ALPINISTICA Similaun (A) del 22-23/08/2009

Vist che all'ultim e' saltà la gara de dragonboat, no se pol zerto star co le man en man: gh'è da nar! E cosi' en 4 e quatr'otto, al sabo de matina preparo zaino, disno co n'enorme pizza al forno alle 11 e per mezdi', dopo aver saludà la Isa che ancoi la va sull'altar, me fiondo al Quercia a Roveredo, dove ne trovem co l'Alberto, l'Alessandro e l Stefano. La destinaziom scelta l'è el Similaun, ma vist che el rifugio dalla val de Tisa (SimilaunHutte) l'è piem, e de zerto no volem risalir le piste de Maso Corto (per dormir al rifugio Bellavista), ne toca per forza farlo dal versante austriaco...e fim a Vent l'è longa! La Polo con EuropaBrucke e Vignette pagae l'è na sicurezza: partim a mezdì e mez e dopo aver dribblà el casim de traffico sull'autobrennero fim a Bolzam, dopo na pausa a Brixen per cambiar 500 Euro dell'Alessandro (ma dime ti sti bancomat... i dà banconote che alla fim g'ha tuti paura a cambiarte!) per le 3 sem zà oltreBrennero. Ancoi i eva bem previst temporai sparsi, ma arrivai all'altezza de Matrei, quella che ne pareva nebbia, l'era en realtà una dele pezo grandinae viste: tutti fermi en corsia de sorpasso perchè no se vedeva for nient, e fiumi de grandine che coleva zo per l'autostrada. ...e se fim a ancoi ero nel dubbio che cambiar la me vecia Polo (308.000Km e no sentirli...), me convinzo che... la ghe n'ha ancor da dar! Solita pausa rifornimento metano a Zirl (Innsbruck ovest) e ne enfilém su per l'Otztal passando Solden e vari bei paesotti pieni de turisti. Per le 4 e 1/2, dopo 300 Kilometri, finalmente arrivem a Vent: giust en temp per ciapar n'altro sguàz, quindi ne trém subit rento en la solita voliera en centro paess a bever na biretta e spetar che l cala. Entant el Stefano el n'aprofitta anca per torse n'ombrela: mal che la vaga el la lasserà al rifugio... ma de zerto de alpinisti che gira per zime co l'ombrela ne ho visti ben pochi! En voliera ciapém subit confidenza co la barista bionda (Corgula de Laengerfeld) e do camminadori todeschi embriaghi che ghe par impossibile riusinte a arrivar enzima al Similaun doman mattina... Finalmente alle 6 cala n'attimo de piover: l'è tardi! El rifugio i lo dà a 2 ore e 1/2: ne fiondém en macchina a cargar i zaini sula schena e ne enviem su de bala per la forestale che en 9Km de sviluppo la guadagna sol 600m de dislivell. Nebbia e piovigine su e su... ma tanto con sto temp, gh'è bem poc da vardarse entrorno e allor ciapém en pass pù che svelto che ne porta al rifugio en sol n'ora e meza. Arrivai al Martin Bush Hutte (quota 2501m), i ne dà subit la camera (sem i unici che parla taliam qi) e en neanca zinque minuti i ne fa sentar al taol per la zena: na bona magnada tra passata de pori, patate, vedura, arrosto e strudel... Ensomma, tutt bom, a parte el cont dela boza en 4 de vim: i ne l'ha fata pagar a quartini da 3,70 Euro l'uno! En grappim de zirmol per parar zo tutt (ma l'Alessandro quando l ghe domanda la "camille" dele 10 i ghe diss che l'è tardi e i lo manda en let senza camomilla) e l'è prest ora de trarse en let. La prima colaziom l'è alle 6, quindi alle 5 e 1/2 co la tipica sveglia tirolese tiro zo dai materassi meza camerata: anca se a dir el vero no ho bem capì sa che fa qi tuta sta zent (che resta quasi tuti soto le coerte: che giro farai?). Come da previsiom el tempo l'è perfetto: nubi basse... pù basse de noi, quindi na serenada da foc! Colaziom al volo e vestiziom: diaolopò all'Alberto ancoi ghe fa en mal bestia i scarponi che sfrega la nosetta: per n'attimo pensevo quasi el ne spetessa al rifugio... ma po'... no... no se pol! Gh'è da strenzer i denti e... nar! Per le 6 e 1/2 Ne enviem su per el senter che su per la morena el ne fa costeggiar sula destra el NiederJochFerner fim ai 2950, endo che gh'è el bivio per nar a veder el posto de ritrovamento de Otzi. Noi, ovviamente (no sem miga qi per nar a musei) tegnim la sinistra e smontai 50 metri, risalim velocemente arrivando en te n'ora e 1/2 al SimilaunHutte (stimate 2ore) endo' che gh'è comitive de taliani che e' drio a partir en cordata propri adess... Vist che coi tempi sem bei larghi (l'è le 8), ne concedém na pausa coca cola e sambuco al rifugio, quindi ligai en cordata mi co l'Alberto e l'Alessandro col Stefano, ne enviem su per el ghiacciaio. Gh'è tre cordate con boci todeschi de 5/6 anni: massa giusti i veci a enviarli via bonora su per le zime! La nosetta dell'Alberto pestolando sula nev morbida la smaca en po' de men, ma sempre mal la ghe fa... e po' se ghe mete anca i ramponi a tormentarlo: eh... l'attacco rapido ormai l'è superà: molto pù affidabile el semirapido co la lengua de bloccaggio a fibia davanti! Passà for en crep de cambio pendenza saltém sul pianoro che ne porta 200metri sotto la zima, e qi en tochét de ciocolata el va zo bem. Quindi, riciapà el solito ritmo de salita ne fem invogliar dalla parete nord: la par fattibile... se no gh'è giàz (g'ho na pica sol) sarìa en pecà no mpontarla! E allor deviém a sinistra e saltém sulla nord. Quando manca 50 metri alla zima pero' passém la terminale e... giàz vif! Diaolopo'... provem a spostarne en po' a destra e sinistra a veder se riusim a pasarghe for senza passar sul giàz, ma no gh'è santi... e allor preferiso girarme (l'Alessandro e l Stefano enveze, avanti anca sul giaz!). Fem en taiom vers destra per riciaparne alle roccette sulla normale... e alla fim sul giàz vif dovém passarghe istess per ciapar le roccette! Gresta comoda de nef pressada e BergHeil! E adess el Kepo el pol tirar for el banchét per tutti: eheh... se l'era vegnù su pian pianel, el motivo el gh'era! G'avé vardà en tel zaino!!??? 3 lattine de birra da mez litro, 5 panini con speck e peperoncini austriaci (strapiccanti... che salgo apposta a far scorta a Innsbruck!), mez kilo de grana, e sgnapetta de prima scelta! Stém lì a far do ciacere con 2 putele austriache (a farghe le feste per el compleam de una dele doe) e en par de gruppi de altoatesini saltai su en giornada dalla val Senales. Dopo 3/4 d'ora de brindisi e monae gh'è da enviarse a val. Smontém sul ghiacciaio, ma vist che l'è en pecà no far el giro ad anell, puntém dritti alla Marzellkamm: la gresta rocciosa che smonta sul rifugio. A parte la tribolada che ha dovèsta passar l'Alberto per el mal alla nosetta, l'è propri fazile, ma looongaa! Tornai al rifugio per le 3 e 1/4, biném su i nosi sacchi letto (lassai qi stamattina), bevem na biretta e fem rifornimento de acqua... adess ne speta altri 9 Km!! ...e l'Alberto el g'ha l'ideona de ciavarghe en par de zavate al rifugio e vegnir zo coi scarponi en tel zaino: e difatti el l'ha propri embroccada: el vegniva zò come niente fussa. La discesa l'è eterna e l'è prest le 4e1/2 avanti che tornente en paess. Carghém la Polo, e torném a saludar la Corgula en voliera per provar el cocktail tirolese (mi no... devo guidar... me basta na radler!) Fliying Hirsch: el cervo volante! Per le 5 sém zà sulla Polo, ma sto colp, no rientrém da Innsbruck: ne permettém de spender i 13Euro del passo Rombo: spettacolare, da far vegnir mal de macchina a chi che no guida e.... da farme arrivar en Val Venosta coi freni encendiai (eh... freno motor a benza cargai come i mussi, no ghe n'e' po' tant!). En caffè veloce a Gargazom e per le 8 sém de volta, a saludarne e programmar la baldoria al Kepo Hutte endo che co la scusa de scambiarne le foto coperém qualche bela boza de bianc (...e per fortuna la patente la ghe resta a tutti anca stavolta!)















