SCIALPINISTICA Cermis del 20/02/2010
El Teo ormai l'è en tel clou dei alenamenti pre-SellaRonda, e l me propone, zà che l va su a allenarse, na tirada de col sul Cermis: ehhe... se ciava el meteo infame... gh'è da nar! Som bem partì da trembelem con phon calt e temp alt, ma zà en Pinè ale 8 e 1/2 se era ancor en mez alla bufera de nef. Tra en caffè e l tirarse a um e' bem vegnù le nove e meza avanti che sente partidi, ma co la guida sportiva del Teo su strada innevada(!!), en te neanca 40 minuti sém zà sotto Cavalese a tirar zò i sci dalla macchina e nviarne su per le piste del Cermis. Som de sicur el men allenà, ma se l Teo e l Manuel (che st'am i fa l Sellaronda) i tirerà come le bestie, spero demò de riusir a tegnirghe el pass al Federico che ancoi l'è mbugà de raffreddor e no l'è drio a puntar alla coppa dele Dolomiti! Partìm tutti ensema en la bufera de nef (almen no gh'è ventàz) a testa bassa, ma ciapà la prima pontèra l Teo e l Manuel i ciapa el largo... col Federico, enveze el pass l'è l stess quindi nem su ensema: a dir el vera, sarìa bem mi el pù lent, ma per fortuna, tegnindoghe en po' de men le pèl, ne pareggiém en velocità. La terza pontèra l'è la pèzo: po' col mazèl che ha fat l'acqua del gieri (ha piovèst fim ai 2600, quindi giàz, po' sora polver...) le pèl le me fa dannar anca mi. Quando la mola n'attimo ecco che ncrosém el Teo e l Manuel che torna de zà de volta, dalla partenza dell'ultima seggiovia per far n'altra risalita (!). Arrivai lì anca noi fém la cazada de abbandonar la pista nera de risalita (l' "Olympia") per na deviaziom vers la rossa de sinistra: che cazada!!! Diaolopo', l'è en pianoro che ne fa far el giro dela montagna! Quel che co nà tirada de col podevem pasar for en ten quart d'ora, el ne ciapa na bona mezzora... E finalmente, berg Heil! Ne trém rento al rifugio a spetàr el Teo e l Manuel e ntant ne scaldém con en bom minestrom, quindi, co na bela sciada ne trém en val e per le 3 e 1/2 sém zà de volta en Piné.
| Kepoooo!!! Ma set ti?!!! Diaolopo'... te parevi en Yeti!!! Va' che te te bini su qualcoss se no te meti el beret e te te vesti! Fila rento al rifugio(enzima al Cermis) a scaldarte! | |
