ESCURSIONISTICA Becco di Filadonna del 16/05/2010
Con sto temp da lupi sia a nord che a sud dele alpi, se deventa ormai de clausura... e viste le previsiom per ancoi: ventàz frét e nuvol la matina, en miglioramento da mezdì, rinuncio alla skialp en Martelltal per tirar for i scarponi da montagna e far la prima camminada vizim cà dela stagiom. Me meto d'acordo col Stefano per trovarne al Quercia a Roveredo per mezdì e n quart: ném a far la zima pù alta dela Vigolana, el bèc de filadonna. Via de bala co la Polo per Mattarell, Vigol e quindi su per el pass della Fricca, endò che per le 1 sém al bar Sindéch (1080m) che trém su i scarponi. Ormai i me Nepal Extreme i è al canto del cigno: diaolopò, mejo che me daga da far per risuolarli enfretta prima che ritaca la stagiom. El Stefano ancoi enveze el collauda i sò novi òci de vedro: che figada... el riesse a veder en zorz en tei canaloni a 2Km de distanza! Besogn organizzar qualche battua de finferli per l'autum che vém! Saltém su de bala per el percorso de gara e a testa bassa, enforchém el nòf sentér costruì l'an passà: pù comòt, pù larc e con pù zete de quel vecio (adess sbarrà da sassi e frasche). En te n 3/4 d'ora sém zà lì che arivém su ai 1572m del rifugio Casarotta, quindi, ciapà el sentér de destra puntém ai canaloni che porta vers destra sotto le guglie che domina la val. Passà for en par de traversi slavinai (che ha portà en val l'inferno), tachém de zete su per le mughe carbonizzae dell'incendio de ormai 8 ani fa, quindi, su per geroni e qualche macia de nef e sém prest alla forcella da endò che parte el bivio per Folgaria e endò che se daverze for la visuale (Trent, Roveredo, Lac de Caldonazz). Ultim travers vers destra e 20 metri de roccette: berg Heil! Drio la zima vera e propria gh'e' n'altra zimotta con en crosom de fèr, ma la zima vera l'è quela co la targa e la cross picola de marmo! Da val i deva la salita en 3 ore e 20 e noi.... per no restar endrio.... ghe n'avém mess n'ora e 40! Ehehe... sempre en forma e allenai nonostante el tempaccio dei ultimi dì ! E allor, anca per via dell'aria fredda, no perdém temp e ne molém de bala vers el rifugio a bever na bona radler media. E qi, co la bela rifugista bionda che ancor se ricorda de mi (dalla gara fatta 3 ani fa), quando la se mette sulla banchétta a ciapar el sol, salta for na situaziom propri da rider (en po' imbarazzante....). Ehehe.. ero drio a farghe veder al Stefano sora el rifugio: "vara li' quela muga come la s'è butada zò", riferendome a n mugo slongà per 3 metri sora el sassom. E la rifugista... la penseva parlessém de ela e la m'ha domandà: è finì tutt en te na risada. De zerto, a na bela putèla, no ghe dago zerto dela "muga", ahahah! Copada la Radler la molém zò per el sentér de bala e saltai en machina ale 4 e 20, dopo tre ore totali effettive de caminada, per le 5 sém zà de volta a Roveredo. A pensar alle prossime scarpinae, ma finché gh'è nef, i assotti sei tegn sempre sull'uss!
| Ne enviem spediti su per el bosc, e per el nof sentér se passa tra casòte e.. | |
|
..nani de larés. | Quattro erte zete e se traversa for en fretta el fitto bosc.. | |
|
...e se salta for dal bosc giusti sotto el rifugio. | Dopo n tòc pian en travers dal rifugio, la se mponta sempre de pù, se traversa for, sempre guadagnando quote, el vecio bosc carbonizzà 8 ani fa... | |
|
...e se arriva alla forcella "bus de la Zola" endò che se daverze for la visuale su Roveredo, Trento e Valsugana... | Ultim traversim puntando alla destra della cross davanti (quela col crosom l'è la zima de fianc, pù bassa). | |
|
...e... a tempo di record: Berg Heil! |
