SCIALPINISTICA Marmolada del 02/06/2009

En Italia l'e' festa nazionale, e allor ne approfittem anca noi per sconfinar qualche metro en la', e poder far la festa anca noi: ovviamente non alla repubblica.... ma alla nef! Sveglia alle 3 e 40, e per le 5 som za' en Pine' dal Teo a cargar i assotti sulla Modus... el diss che ghe pensa elo a recuperar la mezzora de sonno en pu' che ne sem concessi la mattina: e no gh'e' dubbi che ai zento e passa all'ora sui rettoni dele val, arivem bonora al passo Fedaia. En sto periodo le condiziom le e' ottime per entrambe le salite classiche coi sci (o a pe'): sia el lato trentim per punta Penia, che quel belunes per le piste da sci su Punta Rocca. Ancoi va bem le piste da sci... alle 6 sem za' li' a preparar pel de foca, scarponi e vestirne per bem: diaolopo'.... sara' anca bel temp, ma gh'e' na tormenta de vent da paura! E mi da mona, vist le temperature alte previste (era +1 a Canazei a 1500 e gia' +5 al Fedaia a 2000!) ho lassa' a ca' el berett... per fortuna el Teo el me presta el suo! Partim de bala sci ai pei dal pass, anca se l'e' sora zero, tra vent e serem, el rigelo el gh'e' sta' alla grande e g'avem da far le nosse a far a men dei rampant per la progressiom... su en traversim, addirittura me parte la lamina e parto anca mi a rugoloni per en par de metri endo che me ferma el gerom salta' for da sotto la pista da sci: subit en pe' e avanti de zete! Gh'e' giust en toc de 10 metri che besogn far coi sci ai pei: sul primo curvom de destra, el sol el l'ha cavada... po' per el rest... basta averghe fia'... e gamba!e difatti, empontada la terza retta, endo che la se emponta, prima dritti sfruttando l'attrito che fa el giaz appena mola' dal prim sol, po' quando la se emponta, continuando a zete, se arriva sul pianoro en vista dei skilift. Qi per fortuna se e' riparai dal vent: g'avem davanti 2 persone... no gh'e' temp... nem a torli! Con tuta la nef che ha fat, per saltar sul ghiacciaio, sto colp, enveze che entrar dritti en la valletta sul pianoro lassandone el rocciom a sinistra, taiem tutt a sinistra direttamente vers i skilift, quindi l'e' finalmente ora de bever en goz de acqua entant che l Teo el fa do' ciacere coi ciaspolari raggiunti (dela val de Cembra). Se riciapa prest en bom pass, adess se punta sora al skilift a endo che ariva la pista intermedia de Malga Ciapela: qi de solit gh'e' en bel crep davert: condizioni speciali, tutt bel sera'! Altro goz de acqua e sto colp, vist che ormai sem a 300 metri scarsi dala zima, ne permettem anca quatro boni biscotti che ha tolt drio el Teo. Adess gh'e' la tirada finale e, per el forte Phoen da Nord, la vetta l'e' scoerta en la nebbia.... entrem en tel "whiteout" glaciale, sguardo basso seguendo la vecia traccia, finche' a neanca 10 minuti, ne compare la funivia de vetta e BERG HEIL! Con en fret, en vent!!! Magnem ancor do biscotti (eh eh... evo bem porta' drio en sachett de bagigi, ma chi g'ha voia de meterse a pelarli con en fret del genere?) e saluda' do' putei de Rimini (!) e una de Brunico (che i ne diss che, no... no pol esser za' l'ultima... gh'e' ancor da nar!), zo' le pel e via! Parte sora giazada, po'... na pista, e sui versanti pu' solivi a zercar firn en vintizinque minuti sem za' en val! E per le 9 e 30, tornai al de qua dal confim, la birra fresca la g'ho za en man! (el Teo el va de capuccino... come darghe tort, vista l'ora?!). Saltai en macchina, improvvisem programmi per le prossime imprese e tornai en quel de Pine´, dopo en bom piatt de pasta, saludo e me trao vers ca´ a polsar... anzi.. no! Gh´e´ zò i soci del paess che me speta sul Garda... e allor via en moto en spiaggia a mpienir la giornada!





Eheh!! A giugno... ancor sulla nef!!! E per fortuna, col vent che gh'era el Teo el gh'eva drio l bandana... per prestarme la beretta!
..se parte subit su... en lastrom de giàz! Per fortuna el Teo nol m'ha ancor passà le foto, vist che mi, qi ho fat na rugolada da foc! Rampant? No, grazie!
Le rocce drio le ne riparara dal vent... temp fantastico... basta nar!
..ma enzima, col capél dele nuvole da Phoen portà da nord... par genàr!!!! Beh, beh... el brulè nol g'avem drio, e alor... basta molarla vers val!!!


Ste pagine l'e' stae cargade volte da visitatori dal 3 de agost 2005