ALPINISTICA Antelao del 30-31/08/2008
Co le ottime previsiom del weekend, per na volta, el cantier el lasso nar envanti da sol. Rdoc e Bryan sto weekend i ha organizza' con do' so soci (Marino e Giampiero) n'uscita al Re dele Dolomiti... la zima pu' alta dopo la Marmolada: l'Antelao.... eh,eh.... gh'e' da nar! Ne trovem a Trent ale 2 e meza dopodisnar e ne fiondem zo per la Valsugana vers Feltre, Belum, Longarone e rento per el cadore fim a S.Vito. Diaolopo', la strada l'e' propri longa! Arrivem al parcheggio che l'e' le 5 e 40! I eva za' prenota' al rifugio Galassi per noi 5, ma quando per rassicurar el gestor se ghe ciama su a dirghe che se arrivera' en po' tardi... el gestor, nol va tant per la gentile! Ne speta subit 900 metri de dislivell, i primi 300 per na forestale (affiancada anca da na seggiovia che no tolem). E subit su sta forestale ne affianca en 4x4 e l se offre de portarne su i zaini... mmm... mi no me fido massa... el g'ha la targa italiana (da en zo!) e no ghe molo el zaino finche' Bryan nol se offre volontario de nar su coi zaini. Parto allor a razzo taiando su per le piste con Rdoc, ma Marino e Giampiero, che i e' za stai en zona, se ne pareva de averli distaccai en bel toc, ne i trovem de colp davanti! Eh ,eh! I saeva scortoi ancor pu' comodi! Arrivai al rifugio a quota 1600 enzima alle piste raccattem i zaini e ne fiondem su per el versante destro en direziom della forcella a quota 2112.... Taioni su taioni empontem dritta anca l'ultima pontera e scollinem, el rifugio l'e' 50 metri sotto, straaffollato. Arrivo su prim con Rdoc, e l gestor el ne da subit le camere e l ne diss per la zena de spetar na mezoretta... Quando ariva anca i altri, el gestor el se scuriss subit e nol ghe fa zerto le feste! Mah!!! Se vede che ghe staro' simpatico! Per le 8 e meza ne sentem zo a zena con en bom bicier de ross, polenta, salziza, verdura. Tolem anca en strudel (e mi en par de grapini) e l'e' ora de decider a che ora levar doman: con tuta la marmaglia de zent che gh'e' qi, dovem per forza anticipar e cosi' ne farem preparar la colaziom per le 5. El gestor el m'ha volest convinzer che tessera cai o no, se paga de men a pagar senza meza pensiom (al punto che l m'ha regala' el giro de rossi e l caffe') e cosi' con 30 euro a testa e' vegnu' for pernottamento, zena e colaziom! Benom! Prima de nar a trar zo i ossi, vist che al rifugio gh'e' for en campo da boccie, con Bryan e Rdoc ne aprofittem de na sfida coi frontalini... po' alle 10 vem for el gestor a pararne en let... Sveglia alle 5, mi en 10 minuti saria za' pront sull'us, ma tuti i altri i la tol propri comoda, e va a finir che partim ensema a tuta la marmaglia che l'e' ormai le 6. Gh'e' nubi medie... qi nebbia, ma sora sicur bel! Tornai alla forcella del gieri, deviem a sinistra per en vallom che se strenze sempre pu'... davanti gh'e' roste dappertutt... no capisso propri come farem a narghe al vers su sora! Mah... i parla de roccette de II.... vedem! Saltai su na placconata, dopo en travers vers destra, se risale en camin (e qi el II el gh'e' tutt), quindi, con en passaggio vers sinistra, tirando el fia' per l'esposiziom, se salta for sulle placconate sora. La parte alta l'e' demo' 400 metri de placche da risalir en pendenza sui 30gradi....meio no trovar giaz o miz, vist che sotto gh'e' en salt de mili metri! Dopo en par de pause, vista la differenza de ritmo de salita, riciapem el noss pass de salita per ritrovarse enzima. A parte en salt tra na placca e l'altra, la salita l'e' tutta alla stessa pendenza, po' arrivai a 50 metri dalla vetta, l'e' ora de tirar for le man de scarsela: