X DRAGONFLASH Borgo Valsugana (fiume Brenta) del 12/09/2009

Kepo! Tel saevi! l'era mejo restar sull'altra sponda (dela barca, benintesi!)!
Ma per equilibrarne bém, vist che la pagaiada todesca l'ho emparada bem sia da na banda che da l'altra, sto colp en gara torno pagaitor sinistro...
... a rovinar su tutt...

Dopo en mes de allenamenti dedicati all'ultima gara della stagiom, ancoi l'è ora de veder i frutti. Zobia de sera alle prove generali sul fiume Brenta controcorrente l'era nada veramente mal, ma ancoi, co la chiusa del paes serada, la Elsa come tamburina e l timonier dele nutrie, g'avem na marcia en pu'. No se pol fallir e no se pol mancar! E difatti, pur de farla, me toca rinunciar al batezo de me nevodo (Kepo disgrazià!). Trat zo' en par de baratoi de fasoi precotti (diaolopo'... ancoi ero masa de fretta... no podevo permetterme de cosinar manicareti!) per mezdì me nvio per Borgo e ale una sem zà al bar a spetar el nos turno: diaolopo' partim come 16esima squadra! Ne tocherà spetar almen en par de ore! Alle 2 e meza, viste le prime 6 batterie, nem a far riscaldamento drio la diga del paes: tra flessiom e i fazili ma eterni esercizi de stretching ai déi dele man, el cap el ne fa scaldar propri bem... po' col sprint finale de corsa sul posto, el ne fa nfim vegnir i crampi. Pronti! Alle 3 e 1/2 ne piazzem all'imbarco e saltém sula barca rossa (ghe n'è doe... la rossa l'è la pù vecia). Ancoi sém al completo: barca piena finalmente! ...e g'avém anca 6 dòne tra le pagaiatrici! La tattica de gara l'è partenza con 3 longhe, po' progressiom (lizéra), ma arrivai al prim pont, besogn concentrarse e tirar forte per scamparghe all'onda e dar tutt fim alla fim: l'è demò 60 pagaiae! Pronti co la coa del drago postada ala diga, n'in bocca al lupo... BANG! GO! Su bém come previsto, l'onda ne la tegnim bem lontana: a metà, come previsto, dém tutt (ma forse podevém far ancor meio) e a parte n'ondezada soto el pont arrivém al traguardo con 41" e 87.... buono! Sém settimi, purtroppo, e dovém migliorar ancor se volém entrar nelle prime 6 squadre finaliste: ne manca demò 8 centesimi de secondo! ..e po' studiando, scominziando la seconda mance (co le squadre che inverte le barche) notém che co la barca zalda, migliora tute le squadre...e noi... no podém far de men! Altro riscaldamento e per le zinque sem pronti, e ancor pù convinti de farghela, a saltar sulla nuova fuoriserie zalda: la sarà anca pù veloce, ma la posiziom l'è en pel scomoda: i zòcheti da mpontarse coi péi e butàr co le gambe i è pù picoi e l'inclinaziom per empontar el ginocio soto l bordobarca la fa proiettar corpo e pagaiada molto pù esterna e nvanti.... ma sém massa cargi, e convinti: ghe la fém! Pronti.... GO!! Prime pagaiae perfette, forse en pel massa tranquil per tegnirse sotto el pont, e quando arrivém sotto el pont... besogn far busi en te l'acqua! El Claudio el ciama el "forza!" e scominziém subit a tirar fim la mort. Mi arrivo a darne 3 e po'... diaolopo'... alla quarta me va for la spalla! Provo a dar na pagaiada ma l braz co la spalla for l'è enciodà completo...Sa far? Trarse en acqua? mmm... me do' en pugn séc sulla spalla e alla rambo la ritrago rento e me rimetto a pagaiar con sol en par de pagaiae perse. Forza! Forza! Ghe sém! Sem migliorai quasi en secondo! Sém a 41"02! Pero'... gh'è el dubbio che, vist che ha migliorà anca la sesta... sente fora. E difatti... diaolopo'..... settimi a 4 centesimi de secondo dalla sesta! Che delusiom! Sto colp podévem propri farghela... e sto colp no g'ho scusanti: se non el fatto che vist che ho zà prenotà i macellai, l'am che vém la farò co la spalla bionica! Finìe le batterie la birra finalmente ne la meritém propri e con na bona zena de pasta e luganega, analizzém i bei progressi fatti en la stagiòm... e zà che el dragonboat l'è massa bel... spetém a meter via le pagaie organizando n'altro alenamento sul lac per zobia che vem. Po' l'Alberto el lancia el sass de na scarpinada per doman: gh'è da nar! E allor per le 9, saltando festa, premiaziom e foghi d'artificio, me fiondo a Trembelem a preparar el zaino per doman e saludar i paesani che sta ancor festeggiando el battezzo del nevodo. Ma brindo sol fim mezanòt: doman matina, um 4Uhr: AUFSTEHEN!






Il campo di gara: la partenza l'è dala chiusa, ma l'è dal pont là enfont che gh'è da dar tutt!
Ne vèm passà la formaziom: se studia le posizòm en barca.
Entant, el capitano el studia le tattiche de gara dele altre squadre.
El squadrom al completo! (anzi no... manca i teroni ;-) !)
Diaolopò Kepo!! Settimi! Per 4 centesimi de secont sém for dalla finale notturna!
E la sera, tra en brindisi e l'altro se pensa e se discute zà sula tattica della prossima stagiom!


Ste pagine l'e' stae cargade volte da visitatori dal 3 de agost 2005