SCIALPINISTICA Grawand del 01-02/11/2008

Finalmente la nef, almen ale alte la par rivada... e allor, anca co la scusa che el sabo l'e' festivo e no me toca nar en cantier...gh'e' da nar! Vist che tra passo Stelvio serà e Marmolada giust fata, no gh'e' masa posibilita' se non quela de nar su bei alti, ne aprofito per proporghe al me socio 'taliam na scialp su per le piste dela val Senales... eh, eh... no l'è l'è mai nà coi scialp, ma tra camino de Santiago de corsa (miga en MTB!) e la maratona de Venezia domenega pasada... el g'ha assà fià da tirarme el col... dala me banda gh'è la quota.... eh,eh.. pù alti nem pù som en Kepo ;) ! Vederem! Ne trovém ale doe a Roveredo, e dopo en salt a Trembelem, ne fiondém a Trent all ZuffalPark a molar zò la so macchina e quindi a Meran per el solito pieno de metano....e dopo en par de menae dela barista todesca en tel solit 'taliam sforzà ripartim per la Val Senales, endo che alle 5 e meza arivém... Maso Corto! Ancoi se dorme al SportHotel... altrochè alpinisti! Agonisti da paura! En tei coridori, per nar a trar zò i zaini, g'avém da dribblar la nazionale svizzera che è drio a far streching en te la Hall dale discese del sabo... Per le 7 e meza, dopo na polsada, a zena, gnocchi, e roba del posto, quindi, gh'è da nar a... l'Apres-Ski del paess... e qi... l'Anton el se rende ben cont che sem dapertut for che n Italia... 5 minuti a domandarghe en todesc ale putèle sa che le beve (Samba e Strega... dò cocktail... Velen!!!) po', quando conosém i lòcal...e lori tuti scaldai a dir che no sén en Italia... e pitòst che lasarghe el 20% de iva ai taliani, i va en Austria a far la spesa (cosssa??? Dala val Senales???? En macchina??? L'Austria l'è quasi pù lontana che da Roveredo!) el me socio el li fredda subìt con en: "Mi son Veneto!". Ahhh... per fortuna nol sa che mi, a forza de firme, som mèz austriaco! Comunque el fatto che ancor se pol fumar en tei bar, al de qua del confin no l'ho ancor capì...Per mezanòt, ném a butar zò i osi, tanto doman, co la sveglia ale 8, (anca se el zero termico l'è alt, no esendoghe masa nef, e risalendo le piste, nem sul sicur) gh'è tutt el temp che se vol. Solita colaziom tirolese, e preparém i zaini, pèl sui sci, arva, baìl e per le 9 e 1/4 ne envièm a pè sci a castelét su per la pista nera...na bela pontèra... ma adess, finalmente vedem chi che tira el col! Primi vinti minuti a testa bassa senza dir baf, e cavà giacca e pile, fim ai 2300, endo che l spiana, i sci i tegnim sul groppon, po', al laghét finalmente gh'è la fonda e podém partir co le pèl. 2 minuti veloci per spiegarghe al socio el pass de salita (de zerto eviterò zete o passaggi de laminato sul giàz vif) e subit se parte de bona lena. Altra pausa per traversar en par de rivi (guai a bagnar le pél! Pitòst cavarle!), e sul secondo pianoro encrosém en putèl todésc che è zà drio a vegnir de volta: la sciada a so dir, vista la stagiom, l'è bona... N'ora e vinti e i primi 500 metri de dislivél i è nai, con en giro a destra, se passa n'altra rampa e eccone en vista dele piste! Eh,eh...che pienom! Ma con quatro bei taiaoni (naa...qua no gh'e' riscio valanghe....con 30 schéi de polver a 2800!) e aggirà en par de crepi, arivém al skilift intermedio. Se podrìa bem far na tappa all'Aprés-Ski per trar zò qualcos vist che ancoi, no avém portà drio nient, ma vist che l'Anton nol mola en pass (diaolopo'... alla prima scialp e zà... duri, duri! Mai zeder!) puntém dritti sulla blu che aggira el snowpark. E qi me cavo la me bela soddisfaziom a veder che en quota... ghe n'ho de vanz... anca se le sprintae del me socio, le me mete en dificoltà... e arrivém alla funivia giusti per disnar. Berg Heil! Na bela pelada al ristorante per la me RadlerBier, TirolGrostel e KnodelSuppe (ma pasta, patatine, wurstel e na stecca de cioccolata no l'ho miga magnade mi!), quindi cala zò en nebbiom da foc... Ne la tolém propri comoda, e avanti che ne molente en zò spetém de digerir...Tornai ala macchina, e ncrosai zaini sci, e tutt, evitém de passar all'ApresSki de l gieri (sto colp, meio no cascar en tentaziom... me toca guidar!) e ne enviém en vàl co la Polo. Vista la strada che ghe speta al me socio per tornar en Italia, l'è longa, na pausa caffè for per Bolzan la se ghe vol propri... e anca qi... i ne parla sol todesc!!! Argh!! Se i ne sente ancor così patrioti, va a finir che la secessiom enveze che dai teroni i la fa da noi! ...e allor... de bala a Trent... e... alla prossima! Eh... eh.... Endove? Mah... l'è uguale... basta nar!





I primi dosento metri sora Maso Corto... sci en spalla e su de bala!
Po' arivai al laghet (bel el cartel! la temperatura l'e' propri ideale per far na noada!) l'e' ora de trar zo i asoti!
Se fa subit traccia per dribblar en par de condotte per i cannoni da nef... e se la emponta dritta fim enzima!
Kepo!!! Bella la nef... ma l'e' ora de cambiarlo quel bastoncino, eh?! L'e' desfa'!!!


Ste pagine l'e' stae cargade volte da visitatori dal 3 de agost 2005