SCIALPINISTICA Lainert (tentativo) del 06/03/2010
Co le condiziom trovae al gieri, le aspiraziom de na scialpinistica impegnativa le va bem prest su per el camin: massa riscios! E allor anca l'idea, per star en zona, dell'Hoch Wart en val de Non meio abbandonarla e ripiegar sul pù tranquil Lainert, sempre en Val de Non, ma pù tranquil: en teoria! Ancoi sem mi, l Mich, l'Albert,l Luca, l'Andrea e l Mauro: ne trovém alle 6 e 1/2 a Calliam e dopo na colaziom e na lustrada de oci dale rumene de Dermulo, per le 8 e 10 sem a Bagni de Bresimo a trar i assotti sotto i pei. El ventaz del gieri el s'è calmà, ma l'è en fret che basta la metà! Basta pensar che la not passada, ho sentù Max, Teo & C. al Sellaronda (mi st'am fago na pausa per podér recuperar al mejo) che sul Pordoi i gareggieva con -27! Ne enviém su de bala per la forestale: sarà la bassa quota de partenza (sui 1000 metri), ma l tof da risalir el ne fa subit dannar: a tochi giàz vif e gh'avem da far le nosse per restàr en pè co le pèl che no tegn... Finalmente dopo na mezzora de ravanada saltém for su na forestale, anzi... en quadrivio... e ... endo nente? Quala ciapente? Ovvio, la pù erta! Immer gerade aus! E l sentér adess el se mponta finchè, deviando a destra tachém a rislir lonc en canal de valanga: che ert! El Mauro el ciapa la testa del gruppo, po', col passo sempre pù spedì... ne tirém bem el col. Saltai finalmente for sulla forestale alta, ciapém a sinistra e guandagném quota entrando en na valletta che la ne porta alla Malga Laresè bassa a 1774m de quota: diaolopò... sém sol a metà del dislivel: co la ravanada fatta sperevo de aver quasi finì! Girà oltre la malga gh'è da empontar dritt el pendio per saltar trezento metri sora sul pianoro della malga alta, ma .... che mazèl! Gh'è na scarica de nef (per nient sicura a sentir la stratigrafia col bachét: el solito metro e mezz de lastrom pront a molàrse vers val), boco rado (anzi... gh'è demò qualche pianta ogni tant) e pendenza elevata. Passo davanti mi a tracciar e devo tirar el fià e ncrosar i déi per passar su da sto pendio sbifido: stém bèi distanziai e taiando anca en de bel canalom cargo... en ten quart d'ora finalmente salto sul pianoro: e, dai, vist che no traccio quasi mai, g'ho anca la soddisfaziom de sentirme i complimenti per la bona traccia scelta su terren 'sì sbifido. La Malga Laresè Alta l'è a destra della val, ma en traversòm della val no l'è possibile se non smontando 100 metri: oltretutt sora la malga el terrém el se fa ancor pù ert. Ensomma... ancoi la vetta ne tocca lassarla perder: e allor puntém a na quota en te la valletta a sinistra: Berg Heil... anzi no.... con en semicerchio en senso orario podém bem proseguir ancora fim a n'altra quota pù alta giust sotto l'erta dorsale delle vette entorno, e allor, almen fin lì... gh'è da nar! E adess el Berg Heil nel dém davvero: sem su en doss de rododendri parecchio instabile: no stè a smontar dai sci che el pè el sfonda subit en metro e mèz! Zò le pèl e torném sui nossi passi sciando: d'altronde 1100metri ancoi i avém bem fatti, podém anca esser contenti! Tornai all'altezza dela malga alta stem lì 5 minuti a controlar en gruppo de 4 che è drio a provar a saltar sul Lainert, quindi torném sul pendio sbifido e per n'attimo, quando ne trovém tutti su na dorsale e se crepa la grosta superficiale entorno, g'avém en brivido... L'Albert e l Mich, ormai pù bassi, i se fionda zò dritti de balla per l'ert canal, noi, enveze torném vers la malga bassa con 2 veloci taioni de canai bei carghi... E qi la nef, l'è propri bella polver! Riciapada la forestale subit sotto la malga, l'è l'ora della didattica: prove arva a gogò... Tra arva che no va bem e che se scarica, ancoi ne vèm bem i brividi a veder i tempi de recupero del sepolto, e finim per scavar for anca 3 metri cubi de nef per zercar l'arva del Luca che gh'è mort sotto nef per el fret! Diaolopo'!!! Dopo n'ora de prove l'è ora de trarse vers val e trà slavine e tof giazài l'è pegra!! Arrivo a rugolar bem 4 volte...e l'ultima addirittura me fago 5 metri endrio schéna sul giàz! Per evitar de far danni, comunque gh'evo su 2 giacche, zaino e armatura de neoprene... quindi per la spalla no gh'è stà problemi... zerto che, se ancoi la gita la fussa stada en po' men giazada saria bem stà meio! Per mezdì e mèz saltém en macchina e dopo l'immancabile ciòpa de speck e radler media en te la locanda de Cles (come diss l'Albert...da 2 stelle su 3: una per la ciòpa, una per la birra, ma quella per la figa... meio lassar perder...) ne enviém vers cà.
| El prim toc de tof giazà, gh'è da star all'ocio e scalettar per restar en pè... | |
|
...po' se resta sempre sull'ert a saltar su per canai slavinai... almenqi no l'è giàz! | ..e dopo 700 metri de ravanada finalmente la spiana e se arriva alla Malga Laresè Bassa.. | |
|
...da chi, en campo aperto se passa for 300 metri col cor en gola, po', per fortuna, la pendenza la cala n'attimo... | ...e dopo n'altro bel travers podém puntar all'obiettivo massimo de ancoi (co la nef che gh'è, l'è meio no risciar altro per ancoi!) | |
|
Berg Heil alpinisti! ...e ocio a no cavar i sci, che ... | ...ve se sfonda el terren sotto i pei! | |
|
Tornai sotto la malga bassa ne dedichém n'ora a prove arva e ... a smobilitar metri cubi de nef... | ..e adess podém tornar en val vers Bresimo. Ahaha!!! Anca qi en Trentim occidentale i è ben sentùi i richiami alla patria! (EIN TIROL! INN BZ TN) | |