Auguri Isa! In partenza per l'altar... e mi... per l'heimat!
Terribile grandinata a Steinach... fiumi di grandine giu' per l'A13 Brennero-Monaco! Per fortuna la Polo la g'ha la scorza dura!
Vestizione sotto l'acqua...
..e via per la longa strada de 9 km...
..en la nebbia...
...e en te n'attimo sem al rifugio per el PROST!
La mattina prest... gh'è da nar! Super Wetter!!!
..e ne lassém le nubi en val alle spalle..
Un'oretta e 30 e già siamo in vista del SimilaunHuette..
..dove ci fermiamo a metter su imbraghi e bere un buon Holunderblüten saft! (sciroppo de sambuc)
10 minuti di marcia e...
..già si mettono su i ramponi..
...e qi el Kepo, sul so giàz l'è al settimo cielo...
...passo spedito per ciapar le altre cordate...
ancor en strappetto sotto la parete nord-ovest...
L'ultim toc de grestina l'è propri comod, en ottime condiziom!
ghe sém! Sullo sfondo a destra la comoda Marzellkamm che farem a smontar.
Berg Heil Kepo!!!
Berg Heil Alpinisti! ...e adess se torna a val!
ma per el rifugio l'è longa!
L'alberto co le zopele el vem zo en volata...
Finalmente el paess de Vent!!!
...e allora en bom prost dalla Corgula el ghe sta alla grande..
el Cervo Volante (Flying Hirsch): con sti cocktail i tirolesi i ghe'n trova sempre una de nove: basta bever!


Ste pagine l'e' stae cargade volte da visitatori dal 3 de agost 2005