boni... La mpontém subit a manetta e dopo 100 metri de pontèra saltém for sulla strada delle gallerie... mmm... a dir el vera pareria esserghe en senter che gira drio en tel bosc, ma el se mbusa massa tra le piante e allor tegnim la strada delle gallerie. Passada la terza galleria arrivém al livèl dele nebbie (ma no erel qi l'attacco della ferrata?), e tirà for frontalini e alogena ciapém en bom pass da somenar subit la zént che era partì con noi da val. Dopo la sesta galleria ne rendém ormai cont che l'attacco alla ferrata l'è bèl che saltà: evvabè, dai, farem le gallerie a salir e i Scarubbi a smontar: po', col nebbiom che gh'è en ferrata no l'è propri nient de bel, en galleria enveze tra luci e vapor vem for propri qualche bela foto (e anca qualche bel video dato che l'Antò el g'ha ancor en ment le ballae en disco dell'ultima stimana... el Kepo enveze, el ricorda bem sol i superalcolici...)! Mpontém en velocità la galleria pù longa de 300metri, ma col pass veloce e l frontalin da 10W alogeni, no ne rendém neanca cont de passar for. Arrivai vers la 40esima, finalmente superem la quota nebbie e arrivém a na deviaziom per frana che la ne sbara su per la ferrata che no evem trovà: ma ormai l'è passaman, quindi riciapém al volo le gallerie. Ultimi 35 minuti e arrivém al rifugio Papa: Berg Heil! E quindi qi ne l'è doverosa na pausa birra media, Braulio e prugnetta e dopo na bona mezzora, quando sém lì che saltém for encrosém anca l'Alessio co la sò dòna (che n'eren sentui l'an passà -quando erém tuti e doi spacai su- per confrontar se recupera prima la spalla o l ginocio), quindi ciapà la rotabile dei scarubbi empontém el sentér e.. via de bala che gh'è da nar: el segnavia el dà el parcheggio a 2 ore e 1/2, noi la molém en velocità taiando curve su curve. I bacheti da trek i ho sempre visti come qualcos per salvar i ginoci en zò, ma non de zerto per correr...e nveze g'ho da far le mie (che no i dopro) a starghe drè all'Antò... ma de zerto no me lasso distaccar e en te n'ora scarsa sém zà zò al parcheggio, endò che me ciama el LucaSEM (el socio da Milan con cui ho scominzià a far i 4000 en tel 2003): l'è drio a vegnir en Trentim per far la Translagorai, ma stasera el se ferma a Trembelem... e quindi la rumba l'è assicurada!

L'imbocco della strada delle gallerie (el senter per la ferrata passa esterno a sinistra). Diaolopò... ma s'hai combinà su sti taliani coi soldi trentini per tegnir boni i comuni de confin????!!

El sentér della ferrata el sbuca su quel delle gallerie... se vede che l'attacco l'è pù en sora..

..ma le gallerie le continua... diaolopò.. avém mancà l'attacco della ferrata Falcipieri! Eh, beh, va..

..la strada dele 52 galerie l'è nà garanzia... co la torcia alogena del Kepo, po', no gh'è riscio ne nzampar!

..anca la galleria da 330m, la passém for a giorno senza quasi scorzernen

Kepo!! Torna de volta!! Và che l'attacco della ferrata no l'è quel lì!

E dopo na bona ora de nebbie padane (sém sul versante taliam), svizinandone al confin, saltém for al sol!

..e trovém anca i ultimi dò cordini della ferrata mancata! (che però, per rispett fem senza imbrago)

Ecco l rifugio Papa... ghe sém..

..e allor, en bom brindisi al rifugio, endò che ncrosém anca l'Alessio e la sò dòna.

E quindi... pronti alla gara sui taioni zò per la rotabile dei Scarubbi: disisette Km de strada... ma de corsa zò per i scortoi la magném en neanca n'ora!

Ste pagine l'e' stae cargade volte da visitatori dal 3 de agost 2005

L'imbocco della strada delle gallerie (el senter per la ferrata passa esterno a sinistra). Diaolopò... ma s'hai combinà su sti taliani coi soldi trentini per tegnir boni i comuni de confin????!!
		El sentér della ferrata el sbuca su quel delle gallerie... se vede che l'attacco l'è pù en sora..
..ma le gallerie le continua... diaolopò.. avém mancà l'attacco della ferrata Falcipieri! Eh, beh, va..
		..la strada dele 52 galerie l'è nà garanzia... co la torcia alogena del Kepo, po', no gh'è riscio ne nzampar!
..anca la galleria da 330m, la passém for a giorno senza quasi scorzernen
		Kepo!! Torna de volta!! Và che l'attacco della ferrata no l'è quel lì!
E dopo na bona ora de nebbie padane (sém sul versante taliam), svizinandone al confin, saltém for al sol!
		..e trovém anca i ultimi dò cordini della ferrata mancata! (che però, per rispett fem senza imbrago)
Ecco l rifugio Papa... ghe sém..
		..e allor, en bom brindisi al rifugio, endò che ncrosém anca l'Alessio e la sò dòna.
E quindi... pronti alla gara sui taioni zò per la rotabile dei Scarubbi: disisette Km de strada... ma de corsa zò per i scortoi la magném en neanca n'ora!