SCIALPINISTICA Portule del 30/01/2009
Vist che finalmente per ancoi sembra previst bel, me ciama el Teo e... "Kepo! gh'è da nar! Pensa a en bel girét sora i 3000 da far fià!". Dopo en consulto col Mich (sto colp vem anca elo!) sulle possibili zime, salta pero' for dai forum dei scialpinisti la soffiada dell'ultim ora: el Portule dalla Val de Sella! I l'ha fat mercoer e i ha trovà nef da favola... e partendo dalla Valsugana (enveze che come normalmente dal rifugio Larici sull'altipian de Asiago) se riese a portarse a casa ben 1500m de dislivell... che se po' l'è polver, l'è tutt dir!!! E quindi, se ciava i 3000, l'è deciso! Se tol ferie e via! Ritrovo alle 7 e 5 a Calliam col Mich e, trovai col Teo a Perzém per la colaziom, e cargai i assòti sulla Modus, alle 8 e 1/2 sem zà lì che arrivém enfont alla Val de Sella a quota 828m, all'hotel Legno. Gh'è demo' n'altra coppia de taliani che è drio a partir... Pèl, e via! En metro alla macchina e... che bela polver! Partìm de bona lena su per la forestale che la entra en te la val con en bel sviluppo, po' saltà for en par de schianti de piante, e n pont serà da en divieto per instabilità (zerto che con tutta la nef che gh'è su... adess, l'è bel che collaudà!) se abbandona la forestale per narghe drio al segnavia del senter che co na serie de zete el ciapa quota su per el bosc fim a arivar ai 1350m dela baita Lanzola endo che ne fermen n'attimo a bever en goz de acqua e trarghe n'ocio alla baita: propri bella! Con rento taole, banche, caminet e sora e tavolato per dormir! Propri en bel bait da rumba (o da pòpa... se demò se riese a convinzerla de arrivar fin lì a pè!)... Sèro l'uss e subit ripartìm: la direziòm che se ciapa adess l'è quela rento per la val puntando direttamente al canal sora al bait. La discesa se la podrìa far dal canal de sinistra... ma vist che da sinistra de solit gh'è da passar for anca en scroz... eh eh... dopo magari... i convinzo che se pol tornar zò anca dalla stessa! Passà su da en rado bosc de frasséni, se taca a guadagnar quota en tel canal che el se empenna sempre pù ert e... eh, eh... la prospettiva la ciava anca el Mich (che l penseva fussa en zentinèr de metri)! Mi, che ero zà stà qi en zona dò ani fa a smaltir na rumba co la squadra de dragon boat, saevo ben che 350 metri de pontèra i gh'era tutti! La traccia, enveze de star al centro del canal la guadagna metri dai canalini de sinistra, e questo perchè almen qi, se pol sfruttar le vecie slavine e guadagnar en po' de sicurezza... el Teo el sento che l butta drio, pestandome le coe dei sci e allor el lasso passar per na sgasada.. arrivai alla testata dei canalini, ne spostém al centro del canal e en altri 50metri de erte zete arrivém enzima al canal sulla gresta de confim col Veneto. Adess, co n'ocio a no svizinarse massa alle enormi corniss che trà sul versante trentin, ne basta guadagnar i ultimi 250 metri per la gresta, che dopo esserse tacada alla salita da Asiago (con altri 2 taliani che e' drio a farla), la ne porta en vetta per primi: Berg Heil! Primi! E en men de 2 ore e 3/4! Eh, eh... varda ti che storia 'sti vicentini de Asiago, che vol l'indipendenza dall'Italia tacandose al Tirolo, i ha adiritura tacà la bandiera del Land sulla GipfelKreuz! E quindi l'è doverosa subit la foto de gruppo alla cross de vetta co la nossa bandiera! Entant che mi tiro for dal zaino la thermos de Glühwein, el Teo el ne usa propri ben co na ciopa per um de Speck.... ghe mancheva sol che mi me ricordessa de portar su gratarola e rafano e no ne pareva zà pù de esser en Italia! Ne fermen su na mezzoretta a sperar che tra le nebbie basse che s'è alzà dalle pianure saltessa for en raggio de sol, po'... l'è frett e allor, zò le pèl e via! Vist che la discesa dal canal della porta trentina (quel col salt de roccia) no l'era traccià, rieso a convinzerli a tornar dal canal de porta Renzola, quel de salita: tanto spazio vergine ghe n'è per sempre, vist che fim adess gh'è passà zò demò 3 scialpinisti! El pendio che trà vers la porta l'è zà bel ert sui 30 gradi e quando ne fiondém en tel canal un per volta, distanziai, gh'è propri da goderse a firmar en tel polverom! Passà for el boschét de frasseni e tornai alla baita, tornem a perder quota en tel bosc de pézi zò per el sentér, quindi, de nof su forestale, endo che fermandose, addirittura arriva a far zoccol la nef! Ancoi l'è calt...ma per fortuna l'è ancor polver e così ne la godém tutta fim zò enfont! L'è ormai le una e saltai en macchina, dopo na bona radler a Perzén se pol zà tornar a cà a pensar, tempo permettendo, endo nar a spolverar doman!
| Subit for dal bosc sora Olle.... ma quanta nef gh`e`???? | |
|
Propri tanta! E dev`esser propri na figada vegnir su a far rumba en sti bivacchi! | E qi, anca se la par corta gh`e` el ripido scivol de 500 metri che ne porta alla porta Renzola (Staatgrenze) | |
|
Per risalir el canal se sfrutta vecie slavine... no voria mai svodar en canal del genere! | Eccone for dal canal. Adess i ultimi 300 metri de dorsale e... | |
|
Berg Heil! Varda che storia, sta zent dell`altipian de Asiago!! I ha scominzia` col Referendum per tacarse alla nossa regiom e za` i scominzia a tacar for bandiere tirolesi! SUPER! Los von Rome! | Bevest en bom goz de brule` en vetta l`e` prest ora de fiondarse vers la porta per quattro bele spolvera en tel vallom! | |
