SCIALPINISTICA Hoabonti del 05/03/2010
La forte corrente da nord la porteria en temp stupendo, se no fussa per el vent e l fret en quota.... ma l'è vendro pomeriggio, e la voia de nar l'è massa: gh'è da nar! Scampém dall'azienda alle 13:08, col Mich, l'Albert e l'Andrea: direziom Hobaonti. L'esposiziom sud forse la ne ripara n'attimo dalle folae de vent da nord, po', vabbè... se vedem che i accumuli da vent i è massa pericolosi, sem sempre en temp per ripiegar sul vizim monte Cola! Alle 2 e 10 sém zà sora Roncegno en località le Pozze a trar le pel sotto i assotti e enviarne en su per el prà: de nef non manca de zerto, ma el phon che gh'era en val, qi l'è sol aria gelida... no gh'è sol che tegna! A vardar su po' i baffi de nef che parte dale greste... meio nar e no pensar! Se parte de bala su oltra el prà, traversém el bosc e a passo spedito (diaolopò... qi me tira tuti el col!) con en par de zete saltém sul prim pianoro: altra valletta (val d'Ilba) da passar for, torrentèl da no pociarghe zò le pèl, e ancor 4 zete per saltar en te l'anfiteatro tra Hoabonti e Cola. Qi el vent el se fa ben sentir, ma per fortuna l'è sol en par de folae per entrar en la conca. Arrivai al baitèl, encrosém en lòcal de ritorno dala zima: no l'è super pulver ma se scia.... Ne aprofittém per fermarne en par de minuti a trarne su passamontagna, giaccavento, ociai e serar bem tutte le cerniere e sem pronti a attaccar el pendio che ne porta en gresta. Davanti a passo sempre spedito Mich (che da allenà che l'è me digo che l se prepara de scondom: se tel trovi en ciclabile la not, el smorza el frontalim per no farse riconoser!) e Albert i se alterna a tracciar seguendo la vecia impronta, subit drio l'Andrea (che diaolopo', st'am sarà stà a far le cascate de corsa che l'ha fat, ma l'è bem pù allenà de mi anca co le pèl) e l Kepo. A studiar la stratigrafia col bachét da sci no gh'è da star tant tranquilli: sotto en strato de 30 schèi ghe n'è uno de n metro e 30, quindi.. ancor nef: sarà meio no far partir slavine v'è! Quattro erte zete per arrivar alla gresta e sotto na bufera che basta la metà, i me lassa passar per tracciar la traversata vers sinistra che en dese minuti scarsi la ne porta all'antizima e alla vetta dell'Hoabonti: Berg Heil! Zò le pèl e, viste le condiziom non ideali, ne fiondém subit vers val per la stessa de salita: el prim pendio el fém distanziai e tegnindone de ocio, po' na volta en la piana se pol molarla liberamente vers sinistra (en direziom del laghét dele Prese). La nef no l'è zerto ottima: tra giàz e sventada e inauguro anca el prim rugolom della stagiom. Passà for la piana, però vém el bel: nef dura e trasformada con sora 2 déi de pulver da spazzolar: massa giust! E a scavezàr zò vers el bosc (ravanae en tel bosc comprese) gh'è propri da goderse! Per le 4 e 1/2 sém zà lì che saltém for dai pézi dritti dritti davanti alle macchine. Carghém su i assotti e ne aggiorném a stasera: gh'è da decider doman endo che gh'è da nar!
| Partim lanciai rento per la piana... | |
|
..e passà el rì senza pociar le pèl... | se guadagna quota, saltando sulla prima balza... | |
|
...quindi, altra balza e se entra a risalir l'anfiteatro finale.. | ...e en te la bufera de nef, saltai en gresta, puntém al Berg Heil! | |
