SCIALPINISTICA Cadria del 11/01/2009
Dopo en sabo pomeriggio passa' de brindisi, som ancor al bar davanti a en goz de Rotari, che stuf, col cellulare trago n'ocio al sito delle relaziom dei scialpinisti, per veder endo i e' nai ancoi per polver e... Gh'e' da nar!! I me da' la gita del Cadria (la zima drio Riva del Garda, sul per la val de Ledro/Concei) stupenda... polver!!! E queste l'e' una de quelle occasiom da sfruttar al volo, anca perche' no l'e' roba da tuti i ani riusir a sciar dalla macchina, vist che se parte a sol 780m de quota! Do' SMS al volo e l gruppo per doman l'e' prest fat: sem co l'Albert e l'Andrea (che l g'ha ben da studiar per n'esame, ma esendo vizim a ca', se fem zima en mattinata, el dopodisnar el g'ha el temp per far el rest). Partim cosi' da Roveredo alle 7 men dese, e per le 8 e 10 sem li' che molem la polo en mez alla forestale e trem zo i assotti. Encrosem subit anca en forestale che sci ai pei el va per polver li' sora: che bel laoro! Se i primi 10 minuti i e' abbastanza piani, la strada la se empenna de colp e i metri de dislivell se i magna en fretta la prima mezzora. Po', enveze, se deve perder en po' de temp a ravanar coi assotti per aggirar i tanti schianti dele piante che sèra la strada...e finalmente, vers quota 1550, se sbuca for dal bosc en tel pianoro de malga Vies, endo che se daverze la visuale e sulla sinistra salta for el lac de Ledro. Giust el temp de trarghe en ciciom alla borraccia e se riparte de bala, e superada na slavina da calt, se punta a na parete de roccia da traversar che alla fin la fa pu' impressiom a vederla che a farla. Entrém cosi' en te na valletta che risalim per altri 200metri, quando, daverzendose n'altra val alla nossa destra, ne compare davanti cima Cadria. Diaolopo'.... come farente a saltarghe su? Le traccie de salita le scompare en ten valangom che ha tirà zo tutt el versante! E considerando che i l'ha tracciada ieri, el deve esser vegnu' zo' per forza ieri sera! Vabbe', entant ne svizinem per studiar la situaziom, e lassà malga Cadria a sinistra, entrèm enfont alla val, e ghe saltém su alla slavina... a lastroni.... di fondo.... impressionante! Vist che l'è de fondo, con picca e ramponi, saltém sul prà su per el distacco che en pratica el ne permette de arrivar 20 metri sotto la gresta, da endo' che se traversa per nar enzima. Il problema l'è che la testa del distacco, no podém zerto fidarne a toccarla: visti i crepi sora, se la parte, la ne porta en val anca noi! e cosi' dopo 10 minuti de perlustraziom decidém de far qi el BergHeil e torném a malga Cadria per i naranzi de rito. Encrosai dò local, i ne propone de puntar alla zima li' de fronte: sicuramente en polver, viste le traccie lassae dal forestale de stamattina, ma l'è ormai le 11 e 1/2, la gita l'avém fatta, e l'Andrea ghe tocheria anca studiar... quindi... va benom cosi',e ne fiondém zò diretti en polver... e che polver! SuperPulverSchnee!!! Anca taiar zo' entrà el bosc ne la godém propri, po', passà for i schianti sfruttém anca el greto de n torrente e... con en bel keppottom, sfrutto anca el me tutor che nol me tradiss la spalla! Ancor 100 metri de scivolada e sem alla macchina, bei gasai della sciada fatta: se ciava la zima... no l'è zerto i 70 metri de dislivel che ne manca! Saltai en macchina, l'è doverosa na pausa birra e ciòpa de Speck alla birreria al camp de pattinaggio sul lac de Ledro, e quindi, per le 2 e 1/2, sem zà a cà a far sugàr le pèl!
| Partim spediti su per la forestale... fin qua tutt dolz... ma adess la se empenna enfretta! | |
|
Ghè da ravanar a passar for la forestale... la nef l`ha fat en casìm de schianti! | Dopo n`ora arrivem for dal bosc alla malga sui 1600, quindi girém a destra... | |
|
puntando al taiom entrà le rocce davanti al Kepo. El taiom el par propri sbifido da qi! | ...e da qi ancor pezo! Ma no dai! nient de difizile! Sul serio! Sol impressiom! | |
|
Adess, lasandone alle spalle la vista del lac de Ledro ne enfilem su per la valletta... | ..e quando la se biforca, tolém la val de destra... | |
|
..e finalmente vedem el noss obiettivo: el monte Cadria! Ma se è sucess là??? | Na valanga de fondo! ...e che valanga! | |
|
Provém istess a saltarghe su, ma meio evitar de far pressiom su quei lastroni instabili! | E allor... Berg Heil! Se ciava la zima, tanto la sciada adess ne la godem istess en tel polverom! | |
