DRAGONBOAT VIII DragoLases del 03/07/2010
St'am, co la diaspora dei teroni en squadra, è stà propri dura far i alenamenti en dese e per fortuna, no sém i soli en difficoltà en quant a numeri! E quindi la gara la preparém con l'equipaggio del Pinè (anca lori no i naviga a barca piena). El ritrovo l'è per le 8 e 20 al lac de Lases, la prima nossa manche alle 9 e 30. Passo dal capitano del Pinè a farme passar la disposizione d'equipaggio e controllém de esser al completo: 10 del Piné, 10 del Dragonheart. Per spartezarne bem som pagaiator sinistro: ehehe... al collaudo della spalla nova! Per le 9 e 20 saltém sulla barca e ne trém en partenza. I avversari de batteria l'è l'Xtreme. All'attacco... GO!!! 3 pagaiae longhe, altre 17 en acceleraziom, stacco, passo... curva! subit altre 20 per rilanciarla, stacco, passo.... e qi ne speta el rettom lonc, quindi ultima curva e sprint fim all'arrivo. Ghe sém, na bela tirada de col da 2 minuti e 44 secondi: ne fiondém for a vardar i tempi delle altre squadre e no sém messi mal! Spetém che finissa el giro tutte le barche e pronti per la seconda manche! Noi sém entorno a metà classifica (de 16 barche), quindi vist che en finale va sol le migliori somme dei tempi delle prime 4 barche, ne accontentém de dar tutt en la seconda manche (che tanto en finale no se g'ariva). Tutte le barche le migliora e noi... all'attacco... GO! Curva, rettom, curva e... la vola! Se la sente nar propri bem! Sto colp po', col ritmo en po' men sostenuto, sém riusidi a tegnir la pagaiada bella cattiva... arrivai con en sprintom finale i ne diss el temp: 2.43... beh, dai, migliorà sol en secondo... credevém quasi de pù, ma alla fin n'ottavo posto su sedese (e ne sém allenai en gruppo sol dò volte!) l'è en bom risultato! Oltretutt la pagaiada tegnua en gara l'è quella vecia con piegamento e non quella che ne sém usai a far de solit alla todesca, quindi... propri bem! Se pol adess concederse al disnar e alle birrette ...e con me cosìm Loris drio el bancom, sto zerto che no se arriverà a sugar l'ugola! ... e quindi, prima de superar el tasso alcolico, per le 2 meio che me traga, senza spetar la finale, vers cà! Entant el Claudio (el nos capitan) el va de public relation co le altre squadre per veder de embastir via altri gemellaggi per le prossime gare. Sperém! Barca piena o voda basta nar! Gh'è da nar!
| Montà i gazebi.. sole e acqua! Via a pagaiar! | |
|
I risultati de gara... ma prima delle finali... | Mahlzeit e .. Prost! | |
