ESCURSIONISTICA Stivo (traversata N-S) del 06/06/2010

Stormenì dal fuso orario dela sciada del gieri, daverzo i oci per le 9, el sol l'è zà alt... diaolopò... no se pol restar a cà! E così ghe mando n'SMS all'Albert a veder se ancoi l va zò al lac coi soci del paess (e l vem zò en MTB) o cossa.... nient... tra 20 minuti el parte per en giro en montagna sul Stif... sa vot, no nar? Na... gh'è da nar! Tiro for Arva, Pala e rampant dal zaino e per le 9 e 25 ne enviém su per passo Bordala. Ancoi fem la traversata Nord-Sud del Stif, e parcheggiando a Bordala, evitém anca el casim de quei che ciapa la diretta da S.Barbara e anca el traffico per smontar a Loppi (che ancoi, sol a pensar de nar en macchina al Gardasee, me vegnirìa el lat ai ginoci). Zaino en spalla e alle 10 e 5 ne enviém rento per el bosc a passo spedito. Primo segnavia per monte Stivo: 3 ore ... vedém quant pù bravi sém! Dopo 10 minuti de pianoro, e sgarrì en cavriòl che salta su per el bosc, empontem la salita e n te n'attimo tra calt e afa s'è subit en ten bagno de sudor... passém subit 2 vecioti che è drio a nar a disnar al rifugio, po', dopo quattro bele serpentine, quando se sciariss el bosc passém en par de taliani (se i riconoss dale besteme en tipico dialèt veneto), quindi altre 4 persone e en 50 minuti sém zà al cancellét paravacche quadrivio per Cornett, Drena e la nosa zima. Bevèst en goz de acqua e ciapà fià 5 minuti la mpontém su per la dorsale oltre l bosc e qi finalmente se arfia en po' de pù. Passém via na biondona con sò fiola, quindi, empontandola su per i sassoni, se daverze for anca le ultime ghèbe sulla vetta e ecco la cross davanti! N'ora e meza totale e... Berg Heil! El temp de trar zò qualcos per la fam e veder n putèl todesc embardà fim ai denti che se fionda zò per la dorsale sud co la MTB, e... la sé la se fa sentir: Radler media al rifugio! Anzi... doe... Quindi dopo na bona trequartid'ora de pausa, la molém dritta vers S.Barbara: sto colp, enveze della solita stradina dalle malghe, tolém el sentér dirèt dalla gresta: pù ert, ma men sassos... 30 minuti e passà for le Prese sém zà lì che svoltém a sinistra per S.Antoni e quindi, taià for la baita dei alpini en altri 40 minuti de pianoro (e n par de saliscendi) per le 2 e 1/4 sém zà lì che saltém en macchina a veder endò è finì i altri soci del paess: al Gardasee... azz... col traffico che gh'è ancoi pero', mejo tornar alla Kepo Hütte a svodar el frigo de quel vanzà dala rumba de compleam dela stimana pasada!







50 minuti a testa bassa e sem zà al paravacche del spartiacque tra Vallagarina e Val del Sarca
Seguim el fil de gresta en direziom dei nuvoloni...
... e passà for el limite del bosc se davèrze for anca l nebbiom e... ecco la cross!
...ultimi passi su per i sassoni sotto la cross ... e se rasserena giust, giust...
..per el Berg Heil! ...e ovviamente per la birraccia del rifugio!
Smontém quindi, sempre tegnindone lungo la gresta sul versante sud fim zò a S.Antoni, quindi, girà a sinistra...
...ritraversém sotto tut el stif che con en par de saliscendi e 5 chilometri, el ne riporta alla macchina a Passo Bordala.


Ste pagine l'e' stae cargade volte da visitatori dal 3 de agost 2005