traversim esposto, camin attrezza' con corda fissa, do roccette e.... Berg Heil! L'e' demo' le 10 de matina, e sora no gh'e' na nuvola.... en vetta sarem za' na vintina, se magna, se firma el libro de vetta e quando ormai sem preoccupai che no vedem ancor arrivar el resto del gruppo... eccone tutti en vetta alle 10 e 3/4. Quindi, stem li' n'altro 3/4 d'ora: beh penso de no esser mai sta' fermo n'ora e meza en vetta a en 3000.... Adess podem enviarne zo' tuti ensema con calma, e za che g'ho drio la corda, fago sicura a passar zo dal toc attrezza'. Tornai sui placconi, dopo 10 minuti de marcia, arriva l'elicottero e l se piazza sora de noi all'altezza dell'inizio delle placche.... diaolopo'! E' rugola' zo uno (da na balza de 10/15 metri) e l s'e' ferma' subit sora al salt de mili metri... dopo esser sta' immobile (el sara' tutt spacca' su) el vem imbraga' da uno del soccorso e l vem porta' via col verricel (comunque, la gh'e' nada bem, vist che na volta imbraga' l'e' riusi' a alzarse sulle propie gambe!). Tornai al passaggio esposto vegno anca riconosu' da na putela (eh eh.... che la s'era fata notar en la salita della mattina.... e gh'evo anca scatta' en par de foto per provar el zoom dela me nova fotocamera): la me diss che l'e' de Verona ma la vive a Bolzan.... e mi sa c'entro? mmm ah, ecco! L'ha fat el corso de scialp con mi a Roveredo! Na volta tornai al bivio per el rifugio, ognuni riciapa el so pass e con en taiom vers sinistra se se sparmia la risalita alla forcella, quindi co na sciada del tipo "geroni del Pordoi" arivem scaglionai al rifugiet enzima ai impianti a.... bever en bom par de radler. Gh'e' li' na comitiva de done austriache embriaghe come le zorle, e l'unica roba che le me ensegna l'e' demo' el saluto en dialet austriaco "Pfiati" (la a no se la pronuncia quasi) che sta' per el ben pu' rude Tschüß todesc. Ma me godo massa a veder la scena de quando le se envia zo en funivia barcollanti propri entant che noi ne enviem zo per la forestale a pe'. Passa' en par de minuti, me lancio en te la rincorsa delle embriagone zo per le piste da sci (se ciava i divieti!!! A dir el vera no l'evo propri vist el cartel!) e.... a parte en rugolom sul pra' propri soto de lore che le sghignazzeva arrivo zo per prim! E addirituta en quart d'ora prima de tuta la nosa comitiva! Dopo en bom gelato en paess, l'e' ormai le 6 che ne enviem vers Cortina, Toblach, Bruneck, Brixen, Bozen, Trient... e saluda' tuti, per le 10 som a ca': che lusso! i veci i ha envia' via el forno a legna per sfornar pizze a nastro... e co la luzia che g'ho, en par le va zo che le se copa!
| Subit se taca con 900metri de dislivel, deviando a destra tra geroni fim alla forcella... | |
|
....e quindi smontando 50 metri fim al rifugio Galassi: el g'ha adiritura el camp da bocce! | La mattina, entrà le nebbie, se torna alla forcella e se se enfila en la val a sinistra... | |
|
...e guadagnando quota (e bel temp) se la risale tra geroni... | ...fim endo che la se sèra: ma come se ghe salterà su là????!!!!! Eh, eh.... co le man! | |
|
Na volta sui placconi, se guadagna altri 400 metri su pendenza costante... | con en mez sol en saltìm de rocce tra 2 placconae... | |
|
...quindi ancora envanti fim a 50 metri dalla zima: sul sfondo el Pelmo. | E i ultimi metri tra roste e grestine, l'ambiente l'è propri bel! | |
|
Berg Heil Kepo! Eh sì, qi en Italia se sente la mancanza dele cross de vetta: besogn contentarse sol de n pilastrim de fèr IGM! Ma sullo sfondo... eh,eh... gh'è ben l'Heimat con Groß Venediger (a sinistra l vanza su giust dale nebie) e Groß Glockner (giust drio el Kepo). |
