SCIALPINISTICA Punta Lasa/Laaser Spitz del 29/04/2010
Ancoi, vist che doman i ne licenzia da Telecom per trarne en te n'azienda messa mal (perchè l Bernabè, ormai deventà el disonor del Trentim, nol guadagna assà schèi), gh'è el sciopero decisivo a Rozzano (I). No avrìa comunque podèst nar, vist che dovevo esser a Innsbruck a riconsegnarghe cà alla fituaria... e envenze, con na veloce telefonada en patria, slongo l fit e me se libera de colp la giornada: gh'è da nar! Dopo le scaldae da paura dei ultimi di' en quota, finalmente, na not come se deve con previsto rigelo: basta partir prest e esser de volta... prima! Ore 4 a Calliam e per le 5 e 3/4 sém zà a Martèll su per el paess a zercar el maso pù alt della val Martell sora el paess. Par fazile... l'è en labirinto de masi! Per le 6 e 10 finalmente ghe sem: assotti en spalla e ne enviém de balla su per el sentér AVS che zà segna l nos obiettivo: punta Lasa.15 minuti comdi entorno a en rì e en par de scavalchi de recinto (giust perchè ne sem fatti ciapar massa la man dala forestale enveze che dal sentér) e arrivai en te la piana pù davèrta podém finalmente trar i assoti sotto i pei. La serenada notturna l'ha laorà propri bem: la nef la porta senza problemi. Saltém subit rento per el larc vallom che man man el se strenze e l se mponta. El sol el ciòca zà bem, ma ancoi, con sto pass, arriverém su con bom anticipo prima che la sia cotta a puntino! Zete su zete e sempre pù erta, evitém i rampant e taià su vers destra na fassa de ròste (se podéva torla anca da sinistra... ma l'era massa comoda), arrivém alla piana glaciale a circa 3000metri. Da qi finalmente vedém la zima, ma per narghe al vers gh'è da entrar sotto vers destra e mpontarla sulla pala finale. A ocio, se dovria torla dritta, ma vist che l Mich ghe piass l'ert, la tolém dall'antizima destra. Zete su zete, e che ert! Le ultime 5 inversiom le fago propri col fià tirà, dato che l'è mejo no rugolar (e i rampant, ormai no l'è pù temp de metterli). Arrivai alla base delle roccette, trém i sci sula schéna e scavezem su dalla grestina (se avessem ciapà la normale.. ne le sparmievém) e ultimi 10 metri a pè e... berg Heil! L'è demò le 8 e 3/4: benom! La nef l'è quasi pronta! Ne la tolém dolza giust per trar zò le pèl, mandarghe en berg heil ai soci scialpinisti che ancoi laora en val e per le 9 e 10 l'è l'ora de far i Firn Jaeger! E ancoi la pista l'è larga: sém sol noi su per de qi! L'è tutt na pista da biliardo, a parte qualche serpentina sfondada rigelada dei dì passai (i dovria vietarghe ai scialpinisti che dorme massa la mattina, de vegnir su a rovinarne i pendii!!!). La molém veramente spediti e zercando l'esposiziom est (a sud l'è ancor en po' massa al dente) fem 'na bella spazzolada fim ai 2700 sotto l canal che porta al ghiacciaio, quindi, vist che a est zà la sfonda, continuém però en zerca dei versanti sud per altri 300 metri. Da qi ormai l'è zà pappa, ma a noi ne basta smontar demò zento metri e trati i assotti sulla schéna, en 10 minuti sém zà en macchina sotto Martell pronti per na bona radler media (ale 10 de matina!)! Prost!
| Appena el bosc el se sfitis, subit se trà i assotti sotto i pei.. | |
|
..se ciapa subit quota risalendo e tegnindose en la conca dela valletta... | ...e po' quando la se mponta, se taca de zete puntando al rostòm sora... | |
|
..e finalmente se salta sul ghiacciaio, e da qi, vardando vers la val Venosta, se vede le nuvole lassae en val e... la foschia da calt che è zà drio a farse. | Passà su per l'erta pala finale, e rampegotà su 2 roccette... ultimi 10 metri a pè e... | |
|
Berg Heil! | E adess, trate le pèl en tel zaino e spetà che la nef la sia cotta a puntino... se la mola a manetta vers val! | |
