SCIALPINISTICA Cimon di Lasteolo del 01/05/2010
No l'è zerto le prevision pessime che ne tegn a cà: passà en par de ore a encrosar le carte meteo, scartà AlpenHauptkamm, NordTirol, SuedTirol e WelschTirol occidental (no sarìa stà na brutta idea 'na pestolada vers malga Mare)... resta demò el Lagorai: cielo serem, rigelo sicur... anca perchè col calt che l'è.... Ne trovém al stadio a Roveredo alle 5 co l'Alberto e l'Andrea e partìm per Ziano de Fiemme: la destinaziom ancoi l'è el Cimon de Lasteolo: gita tutta a nord sui 1250m de dislivel... se demò se podessa arrivar en macchina a Cavelonte, e enveze... forestale serada perchè el manto stradale l'è stà ridòtt propri mal dall'inverno: ne tocca partir 250m pù en bass del previsto, e co na forestale che entra rento en pian, almen 45 minuti de marcia en pù: de zerto, se zerchém al volo en ripiego perdém pù temp, e allor, cor en paze, sci en spalla e via de bala! Partidi alle 6 e 3/4, passém en fretta la località Cavelonte, quindi dritti sul fondo della val, seguendo el rì, guadagném en fretta altri 300metri taiando su per el bosc fim a malga Toazzo. Passada la malga, se sèra la val e all'entrata della forra finalmente podém metter i sci:subit taca la ravanada tra salti de roste, pini e torrente: la traversata del rì en piena, l'è la roba pù pericolosa della gita: guai cascar con sotto el cul dò metri de acqua! A dir el vera, al ritorno avém bem trovà en vecio pont de nef e l'avem traversà sciando... ma ...saverlo! Persi quaranta minuti comodi a scaverzar su per la forra, entrém en te na piana che dopo en chilometro la ne porta sotto 3 canai e na dorsale. La dorsale par la roba pù sicura da far, ma vist che la nef l'è bella fissa per el frett della not... ovviamente scegliem el canal pù ert. Zete su zete e finalmente saltém for su quel che pensevém esser la zima: e enveze... el taboga el continua vers sinistra fim a na piana da cui parte la rampa finale per i ultimi 150metri: e la rampa finale, ovviamente no la mpontém alla comoda! No l'è ancor le dese che l'è zà ora del BergHeil: scominzia a ennuvolarse anca qi adess... ma a vardarse entorno, el KepoBernacca el l'ha ciapada alla grande sto colp! Tutt entorno... gh'è demò nebbioni! Zò le pèl e en tel taboga, restém al centro endò che l sol l'ha laorà ma no massa.... la parte sinistra del scivolo l'è pappa, al centro firn e a destra giàz. Dopo na mpontada dell'Andrea che per n'attimo, a vederghe girar el ginocio a 180, el m'ha fat propri preoccupar (ma l'è fat de goma... per fortuna), l'Albert el la mponta dritta zò per la forra e scavezà sora el rì, perdém en fretta i ultimi 200metri en ravanada fim alla piana della malga. Anca questa l'è fatta: sci en spalla na mezzoretta scarsa e smontém veloci alla Polo. Na bona birretta alla locanda tipica de Zian (mmm... ma l'ista' cambiei gestiom? era sparì le robe tipiche!), quindi per le 1 sém zà de volta a Roveredo. E la roba impegnativa la scominzia adess, ehehe... gh'è me cosìm Cristian (e altri 40 soci) che me spèta co le boze de ross piene en Trembelem, per la festa del prim de maggio (e l complean dela Zando): Prost!
| Sci en spalla e avanti a testa oltre Cavelonte, fin malga Toazzo... | |
|
..quindi trati i assotti sotto i pei se ravana su per el bosc... | ...per nar a tor el ri' che el se sèra en te na forra... | |
|
...e a traversar el rì, g'avem da far propri salti mortai... | Diaolopo'! Corda imbrago e muta! Ocio Kepo a no slipegar: qi l'è fonda 2 metri! | |
|
For dalla forra, traversém la piana e scegliem en canal: ovviamente el pù ert... | ..che l ne porta en te la piana finale, en vista della vetta. | |
|
Ultima empontada e... | Berg Heil! | |
|
E adess... co la nef cotta a puntino... zò le pel e gh'è da molarla! | E ovviamente, endò che la se mponta, no zerchém zerto el piano! | |
|
Quindi, passà for la forra, ultima ravanada en tel bosc e anca questa l'è fatta! |
