SCIALPINISTICA Eggen Horn (forcellone Latemar) del 22/05/2010

Col calt e la nef ormai ale alte, la val MArtello la par la garanzia per tirar for i assotti, ma el Yenkyy, l´e´ sta´ en zona del Latemar anca al gieri, e da nord, gh´e´ demo´ 25 minuti de schitragen da far... oltretutt, al vendro el propone en giro en zona co la prima parte tutta a nord e sora a sud: en pratica, na garanzia de firn da zima a font! Gh´e´ da nar! Partim da Roveredo co l´Alberto alle 4 e 1/4, e per le 5 l´appuntamento l´e´ a Ora con Yenky & C. Enfilai da Bolzano Nord su per la val d´Ega, arrivem a Obereggen su per la pista da slittim e parcheggiem alla Laner Alm. Assotti sulla schena e alle 6 en punto ne enviém su per la forestale a sinistra per circa 25 minuti. Ancoi sem propri en bel gruppom: en 9! E tuti en pratica del forum internet dei skialp... quindi vist che fago sempre fadiga a ricordarme i nomi, per deformaziom professional, me sarà bem pù fazile sto colp a pensar ai nickname:o forse no? Fata na semicurva en pian a destra, se intravede en tel bosc qulache macia de nef (en realtà en pel pù envanti dovria esserghe anca en setér...) e allor puntém dritti for per el bosc, finché arrivém a na conca endò dal maciom de nef parte anca le vecie traccie: assotti sotto i pei e via! Se scaveza su per el bosc e en te n'attimo se entra en la conca del forcellom. El rigelo notturno l'ha loara' benom, costeggiem n'enorme slavina da calt e tegnindone alla destra dele so marogne, tachém de zete a ciapar quota su per el canal. Giust zento metri de salita e zà la pendenza (e l giàz) el ne fa metter su i rampant per nar su en tranquillità.... e man man che se empenna el pendio se consuma en quadrett famigliare da meterse le man en tei cavéi: gh'e' en vecio todesc che è drio a vegnir su per el giàz co le scarpe da ginastica perchè scarponi e ramponi el l'ha desmentegai a cà! Ma elo matt?? Sa fente noi qi allor con lamine tirae a lucido (no l'e' vera! co le mie no te taieresi neanca el GrauKäse!) cortèi da giàz sotto i pei e picca e ramponi en tel zaino? E diffatti, nol fa dosénto metri che le zopèle no le ghe tegn pù e ghe toca girarse. La so dòna enveze, la prosegue en allegra compagnia del so caign, che seta a nar su e zò per i canai, finchè... nol ciapa el canal sbaglià e passando da na gola drio, el salta for su na cengia a 20 metri sora el nos canal: encrodà! El rest della salita del forcellom l'è sempre pù erta... col caign che sèta a sbaiar disperà, e mi concentrà a far zete su quell'ert che se te slipeghi... no.... meio no pensarghe! Mi rallento en po' el pass nelle zete finali, entant è zà arrivà su l'Albert el Yenky e altri 4. Quindi cacciai su i ramponi el Yenky el torna sotto a veder de tirar el caign della siora for dalle straze... e enveze, no se gh'è nient da far. Arrivà su, vista l'ora (le 8 e 1/2), vist che la discesa e la risalita vers la punta Diamantidi la par longa e qi la nef l'è drio a molar, decidém de contentarne de far el Corno d'Ega, la zima alla nossa destra all'uscita del forcellom. En realtà tornai su dal tentativo de salvataggio del caign, l'altro gruppo prosegue comunque per la Diamantidi. Ore 9 e 1/2... berg Heil! 4 foto de vetta e se pol molarla vers l'imbocco del forcellone: firnaccio!!! Bel, bel! Se fa propri quattro bele curve su sommerfirn bel ert e en te n'attimo sem za' all'imbocco del canal: che pero' no essendo ancor entrà el sol, l'è ancor giazà: gh'è da spetàr, e allor ne metem a ciapar el sol. A vardar via i altri vers la zima di fronte i la g'ha ancor longa, e allor alle 10 e 3/4, quando la taca a molar anca a nord, gh'è da trarse! Prime curve sull'ert, quindi, entant che l'Albert el se ferma a zercar de soccorer el cagn (ma alla fim, arriva el soccorso alpino e i ghe pensa lori), me fago ciapar la man e la molo en velocità col Valentino e l renrav, e n te n'attimo, schivà la solita slavina alla nossa destra e co n'ocio de riguardo (passando en velocità) ai sassi che casca zo' dalla parete sinistra scaldada dal sol. Ultimi metri de ravanada en tel bosc, quindi sci en spalla e en 20 minuti sém de volta alla macchina. No l'è ancor mezdì, e vist che dovém spetàr i altri, ne trém zo al sol: pecà sol che la Laner Alm l'è serada... Alle 1 e 1/2, finalmente arriva el secondo gruppo, mentre i ultimi doi i ha fat n'ulterior variante per saltar for da n'altra forcella de fianc al forcellom. Ne trém alla locanda dopo el bivio per el Costalunga a bever na bona Radler e ciòpa col speck e alle 3 e 1/2 arriva anca i altri: e tutti g'avém da contarne del girom fat ancoi: bel, bel, ma adess l'è tardi, gh'è da nar... a sugar le pèl per doman!









Ne enviem rento per el bosc a zercar le prime lengue de nef..
...e subit rento per el vallom costeggiando l'enorme slavina...
Se trà soto i rampant e se taca de zete...
...sempre pù strette, sempre pù erte!
L'uscita dal forcellon l'è propri en pè... guai rugolar!
Entant che i altri i se envia vers la punta Diamantidi (sullo sfondo), noi puntém alla nosa destra all'Eggen Horn...
...ma de zerto no la spiana neanca da sta banda qi! E dosento metri sora el forcellom...
Berg Heil!
E subit la molém alla forcella... sommerfirn!!!
Quindi besogn spetar n'oretta che el sol el laora anca en tei versanti nord, quindi... gh'è tut el temp de farse na polsada.
E quando l'è pronta anca la pontèra.... gh'è da molarlaaa!!!


Ste pagine l'e' stae cargade volte da visitatori dal 3 de agost 2005