ESCURSIONISTICA Reither e Seefelder Spitze (A) del 28/09/2008
Finalmente ancoi l'è ora de rinnovar el Bundesrat con quei quatro magnoni de Vienna.... diaolopo'! Tirolo indipendente!! A parte le monae, da bon zitadin, no podo esimerme dall'obbligo e così la camminada en la Heimat,anca per aprofitarne cosi' per votar, l'è poc ma sicura! Se vendro ne erem sentui per organizzar na do' di' sul Schrankogel (po' saltada sia per laori en cantier, sia perchè al momento de prenotar el rifugio i m'ha dit de star a cà che l'è massa cargo ne nef), sabo erem ormai convinti ne far Hohe Munde... en 2700 sora Imst... ma po' la sera, sentu' dela valanga vegnua zo en Zillertal, e anca considerà che la parte enzima dell'Hohe Munde la richiede nef pu' che assestada.... endo nem??? Le previsiom per la domenica le è super... gh'è da nar! Me trovo così alle 6 al Quercia co l'Andrea e fata na colaziom a Brixen, per le 8, avèm come da tabella, zà passà Innsbruck e en direziom Seefeld (a en quart d'ora da Innsbruck). Gh'è ancor la bruma de stanot! Parcheggiém al piazalom dei impianti de risalita e davanti g'avem propri l'Hohe Munde: la zima che no ne sem fidai a far... a vardarla su no la par tant carga e la tentaziom de saltarghe su l'è forte... ma no g'ho la cartina de quela zona... e allora... ancoi puntem ala traversata tra le do zime sora Seefeld. Ghe saria bem la possibilità de sfruttar i impianti de risalita per far meza traversata... ma 16 euro per po' farne cavar el bel del dislivel, no ghe pensem propri a lasarghei li'! Traversà el rì, ne enfilèm su per na forestale che passà la Reither JochAlm l'encrosa el segnavia 10 co la nosa prima zima de destinaziom: el ReitherSpitze (Seefeld 1240 - Reither Sp. 2373) via Nördlinger Hütte. El rifugio l'è giust 100 metri soto la zima, quindi praticamente alla fim. Se l prim toc se la tol dolza, vist che oltre al senter, l'Andrea el varda anca i fonghi del sotobosc, pasada la prima malga, el senter el se empenna con zete su zete e a testa bassa tachem a magnar metri de dislivel. Se dala malga i deva demo' 2 ore e meza per el rifugio, noi alla fim ghe n'avem messa n'ora e meza dala macchina.... zercar fonghi compreso! No l'è ancor le dese, ma tra la zent che ha dormi' al rifugio, tra quei che ha sfruttà i impianti, la zima sora l'è zà bela carga de zent.... gh'è tutt el temp de fermarse a firmar el libro del rifugio e bever na candola de Coca e.... renderse cont che qi en Tirolo, i versanti nord i e' zà bei bianchi de nef! Ancor 5 minuti de caminada e.... Berg Heil! E adess besogn smontar dal versante nord en direziom dell'HarmelerJoch.... ma come saralo? Sula cartina l'era segnà come sentér attrezzà e giust per star tranquillo m'ero tolt drio anca pica e ramponi... vardandome bem pero' de tegnirli bem scondui enfont al zaino per no far figuraccie.... pero' vist che tutt el versante l'è innevà, al'Andrea ghe torna comodi i bachéti, e mi ne aprofitto dela picca. De tocheti attrezzai ghe n'è anca massa, quasi ghe fussa mamma provincia a onzer anca qi! Smontai 200metri de dislivel, e corèst drio a do pernici bianche (mmmm beh, dai.... meze bianche.... vist che le è drio a cambiar el piumaggio), con en travèrs vers destra, ne riciapém alla dorsale che ne porta vers el Seefelder Spitze.... quindi co n'altra bela rampa, en dese minuti sem al Berg Heil. Qi gh'è propri cani e porci, vist che l'impianto l'ariva 5 minuti soto la zima, ma con en temp del genere, ne permettém na bona mezzora de vetta a magnar cracker (coi corvi che se salta adoss per ciapar al volo le migole), cioccolata e orientar la cartina: Oltre a tutta la cadena de Karwandel (sora Innsbruck), dal'altra banda , se vede via Reutte, el FernPaß, e su fim al ZugSpitze, la zima pu' alta de Germania. Dai impianti, seguendo le piste i segnavia i dà 45 minuti all'intermedia (endo' gh'è el RossHütte), ma molando le gambe en dese minuti sem zà lì a decider endo sgolar la meritata birraccia.... qi al RossHütte?? na... par de eser a Cervinia! ma propri soto a mezz'ora de segnavia i da' n'altra malga.... e allor gh'è da nar! e neanca a dirlo e men de dese minuti ghe sem. En bom taglier de Kaminwurz de camòz, Brot, Gürkel, Kren und Senf per 4 Euro e mez, na bona Radler media e sem pronti per rimeterne a pe' e fiondarse vers la machina. En la parte bassa, l'Andrea el trova bem fonghi dal sangue, ma, el diss, se no i è porcini, nol perde neanca temp a torli su (anca perchè qi sem sempre en ten parco nazionale!). L'è giust le doe che sem li' che ne enviém co la vecia Polo vers Kematen per el pieno de gas, e passà el confin (na!!!! WelschTirol ist nicht Italien!!!) per le 4 e 1/4 sem zà a Roveredo a scargar la macchina e pensar ala prosima scarpinada.
| Ne enviem su per la forestale che se stacca a destra dale piste da sci, giust con davanti la nosa prima meta: el Reither Spitze... | |
|
...a passo svelto, se magna metri su metri de dislivel... | ...e quando ormai sem al rifugio, sulla dorsale, podem far el punto della situaziom... allora.... vers est, sotto el Kepo, gh'è la capitale del me Land: Innsbruck. | |
|
...vers sud enveze gh'è le Stubaier Alpen e la gresta de confine co l'Italia... | ...e vers ovest, Seefeld con a sinistra l'Inntal e con sora l'Hohe Munde. Drio l'Andrea, enveze (la zima innevata), l'è el ZugSpitze, la zima pu' alta dela Germania! | |
|
Eccone arrivai al rifugio, per na pausa CocaCola... diaolopo'... i n'ha tegnu' i bicieri fora en fresca en mez ala nef! | ...e ripartidi en neanca dese minuti, l'è zà ora del... Berg Heil! | |
|
..quindi, ne molém zò per el versante nord a pestolar la prima nef de stagiom... | ..quindi traversà soto la zima, nem a ciapar la dorsale a sinistra per traversar via vers la prossima zima (da endo che è stà fata la foto).. | |
|
...e se traversa tuta la gresta lasandose el parco nazional de Karwendel a destra e Seefeld a sinistra... | Berg Heil, WelschTiroler!! Dai, Kepo, veloce, che adess i te speta en val per le votaziom! | |
|
... ma prima, l'è d'obligo na pausa taglier de camòz, en malga (sol 4 Euro per sto taglier), e ovvio... Große Radler, bitte! |
