SCIALPINISTICA MuttererAlm (A) del 01/01/2010
Dato el nulla osta della Sylvia e Ingrid de Steinach (le me fisio) me sento pronto per inaugurar el 2010 con na risalita co le pel! Oviamente la discesa me tochera´ farla coi impianti, e la salita la deve esser una a prova de stupido, endo´ che no riscio de rugolar... Quindi de zerto no podo pensar alla BergerAlm de Steinach con pendenze del 102%... ma la MuttererAlm, quella si´ che l´e´ perfetta! Se penso i miracoi che ha fat le fisioterapiste con mi l´ultima stimana (se luni matina ancor no podevo alzar el braz, al mercol za´ fevo le dese vasche a rana!), no podo no scoltarle: Los!!! Leva´ en tarda mattinata dalla rumba de Kepodan en piazza, lavo zo´ i piatti del zenon (ahaha... ´na pentola, en piatt, le posate e l bicier per l limoncin) e prepara´ el zaino a mezdi´ en punto salto en macchina, destinazion Mutters, 4 Km dall´uscita de Innsbruck Süd. Sul cartel del parcheggio dei impianti gh´e´ scrit chiaro e tondo che se te crompi el skipass no te paghi, senno´ te devi far el ticket de 5 euro (o 50 Euro de Strafe)... ma mi el skipass el togo bem, per tornar de volta! E difatti anca quando el Poliziot del paess el me vede partir co le pel en man, con en sguardo ne capim al volo che anca se no ho paga´ no gh´e´ problemi: gh´e´ da nar! El Phön da sud l´ha fat disastri, parto a quota 900 tra prai verdi su na striscia de nef sbarada. Ovviamente no podo buttar coi bacheti, e anzi, me se ghe vol mili oci a controllar che no me slipega le pel sule lastre de giaz che s´e´ forma sulla pista. La nef la fa propri pena: en pappom da foc, ma vist che el Kepo nol pol nar, e vist che con sta nef qi no pol nar neanca i altri, va benom cosi´! Passa´ for na coppia co le pel (dai, almen no som l´unico!) vedo che anca sora de zent che va en su ghe n´e´! D´altronde qi la risalita co le pel l´e´ na cultura, anzi, na bela roba che i g´ha qi l´é la possibilita´ de risalir LEGALMENTE le piste de not! En pratica, ogni di´ della stimana i skialp i g´ha el permesso de saltar su na pista differente (al mercol per dir l´e´ el di´ della MuttererAlm): altroche´ a Trent, che gh´e´ i gattisti che me corre drio col GartGart (gat dele nef) e i poliziotti che te speta en tel parcheggio dei impianti per far cassa! Passa' i 1300 se mola la pista e se continua da destra en mez al bosc: diaolopo'... appena le pel le toca la pover... subit se fa en zocol da paura... e i ultimi 200metri i me vem propri for dai oci! Finalmente ghe som: berg Heil! Me trago en malga al volo a bever 'na bona radler media e fianc gh'è en sardo che ghe domanda en brule'...peca' che brule' (che l l'ha tasta' la prima volta a Innsbruck e l piass en casim) i lo conoss sol a Innsbruck per i massa taliani! E elo che penseva che fussa 'na parola tedesca! Beh, va, me copo la radler (consigliandoghela come prossimo assaggio) e me trago alla funivia. 5 Euro e som en val. Dai, dai... ancor qualche stimana e podero' sparmiar anca quei!
| Sarem anca bassi de quota, ma for dale piste, col phon da sud dela stimana pasada, pol pascolare le vache! | |
|
E difatti, basta arivar sulla nova polver per binarse a um en bel zocol.. diaolopo'! Beh, dai... tutt fa gambe! | Sara' sta' el calt sotto, el zocol sora, el sviluppo o, pu' fazile, el poc alenamento... l'e' sta' propri longa. Ma adess, l'obiettivo el gh'em davanti: ein grosses Radler! | |
|
Tei Kepo, te me pari en po' keppotta'!!! Dai, dai... mai zeder...po' adess che t'hai scominzia', gh'e' da nar: "Coi assoti a Kepodanno, coi assotti tutto l'anno!". Pensa alla prossima endo' nar a calcar nef! Sara' forse... | .. el PatscherKofel? El Finoncio de Innsbruck? Eh eh...varda su che bel pistom! ...se luni la fisioterapista la me da' el nulla osta... besogn propri farghe en pensierim! | |
