DRAGONBOAT VII DragoLases del 04/07/2009

Finalmente l'è ora de metter frutto all'ormai mes e mèz de allenamenti envanti e ndrio per el lac de Caldonaz.E allor, vist che ormai l'equipaggio l'è formà, sem pronti per la prima sfida della stagione del campionato Trentino de Dragonboat, sul lago de Lases: l'è dò manche de qualificaziom sui 850metri. La particolarità de stà gara, no l'è tant la lunghezza, ma el campo de gara: gh'è dò curve de 180 gradi a sinistra da far! En tei ultimi dese dì, en allenamento no avem fat altro che allenarne propri sulla curva: per curvar a sinistra, se pensevèm che i destri, essendo esterni, i dovessa tirar pù acqua, l'era na cazada: per invertir la marcia, besogn calar el ritmo de pagaiada poc prima dell'inversiom, far tirar con pù forza i sinistri (non i destri), e, entant che i sinistri i enfila acqua sotto el drago, i destri i deve zercar de pagaiarla via el pù possibile. Dopo prove su prove, qualche bel zentottanta el n'è saltà for: sem pronti! LA barca, el timonier e la tamburina i ne la presta le Penne Sprint, el ritrovo l'è alle 8 e 1/2 sul lac, e so bem che, organizzando i alpini (e essendoghe su anca me cosìm Loris en tei alpini a organizzar), no se smentirà l'immancabile gara de acqua e... de alcol! Montai i gazebo per no rosolarse massa sotto el sol, spetem la nossa batteria (la sesta) tegnindo de ocio le altre squadre come che le emponta 'sti benedetti testacoda... Ghe sem, el Claudio (presidente, capitano, resp gazebi, tesoriere... ad interim) el ne dà la formaziom, e per le 10 sem pronti a desmontar en acqua contro quei del Piné. En giro de riscaldamento e passém a cargar la tamburina: e co la biondona che i ne empresta, no gh'è scuse per no tirar: e de zerto no se pol serarse per la fadiga e tegnir la testa bassa! Sém 19 pagaiatori: diaolopo', en pél sbilanciai, ma per fortuna, el Stefano (che l'era en squadra con noi l'an passà, ma adess el s'è dedicà de pù ai campionati de rowing) l'arriva propri entant che carghém la bionda e... dai, dai... salta su anca elo e: bilanciamento perfetto, dò brazi en pù che tira e barca piena! Passai al controllo equipaggio per le verifiche delle 4 donne a bordo (requisito minimo) ne trém allo start sul versante del bosc. Equipaggio Pronto!!! GO!!!! 5 pagaiae longhe e lente, quindi 15 en acceleraziom, quindi a barca enviada i ciama el stacco e via a en ritmo de 70 pagaiae al minut fim a 5 metri dal prim testacoda, quindi i ciama el "cala!" e se diminuss le pagaiate entrando en curva, e pescando o buttando acqua a seconda del lato de pagaiada che se g'ha (mi con st'am, per rinforzar la spalla rotta, ho cambià lato e som passà pagaiator destro) se tegn el ritmo fim al completamento del cambio de direziom, quindi, su de giri de nof e reinviada la barca, se riciapa el ritmo de 70 pagaiae per el secondo rettom: n'altro minut. Altra curva, stessa tecnica, ultim tòc de retta e... ghe sem! Bella gara, e bel ritmo, la barca la neva bem! Torném for a sugarne aspettando la seconda manche: alle semifinali e finali se qualifica sol la somma dei migliori quattro tempi de gara delle do manche: zerto che con 16 equipaggi... l'è dura! E noi arrivai decimi, la g'avém dura a far temponi da foc: ma almen alla bella figura, quel sì che ghe puntém! E così per mezdì e vinti sém de nof en acqua per ritentare la roulette: besogn dar tuttt!! El Stefano entant l'è dovést scampar, ma en cambio ne presta na riserva la barca vizina de gazebo, quindi, sempre pieni e bilanciai. Pronti... GO! Curve perfette, passo ottimo, e arrivém al traguardo dopo i soliti 2 minuti e 45 secondi... tutti cotti, e en secondo pù veloci della nosa prima manche: va bem! Adess, quindi se pol pensar ai brinidisi e no passa 5 minuti che som zà lì dal Loris (me cosìm) a integrar i primi sali minerali co na bona birra: el me darìa anca ospitalità per la not, vist che la festa la va a oltranza, e de zerto fim Trembelém, dopo gran brindisi no podo guidar... mmm... che tentaziom! Ma no podo steccarme tutt el weeekend... entant parto con calma biretta su biretta, po' se vederà! Famai come i luzi, no perdém temp quando i ne dà i buoni pasto, a trarne soto el tendom e magnar: PAsta al ragù, pam, Joghurt e l pom... l'acqua? la fa el ruzém, meio n'altra birra! E così tra en spettacolo de capuera, na birra, e na rosolada de sol fa prest a vegnir le 2 e 1/2 per le prime semifinali e le 4 per le finali... Vinze le Nutrie: e st'am, le è propri na spanna sora tutte le altre squadre: le va propri bem! Sbaraccà i gazebo, vist che anca se gh'è ancor el sol, se sente zà i toni lontani, anca perchè pur avendo bevèst 4 birette, è zà passà en po' de temp dall'ultima, decido de trarme vers cà a polsar.







L'è subit ora de saltar en barca. El capitano el ne spiega el piano d'attacco...
...vabbè dai, na posa prima della fadiga podém ben concedernela!
Stretching pregara.... varda Kepo che no l'è i muscoi delle gambe da preparar... ma schéna e brazi!!!
Gh'è da nar!! Tutti a bordo!!!
Se parte!!! oop, oop, oop!!! Dai che nem a cargar la tamburina!
Adess sem propri pronti.... in bocca al lupo DragonHeart!


Ste pagine l'e' stae cargade volte da visitatori dal 3 de agost 2005