SCIALPINISTICA Cima Boai (traversata) del 17/01/2009
Seta a fiocar e allor, a ca' no se pol zerto star... gh'e' da nar! Ma endove? A nord la polver l'e' sicura, a sud... anca se ha fioca' l'altroieri, al gieri ha scalda', e cosi' no sem propri sicuri: se ciava, la risciem! Me trovo cosi' co l'Albert a Roveredo alle 6 e 10 e alla mezza, col Mamo, Bertold, Mauro partim dal Zuffal Park per el solito bar dele brioches de Commezzadura (per el caffe'). Alle 8 sem li' a Vermei che girem su a destra per la stradela che ne porta al parcheggio davanti al capitel. Gh'e' vecie tracce, ma se no ghe fussa la tutina en partenza, la traccia nova ne tocheria farla a noi, e allor la lasem partir con calma tolendone i nosi tempi per tirarne a um e controllar i ARVA. Partim su diretti per el pra' sora el parcheggio e me meto davanti per far da contenimento alla fila: se passa davanti l'Albert co l'allemento che l g'ha sem ciavai! Ne enfilem su per el bosc e dopo esser saltai for su na longa forestale arrivem a na prima malga. La nef, la g'ha si' qualche accenno de polver, ma l'e' molto variabile co l'esposiziom e a sud, dovem sperar che el sol nol vegna scondu' dale nuvole, per coserne n'attimo la grosta che s'e' za' fat. Passada la malga vers quota 1900, sempre per forestale, passem do canai (doprai dalle vecie traccie de discesa) per enfilarne su per na pontera sulla destra e, guadagna' altri 200 metri su per quel che par en tof de la legna, arrivar en te la piana co la malga pu' alta... e ormai propri sotto la serie de paravalanghe che risalta da tutta la val de Sol. Puntem dritti cosi' ai paravalanghe, traversandoi tutti per raggiunger la dorsale davanti e quindi se taca de strette zete a guadagnar i ultimi 400 metri... E qi la salita la par eterna... sara' che l'e' en dossom che no se vede la zima, sara' che accuso l'aver magna' poc al gieri (broccoi) e no aver fat colaziom stamatina, sara' che l Mauro ancoi l'ha ciapa' el largo e per distante che l sia no l'e' ancor enzima, la me par longa... ma po' alla fin per le 11 e 1/4 co na sprintada arrivo su per prim al Berg Heil: 3 ore de salita per i 1400 de dislivel... onesto! Divoro l naranz, n cioccolatim e ne fermem li' na bona mezzora a far triangolaziom co la cartina e zercar de capir le varie zime entorno. Vers mezdi', sem quasi li' che ne enviem en zo che do local giust arrivai en vetta i ne propone la discesa en Val de Pejo (e i ne dara' en passaggio a raccattar la macchina sora Vermiglio, vist che anca lori i ha fat la spola con do auto). Eh,eh... l'e' una proposta che no se pol zerto rifiutar: la discesa vers Val de Pejo (Comasine) en esposiziom nord, l'e' PulverSchnee assicurata! E allor... gh'e' da nar! Saltai zo dalla dorsale, ne dovem calar en ten canal ert e pien de polver... diaolopo'! Un per volta, sperando che tegna tutt, ne enfilem zo... l'e' propri en pe', e dall'imbocco, no se vede el font... gh'e' sol da trarse! Propri bel! En la piana sotto, fem quattro belle serpentine en direziom della malga, po' aggira' en salt de roccie da sinistra.... diaolopo'.... sem drio a nar vers Pejo paess.... per Comasine, dovevem vegnir zo dal costolom a destra! E allor tira for cartine, controlla col GPS che gh'eva drio el local e ... pel e su! Ma no l'e' neanca 100m! Per na discesa cosi' valeva altroche' la pena! Cavem le pel al volo e qi, se ciava la forestale che smonta en paess!!! Taiar for per el bosc en tel polverom l'e' massa bel! Fago anca en par de rugoloni e per fortuna, el tutor (che tegno sempre en discesa) per la spalla el fa el so laoro... Dopo aver taia' for entra' le case a zercar la macchina dei local... ghe sem! 2 ore e 10 de discesa da sogno... e allor, via a raccattar la Polo e l'auto del Bertold! Saludem i local, e tornem a Comasine a raccattar sci e i altri. L'e' za' le 3 e meza che sem en centro a Male' al solito bar (eh eh... el Kepo el sorprende tutti... el conoss ormai i vicoi de Male' come fussa Trembelem!) per la bona ciopa de Speck e l brindisi de Radler media. L'e' nada... propri bem! A parte, po' n'incontro ravvicinato con na volante della pula, scondua drio en slargo, a vegnir zo' en tel nof tunnel de S.Michel: ma se tutta la fila de auto incolonnae la neva ai 70 (coi 50 de limite), me auguro bem che no i g'avessa drio el velox! Senno' i criminali, chi sono????
| Che fret! ...e allor via de bala che sennò ne embrumém! | |
|
Bravo Kepo... tegnei tuti en fila: e no sta a far passar davanti l'Albert, che se el ciapa el so pass el ne tira el col a tuti! | quaranta minuti de bosc e adess na meritata pausa a trar zo en goz calt: con tuta la nef che ha fat, alla malga drio questa ghe s'è adiritura sfondà el coèrt dala nef! ...e adess la empontem dritta su per el bosc.. | |
|
...fim alla piana, endo' che finalmente g'avem davanti la zima: la par vizina... enveze... | ...altro toc de bosc... | |
|
...dai Kepo! Empontela drittaaaaa!!! | se continua oltre el bosc en direziom dei paravalanghe che gh'è da dribblar per i ultimi 400 metri... | |
|
...e i e' bei carghi! Dai, Kepo, movéte che gh'è da pasarne for tanti de paravalanghe!!! | ...e finalmente... BERG HEIL!!! ..e adess... sa fente? Smontente en val de Pejo? | |
|
...azz che erta! Sta all'ocio Kepo.. che l'è n'attimo far partir qualcos! | ...ben, dai che ormai sem fora! | |
|
..ehh... l'era bela erta! | ...e adess puntem alla piana zo lontana a sinistra (gh'è na malga... e po' ne tocherà risalir el doss de destra) | |
|
azz... sem desmontai massa a sinistra.. no gh'è santi... ne toca ripellar per risalir 150metri... | Kepotracciaaaaa!!!! Incredibile!!! Feghe en quadret a sto brao putèl! | |
|
..e adess n'altra bela sciada fim en paess: Super Pulver!!!! |
