ESCURSIONISTICA Rumer Alm (A) del 18/12/2009
Dopo 4 dì de nebbie alte, che qi a Innsbruck le sconde el sol, finalmente ancoi gran giornada de sol... gh'è da nar! Gh'è da riscominziar!! Se ciava della temperatura che anca ancoi qi en zità la va dai -12 ai -3 de massima! E quindi, levà alle 9, togo drio zaino e scarponi e me fiondo alla clinica de Hochrum per la riabilitaziom dela spalla... Ancoi, som de turno co la bela fisoterapista de Steinach, che la me diss che se tutt va bem, per rifar i muscoi, lo skialp (solo salita pero'! Po' dovrò smontar coi impianti) sarìa zà na bela roba che podo far da febrar! Sperem! A mezdì en punto i me mola for dala clinica e trati su i scarponi seguo i segnavia per la RumAlm: gh'è 2 / 3 modi per narghe al vers, ma de zerto, coi 5 schei de nef che gh'è zò, no podo permetterme de slipegar... ciaperò quela che par pù fazile... e enveze...Sentèr numero 1, dala clinica i dà la malga a n'ora e meza: forse così ariverò a tastar anca en Kiachl per disnar... qi i diss che i li fa speciali! Se all'inizio la salita l'è su per forestale, arrivà a n'incrocio i me sbara su per en tof.. diaolopo' .... vago envanti sol perchè è zà pestolà... ma zà co l'atenziom che g'ho da far en salita, a vegnir de volta dovrò trovar na strada pù comoda! Fatto stà che sto sentér el la mponta dritta... e col me pass , quasi nordtirolese (beh... se penso che i me diss a mi che n zità en Trentim camino sempre massa veloce: che i vegna a veder qi gli Innsbrucker: I me passa sempre tutti davanti!), en neanca n'ora sarò enzima... e d'altronde... no l'è po' neanca 600metri! Passa´ su da do´ taioni giazai me riciapo alla strada e raggiungo en sior sula zinquantina del paess qi sotto... e camminando sempre pu´ spediti, ne perdem en ciacere, vist che anca elo l´e´ scialpinista, e anca elo l´ha passa´ la me tribolaziom co la spalla... dopo en pez de ciacere el se rende cont l todesc no l´e´ la me lingua madre e... el taca a parlar ´taliam! Ahahha! So sorela l´e´ staa en pez zo´ per el verones e la ghe l´eva ensegna´! Arrivo cosi´ alla malga en te n´ora giusta, birra media e... diaolopo´, i Kiachl i e´ finidi.. e allor na bona ciopa de speck e rafano nol me la cava nesuni... e neanca n´altra birra! 40 minuti de pausa meritai e l´e´ prest ora de trarse en val:sto colp seguo la forestale battua dai 4x4 che va su e zo´ sia dalla malga che dal vizim Enzian Hütte, e en ten blitz (le 3 e 1/2) som de volta alla clinica... adess podo tornar a casa a Innsbruck a zercar la prossima malga per bever na biretta post-riabilitaziom.
| Lasso la Polo (poreta.. con tutt el sal che i me tra for sule strade i e' drio a mandarla en metastasi!) parcheggiada davanti alla clinica e... su! | |
|
Nef no ghe n'è tanta (d'altronde som a sol 800m de quota).. ma che polver! | Anvanti n'ora a testa bassa, empontandola dritta per el senter...e guai slipegar! Ma co i Nepal Extreme, ehehhe...som en te na bot de fer! | |
|
E finalmente... altroche' Berg Heil... birra e taglier: MahlZeit! | Pronti a ripartir vers val, ma adess... ciapo bem la pista da slittin, che l'è men erta... | |
|
E quindi... 3,7Km de slittada a pe' per perder quota en te l'Inntal e... | ..en te n'attimo som de volta al paess de HochRum: ahah... che giust el steccato coi sci! | |
