VII DRAGONONESA diga di S.Giustina del 01/08/2010
Fatto l'allenamento settimanale col Mai Zeder, convint de gareggiar col Piné, al sabo i me ciama disendome che el Dragonheart sto colp l'è riusì a far su na squadra co le scorte del Nutria e quindi, sto colp gareggiém come Nutria Heart: mmm... beh... dai... ciamarse "cuore di nutria" no l'è en gran nome ma: gh'è da nar! Parto da Trembelem per mezdì e alle 1 som lì che parcheggio a Le Plaze sulla diga de S.Giustina, e magno al volo en par de ciòpe col Speck che me som portà da cà: la gara l'è tra 2 ore... però ancor no se sa quanti sarém en barca. La Michela la gestiss le iscriziom, el Fabri come capitan el ne trarà zò i posti en barca e allor ne basta spetàr le 2 per sentir i sorteggi dela riuniom dei capitani. St'am, con vinti squadre iscritte, i fa 2 batterie e partendo en 10 en linea per i quasi 10Km de gara, sarà na bella battaglia a restar concentrai sul tambur dela propria barca senza farse sconcentrar dale barche de fianc! Noi sém la seconda batteria e a dir el vera no me spiass propri vist che le favorite le è tutte en la prima. Ne trém bordolago e alle 2 e 1/2 vardém la partenza della prima batteria: allineamenti sempre al cardiopalma, all'attacco.... GO!!! Massa bel veder la partenza delle 10 imbarcaziom affiancae: ehehhe.... 220 persone en acqua 'si vizine da pagaiarse quasi adoss... e che sciapotament de acqua... propri spettacolare! Ném a vestirne e arrivà la prima batteria saltém al volo en barca... ancoi pagaio a sinistra, spero de no negàr massa quei drio de mi (viste le seciàe de acqua che tiro su a ogni pagaiada!). Montai en barca con en par en prest dal Borgo e le riserve delle Nutrie riusim a arivar a 17... e allor mettem a pagaiar anca la tamburina! E al tambur ciamen en Nicola (l'ex capitano delle Nutrie)... che con quattro zigae el ne tirerà ben en riga per tutta la gara! Girét de riscaldamento, ne allineem, pronti, all'attacco.... GO! 3 pagaiae lente e veloci, altre 17 veloci per enviarla via... stacco e ....passo! Partenza P E R F E T T A !!! Siam strettissimi tra el Flamingo e l Pergine, diaolopo' se sente le svampae de calt delle arfiae dei pagaiatori delle squadre de fianc! Passo costante e man man al Pergine ghe passém davanti, mentre el Flamingo l'è sempre lì. Altre 3 barche par che le sia davanti, ma alzar i oci for dala barca l'è vietà, quindi no arrivo pù de tant a rendermen cont. La tirada de 5 Km per 20minuti fim enfont alla diga l'è eterna, arrivém alla boa che dovém lassarghe la precedenza al Flamingo quindi na volta fatta l'inversiom a 180 gradi provém a taiar dall'interno e ciamar l'acceleraziom... ma probabilmente i brazi no i g'ha da tirar de pù e restém sempre lì lì. Ensomma, alla fin tutta la gara l'avém fatta en coa (quasi affiancadi) a lori, e drio sempre tampinadi dal Perzem... arrivai al traguardo dopo 43 minuti, no pareva vera! Sém tutti keppottai: bella gara e bravi, vist che drio qualche barca l'avem ben lassada. Portà for la barca e messa la divisa de squadra, no arrivo quasi a beverme na birretta che l'è ora de premiaziom, propri entant che l rest dela squadra l'è al banc a bever birra: e allor salto mi sul palco a ritirar per tutti, quindi, na bona zena de pasta, arosto, patate e pomi e qi gh'è da decider 'sa far. La pista per el beach party l'è strapiena, i banchetti che trà for birra anca (eheh.. 10000persone stimae ... e difatti i ha fat for 108 fusti de birra!), el problema l'è che se resto qi a far rumba me toca star qi a dormir se no voi zontarghe la patente e allor, alle 7, prima de concederme la seconda birra salto en macchina e saludà tutti me trago a Trembelem: tanto en 'sti dì, i litri de birra no me i som miga fatti mancar!
| Pronti a partir anca con stà tribolada: el Kepo nol pol mancar! 4 fila pagaiator sinistro... ciapé fià.. che dopo per n'ora gh'è da tirar!! | |
|
E finì la gara, na bella sguazzada per rinfrescarne ne la meritém propri, ma... Kepo!!! G'hat ancor la forza per tirar su le pagaiatrici??? Vol dir che en gara no t'hai dat tutt... disgrazià!!PS: En dovereso ringraziamento ala Barbara che m'ha fornì le foto. | E dopo le premiaziom, na bona magnada e a cà diretti, che se sto qi a far rumba, della patente i fa coriandoi! | |
