ESCURSIONISTICA 52 gallerie del 14/06/2009

Con tute le bire (3 litri a testa) bevèste coi soci del paess, en la giornata fullimmmersion de sabo al batezo dela fiola del Nane, l'era impensabile pensar a darghe contro anca la domenega: gh'e' da nar a smaltirla! E quindi, za' d'acordo coi paesani (che sto colp, se decide anca lori a vegnir a sudar for qualche candola) el ritrovo l'e' a casa mia per le 7 e 20... Probabilmente quando avem deciso l'orario, erem 'si secchi che nessuni era tant sicur del ritrovo... e difatti el Togni l'e' za' da mi alle 6:50! Diaolopo'! Do' minuti a far el zaino, demo' per trar rento le lampade frontali per tutti, e, arriva' el Silva nem a raccattar el Kenny... quindi... gh'e' da nar! Ne fermem al confin del Pian dele Fugazze endo' che dopo en caffe' arriva dal verones anca i soci del Kenny, quindi tornai al volante (eheh! ancoi co la Bora del Silvano, sem restai bem col fia' tira' a sperar de no toccar zo' en le milli canalette de scolo alte mez metro che traversa la strada) ne fiondem en tel vicentim vers Ponte Verde, Passo Xomo, Bocchetta Campiglia. Al parcheggio ghe saria sta da pagar 2 Euro: peca' che i ha mess la macchinetta al passo Xomo e col traffico che gh'e' su na strada 'si stretta no ghe vem en ment a nessuni de far el scontrim! Pronti... via! Ancoi collaudo po' le nove scarpe da skyrunning che m'ha regala' el Teo per el compleam (eh,eh... gh'e' da nar! Ma ancoi sem tutti zo' de corda per la partenza del buon Sergio..): da bele e lizere che le è dovrìa nar su come na cappetta! Alla partenza del sentér i ha fat su na costruziòm de cemento armato che fa schifo.... rento de corsa e su! La strada l'è quella delle 52 gallerie che porta al rifugio Papa sul Pasubio: la pu' longa, la diciannovesima l'è longa pu' de trezento metri... e per guadagnar metri de dislivel, l'è elicoidale dentro el scroz! Ovvio che con busi del genere, la frontale l'è en must... ma quando arrivo mi co l'alogena da sellaronda a illuminarle a giorno: gh'è da restar a bocca daverta! Passà for le prime 4-5 galerie, subit ne perdém rento per i cunicoi a vardar el cannom: diaolopo'... tra noi che pensevém che i altri i fussa pu' envanti e i altri, che penseva che noi no ne fussem fermai al cannom e fussém ancor pu' envanti... e' partì en sprint spietato da farne tirar el col a tuti! Po' col sol e l calt che gh'era, passo svelto e lengua enterra! Per fortuna pero' ogni 100 metri se se soréva co la frescura delle galerie: roba da reumi! Con tute le birre che avém trat zò al gieri, avrìa dit che co la panza sgionfa averesem fat tutti a gara a restar ultimi (per rispett)... envenze.. se vede che le birre le avem digerie bem. Vers la 20esima galleria, ne passa enveze na dona, tutta bella, sportiva, scattante e .... diaolopo'... por romanticismo! La fa na scoreza che la ne stende tuti! Vabbè, avanti co le frontali, che però col calt che l'è se preferiss tegnirle en man o addirittura en tel zaino e sfruttar l lustro de quele dei altri. La Paola, socia del Kenny, la g'ha drio en Lebensmittelgeschäft: la seta a tirar for dal zaino ciope de pam e tochi de verdura e becolar a ogni galleria... dopo qualche bella pausa, arrivém al bivio mal segnalà (tolè a sinistra), quindi se traversa qualche nevaio e se pol trar le frontali en tel zaino: anzi no! Diaolopo'... le ultime do' gallerie, brancolando nel buio, forse l'era meio farle col lustro! Ore 11 e... ecco il rifugio! Gh'è da nar de corsa a tor i taolini per el disnar! Quindi na bona magnada (anca se a dir el vera, le camerriere, con quele machinette wi-fi per i ordini al taol le ha fat en casim che basta la metà...2 ore per magnar en primo!!!), en grappin e....via! Sto colp la discesa la fém dai Scarubbi: la forestale l'è longa eterna, ma coi scortoi se fa taioni da foc e... po'... quando ne mettem a gareggiar (anca sui nevai) mi, el Silva e l Togni... magném metri su metri e n te n'ora sém en val! Adess gh'è demò el pensier de na bona birraccia dalle bèle putèle de Parrocchia, quindi dopo n'altra birretta a cà del Kenny, se pol tornar a cà a pensar alla prossima: bala o caminada che sia!







L'entrata del sentér... Diaolopo'... spero sol che i soldi che mandém en Italia ai comuni confinanti no i sia servidi a far su sto obbrobrio!!!! ...ma g'ho paura de sì...
El Kepo l'envia L'alogena e.... luce fu!
se sèta a passar gallerie: sullo sfondo el gruppo del Carega.
Togni! Torna de volta! Endo credevét de nar?!!
Ecco sullo sfondo el rifugio... gh'e' ancor en par de gallerie da far... e tutti, col pensier zà alle bire i ha zà trat en tel zaino le frontali...
Berg Heil! Gute Kameraden!!!! Eh,eh... parlando en todésc strét som riusì anca a farme immortalar coi 2 KaserJäger! (ma sa fai qua en Italia(Vicenza)!!??)
Quattro bone candòle e adess se pol molarla vers val per la rotabile degli Scarubbi... che, se se la fa integrale l'è propri longa...
..ma noi no ghe pensem dò volte: gh'è da empontarla drittaaaa!!!


Ste pagine l'e' stae cargade volte da visitatori dal 3 de agost 2005