SCIALPINISTICA Maurerspitz/Monte Muro del 27/02/2010
St'am dovria star bom e pensar a recuperar la spalla.. ma... Se sciar per mi l'è come caminar, en fin dei conti per el dottor l'importante l'è no cascar, e allor... gh'è da nar! Col rischio tra el 3 e l 4 l'è dura deciderse a tirar for na gita, per scominziar ne trovem ale 6 e 1/2 col Mich a Caliam e ai 3/4 col Mauro al Zuffal Park, quindi, fatta colaziom en quel de Brixen salta for anca la mèta: ancoi ne enviém su per la Pflerschtal (diaolopo'... la val de Fleres!!! L'è ormai tre anni che no ghe nem pù al vers... dall'ultim incontro ravvicinato con le lupe sulla Madratsch!) e lì narém drio alle traccie zà fatte dai scialpinisti... Che sia l'Hocheck, el Muro o l'Accla el deciderem al volo. Entrai en val per le 8 e 3/4 vegnim accolti dan veciot che ne sbarra la strada (diaolokan... i l'ha messa a pagamento!!!) e per sciodarlo el vol "drai òiro"... peghém e nem! Sarà el riscio 4, sarà che adess se paga sem propri 4 gatti enfont a stà val: 3 machine de Innsbruck, 2 sudtirolesi e noi... Via de bala su per la valletta e ignorà el prim bivio per la Madratsch non ancor traccià, seguìm el secont: el Maurer Spitze. Gh'è traccie che va anca pù en rento ma ancoi, co la polver che vedem fianco traccia va benom questa! El Mich ovviamente davanti e straallenà el taia su spedì per el bosc, mi a seguir e drio el Mauro che l me tampina sule coe! Passém for el bosc e l doss de mughe quindi la spiana per entrar en te la valletta e sotto la malga ne fermen demò en minut a vardar: che bem... g'avem davanti sol 6 persone e per el rest l'è tutt immacolà de Super Pulver Schnee! Ne aprofittém anca per spiar la traccia che i è drio a far quei che è nà rento per la val: direziom Accla! Ripartim e l Mauro davanti el ciapa velocità e passà for i 2 pianori arrivém a ciapar el gruppét dei 4 Innsbrucker, quindi, arrivai alla pontèra finale, ne distanziém n'attimo per far le prime zete pù erte (d'altronde passém de fianc a na valanga fresca fresca...) e en te n'attimo sem alla forcella. Deviaziom a sinistra en gresta coi sci sul sempre pù ert e... Berg Heil! Ne fermem demo' 5 minuti: gh'è na gelida aria fredda da sud... via, via, che g'ho zà i diaolini! Sottogresta l'è no spettacolo: Super Pulver Schnee!! E passada la piana, scalettà 20 metri en falsopiano ne trém en te la valletta del Mich (quella che passa a sinistra sotto la Elles e se ritaca alle malghe...eheh... elo el la ciama la so valletta, vist che l l'ha trovada elo, e sta val l'è propri na garanzia: sempre polver, sempre vergine!). Altre belle serpentine de fianc a n'altro fresc valangom vegnù zò da punta Elles e sém prest alla forestale. El Mich el la taia dritta zò per le mughe, el Mauro e mi (eh eh... dai, fago el prudente che sennò el dottor el me tira le recie!) la tolém comoda sul taboga. 5 minuti de pista e ghe sem: bel bel, e quindi ne meritem na bona pausa pranzo con en taglier de Speck e Radler media en canonega a InnerPflersch, quindi, molada la Polo ai 150, per le 2 e rotti sém zà a Trént a scargar i assotti! La vecia Polo la ghe tegn sempre botta, ma enveciando l'è viziada de gas: no la me va pù co la benza austriaca se non dopo 'na sgolada de 200Km: e difatti arrivà a Trent, vedendo che la va anca a benza, fago la monada de volerla far for tutta: diaolopo'... su e zo' per el Trentim fim le 6 la sera!!! (e po', no l'era neanca la benza! lassém perder, va...)
| El Mich el ciapa el comando e ne enviem velocemente su per la forestale. | |
|
Bentornato Kepo! ...e bentornata Super Pulver Schnee!!! | Se risale el versante esposto a Nord fim la fim dele rade mughe... | |
|
..e passà la malga... | ..se se addentra per el vallom al cospetto della Weisse Wand (Drio el Mauro)... | |
|
Quindi passà for i 3 pianori, se punta alla forcella enfont a destra e... | ...via per la gresta fim al Berg Heil! | |
|
E adess... a molarla en discesa, gh'è propri da godersela! |
