SCIALPINISTICA Axamer Lizum - Hoadl (A) del 22-23/02/2010
El Teo l´e´ ormai ai allenamenti finali per el Sellaronda, ma zerto no ghe spiass en girettim de 800 metri de dislivel en patria e allor: gh´e´ da nar! Ne trovem alle 5 a Trent for dall´ufficio e via de bala per Innsbruck: come sae´, qi en Tirolo, ogni sera gh´e´ na pista dedicada, endo´ che i Grat-Grat (gatti dele nef) no i ghe corre drio ai scialpinisti, e stasera l´e´ l´Hoadl. Col tempaccio che gh´e´ al sud dele alpi, e l südPhön a Nord (raffiche ai 100Km/h sul PAtscheKofel de Innsbruck), l´Hoadl en pel scondu´ dalle alpi de Stubai dovria esser propri l´ideale, e difatti... PAssa´ for el ponte Europa, saltem for a Innsbruck Sud e ciapa´ per Götzens, Birgitz, Axams per le 7 sem alla partenza dei impianti dell´Axamer Lizum a trar le pel sotto i assotti e... domandar da che banda gh´e´ da nar: a destra del parcheggio. Sara´ che l´e´ luni, e che ancoi i scialpinisti i polsa dalle scarpinae del weekend, sto colp sem propri pochi en partenza dal parcheggio. La pista la parte subit empontada a manetta, bem pezo dela Rocce Rosse del Bondom, al limite dela tenuta delle pel. Somenem subit en gruppet de 3, po´ tengim el pass de n tutina fim al prim "pontesel" (la spiana demo´ do´ metri, po´ la se mponta ancor de pu´) quindi encrosa´ la fila de 4 gatti delle nef che ne prepara la pista per la discesa, vist che gh´e´ en bel ciar de luna, smorzem le frontali e ritachem a magnar dislivel. En ten blitz sem all´arrivo del prim impianto e passa´ el Pleisen Hütte deviem a sinistra empontando l´ertom che ne sbara su per la nera che punta all´Hoadl Haus: l´enorme struttura illumianda che se vede dalla val, en vetta all´Hoadl e punto d´arrivo della funivia. L´ultim toc l´e´ propri en pe´: ne toca risalir a zete. Cross de vetta e Berg Heil! El Teo l´e´ bem tenta´ de rifar n´altra risalita, ma se volem zenar al rifugio e tornela comoda, per ancoi va bem cosi´. Ne trem rento l´Hoadl Haus de vetta a vardar: diaolopo´... che struttura da foc! L´ambiente l´e´ pu´ da ristorante 4 stelle che da rifugio tirolese e quindi sull´uss ghe domandem do´ dritte a en scialpinista local che el ne consiglia decisamente de smontar a magnar a meta´ pista al Pleisenhütte... Ovviamente ne aprofittem anca per far quattro bone ciacere e quando ghe disem che sem Welschtirolesi el se entuasiasma a contarne che ieri l´e´ na´ zo´ a Mantova per le ultime celebraziom dell´oste barbom e l s´e´ ferma´ a vardar el museo dela guerra de Roveredo... Zo´ le pel e n zinque minuti sem sull´uss del rifugio: e qi l´ambiente sel vede l´e´ propri da scialpinisti: bel bel, sarem rento 25-30 scialpinisti/e e no perdem temp a ordinar da bever e magnar: massa giusta la cameriera, che appena sentai zo´ la ne serve subit la grappa bianca de benvenuto! Ma tra na Radler media, en litoz de Ross, Schlutzkrapfen e Rindel, magnem e bevem come le bestie e fem chiusura: sem i ultimi a lassar el rifugio, e anzi, le camerriere le ne intrattien al banca anca oltre la chiusura dele piste: i scialpinisti i dovria esser en val per le 10 ... ma noi smontem per ultimi ben oltra! En salt a Kematen a farghe el pieno de metano alla Polo e per le 11 sem za´ a casa a Innsbruck a bever l´ultima biretta prima de polsar: doman matina se torna a laorar en Trentim, quindi partir da Innsbruck per le 7, no saria na brutta idea...
| Al parcheggio dell'Axamer Lizum: su le pèl e via de bala! | |
|
Se magna metri su metri en ten blitz... e n te n'attimo se lassa zo' lontane le luci de Innsbruck. | Berg Heil! Eccone en vetta all'Hoadl. Sotto la GipfelKreuz con scritt "Fuer Gott und Heimat" | |
|
L'enorme struttura dell'HoadlHaus de zirmol... spettacolare, ma la g'ha poc del tipico rifugio alpin... | ..e allora ne trem al rifugio sotto a magnar, bever, e far conoscenza dele rifugiste! | |
