SCIALPINISTICA Pizzo Alto del 27/12/2008

Con tutta la nef che ha fat sti di', gh'è da deventar mati a star en val a spetar l'istà... ma d'altronde, co la spalla mezza keppottada che g'ho no podo permetterme che la me vegna for... El Teo, però l ciama e dopo en par de "dai, dai! Gh'è da nar! con calma... ma gh'è da nar!" no resisto... NEM! Passo così la mattina for per le farmacie de Roveredo a zercarme en tutor de neoprene per la spalla, da tegnir en la discesa, e dopo en bianchét al bar, per le 1 som lì dal Teo, a spetàr che l'empasta le ultime 4 pizze... Cargai i assotti sulla Modus alle 2 e 5, sém zà en font alla val dei Mocheni che ne enfilém su per la valletta vers el lac de Erdemol. Ciaspolari ghe n'è, scialpinisti, non tanti... Empontada dritta la forestale, arrivai en campo aperto, enveze che continuar su per el sentér vers el lac, el Teo el me devia vers destra e con 4 belle zete su per el bosc puntém diretti alla dorsale... Che strozegada! Pero', en te n'attimo sem zà su en vista del Pizzo Alto! L'è zà le 3 e 10 quando, bevèst en goz de acqua ne dém come ora limite le 3 e 1/2.... po' ne girém! Per n'attimo, vedendo el travers giazzà da passar for sull'antizima, som ben tentà de anticipar el rientro, ma po'... eh ,eh... l'era demo' en traversim!!! E propri per le 3 e 1/2 sem al Berg Heil! Spettacolo! Zo' le pel, e n te n'attimo sem zà sotto la dorsale a enfilarne zo per le vallette, tra nef portante e n po' de polver... l'importante l'è che no ghe sia grosta! El rest della discesa nel magnem alla grande... e per le 4 e 1/2 el Teo l'è zà de volta a trarse su el grombial! Bel, bel, bel... e quindi, per serar en grande, en bon JägerTee da scaldarse for e podo trarme vers cà!






De nef non manca propri.... e allor... via de bala!
..tutt na tirada fin alla piana endo taca la pontèra per el lac de Erdemol...
...e qi noi la empontem su dritti a destra...
...e ne ciapém direttamente sulla dorsale con davanti la nosa mèta...
...e così.. ultima pontèra finale e...
Berg Heil Alpinisti! Dai, dai... che prima che faga nòt, adess gh'è da tornar en val: a cà del Teo per en bom brindisi col JägerTee!!!


Ste pagine l'e' stae cargade volte da visitatori dal 3 de agost 2005