SCIALPINISTICA Punta S.Matteo del 05/06/2010
El zero termico a 4000, temperature previste de 20 gradi a domili metri... ma endo' vole' nar??? Na... dai... finche' gh'è nef gh'è speranza e l'irraggiamento notturno, nol stà zerto a vardar el termometro: basta demò sia seren... e allor: gh'è da nar! Puntà la sveglia alle 1 (diaolopo'... sol 2 ore e meza de som), per le 2 e 1/2 me trovo a Cles co la Pamela e l renrav: destinaziom de ancoi la punta S.Matteo dal passo Gavia. Passà for el Tonale, smontai en Italia a Ponte di Legno e risaliti al Gavia, parcheggiém la Polo davanti al rifugio berni per le 4 e 10... diaolopò.. l'è anca massa bonora... e allor prima delle 4 e 1/2 restém en macchina a polsar, quindi viste le prime frontali dei skialp che se tira a um dal rifugio, tachém con calma a prepararne anca noi.Ore 5, traversém la strada e saltai sui mucioni de nef (fianco strada ghe n'è ancor en metro) traversém for el pont de legn e risalim sul doss davanti per na zinquantina de metri scarsi. Da qi besogn calar 80 metri per smontar en la val che ne permetterà de narghe al vers al ghiacciaio: no se cava le pel... se va de telemark. Da qi l renrav e la Pamela i parte subit spediti (diaolopo', ho ben capì che sarà n'altra tirada de col anca ancoi) en direziom dela cascata davanti che sèra la val, quindi trati su i rampant aggirém su per na pontèra da destra la cascata e cavai de nof i cortèi da giàz ne portém en direziom dei seracchi, che davanti sèra la val. Altra pontèra coi rampant sulla destra e finalmente sem sul ghiacciaio a guadargnar metri en direziom della forcella frontale. El renrav el ciapa el largo, la Pamela, per fortuna (eheh... la quota) la rallenta n'attimo l pass e ghe la fem a nar su ensema. Arrivai sotto la forcella, altro giro de rampant e... che erta!!! zete su zete co n'ocio a no rugolar e sém al skidepot.... e adess gh'è i ultimi 100 metri alpinistici da far: ramponi, picca e via! La parte pù dura sarìa la prima rampa de nef per aggirar el sassom da destra: sui 45... ma passà for la grestina, enveze che ciapar la via normale che salta su da sinistra, seguim i più che punta diretti alla cross: pareva stesse pendenze... e nveze... gh'era da passar for en ginocio e anca l'uscita sulla cross: tranquillamente sui 60 gradi! E mi co na picca sola... no me sentivo zerto en relax.... no spendo parola a descriver la Pamela, che enveze, alla so prima volta coi ramponi, l'è vegnua su come n gat! Berg Heil! E qi, adess, podém fermarne na mezoreta a polsar: gh'è zò na processiom de zent ancor all'attacco del ghiacciaio de almen 100 persone! E qi en vetta chi te trovo?! Ah, ah... el Marco (pub) de Sondrio... che l'è ormai dò anni che no ne biném per zime, ma adess...qualche skialp ensema prima che el torna a far i ED estivi en solitaria (se fa per dir), g'avem da tornar a farla! Per le 10 e 1/4 la nef l'è quasi pronta, e allor, ne sbasem sotto e co la mandria de zent che va e vem gh'è da star all'ocio ai blocchi de nef giazada (e anca en sci!) che vem zò da sora. Trati i assotti sotto i pei scominzia el bel: firn ancor en po' durét sul prim rampom, quindi super sommerfirn! E la molém propri en velocità! En te n'attimo sém zà sull'ultim rampom che smonta dal ghiacciaio sotto le cascate, e ciapà velocità ne portém en la valletta 80 metri sotto strada, giusti giusti perchè el firn el tachessa a sfondar. Ne fermen allor a ciapar en po' l sol, quindi, ripellà ne portém sora el pontat, quindi, pèl en tel zaino e n te n'attimo (mezdì) sém al Berni per l prost de fine gita. La discesa dal Gavia, co n'ocio a no cosérghe i freni ala Polo e a schivar i (massa) motociclisti che salta su, l'è en percorso a ostacoli. Tornai a Cles, ném a cà del renrav a reintegrar le energie con formai, salame e patatine (eheh... co la sudada per el calt de ancoi, el sal el magném come i cavài!), e ovviamente a pensar alle prossime: me fa bem timor zerte idee OSA, ma gh'è da nar!
| Ore 5.... gh'è da nar! Traversém subit el pontat e ne enviem rento per el vallom (zò enfont zà se vede la nossa zima)... | |
|
...lassandone alle spalle la strada (da notar quanta nef ancor gh'è fianco strada!) | Se perde quota sotto le slavine, e ancor se se sbassa sul font del valom e se procede fim a endò el se sèra... | |
|
..quindi se aggira el salt de roccia/cascata oer l'ert pendio de destra.. | altro rampom e sem zà sul ghiacciaiom... | |
|
..quindi dopo n'altro bel toc de sviluppo, se salta sulla rampa finale che ne porta al passo... | ...endò che se mola zò i sci e armai de picca e ramponi se punta alla cross de vetta... | |
|
La taca dolza.... ma alla fim... | ...diaolopò che erta!!! | |
|
Berg Heil Alpinisti!! Eh eh... co la pontèra finale, po', la soddisfaziom della zima l'è ancor pù granda! | E adess picca e ramponi podem tornar al skidepot (magari per la via normale enveze dela direttissima!) e... | |
|
...trati i asotti sotto i pei: molarlaaaa!!! Super Sommer Firn!!! | Tornai alla piana sotto la cascata, dopo na mezzora de pausa rimettem le pèl e.. | |
|
saltém sull'ultim dossét: praticamente arrivai. Super schitour!!! Nef ancor ghe n'è: na... l'è ancor prest per cavar le pile ai ARVA: volem nar de pù!!! (che l'è propri quel che è drio a dir la Pamela coi bachéti). |
