V DRAGONONESA diga di S.Giustina del 03/08/2008
Se fin l'altra stimana no pareva neanca de averghe el numero sufficiente per far su la squadra, co la enviada de Pine', sem po' riusidi a mpienir la barca durante i alenamenti e quindi, co l'oferta delle Nutrie (che ne presta la barca e n pagaiator) e i remenghi (che ne presta 3 pagaiatori) alla gara de S.Giustina... sem 19.... gh'e' da nar! Mi ero ben mez giustifica' per el matrimoni del gieri, ma come kepovoga sinistro no podevo zerto mancar! Daverzo i oci la matina ale 8, ma con en zercio alla testa che basta la meta'.... e allor, per riprenderme, me sgolo 2 borraccie de acqua e resto a polsar fin le 11, quindi, levo per mangnar 2 fette de torta vanzada, 2 pomodori, cargo tenda e sac a pelo en tel baulett dela moto (eccesso alcolico sempre in agguato! Mal che la vaga, meio dormir fora!) e en divisa d'ordinanza me fiondo alle Plaze. Gh'e' zo en festom da foc! Parcheggio la moto a fianco della pista da ballo de sabbia che ha fat su quei de VivaFM (stasera bech party!) e alle 1 gh'e' za' li' tutta la squadra al completo col gazebo monta': quindi ne basta spetar l'esito della riuniom dei capitani endo che i sorteggera' l'ordine de partenza. Vist che gh'e' 14 equipaggi iscritti e sol 7 barche, e l giro l dura sui 45 minuti, i fa na prima batteria alle 14, endo che parte el prim gruppo de 7 barche a distanza de 90 secondi una dall'altra, po' alle 15 tocchera' alla seconda tranche... Noi sem la 11esima barca.... quindi en partenza per le 15:04:30. E cosi', varda' for col capitano le disposiziom en barca, se pol polsar ancor en poc. Alle 2, ne trem sulla riva a vardar le partenze delle altre barche... le favorite le fa la partenza veloce e po', enviada la barca, le entra al passo... ma che passo! Vabbe'.. .zercherem de far cosi' anca noi! Entant la Serena, no so con chi la fat la scommessa l'e' drio a contar i consiglieri provinciali che gh'e' alla festa.... diaolopo'! Addirittua 7! Ma allor sem propri importanti! Le Nutrie, le partie per prime, le arriva prime... e con en temp che no g'ha rivali! Sui 43 minuti e rotti per far i 9 Kilometri. E vist che le favorite le era tutte en la prima batteria, alle 2 e 45 se saeva praticamente za' che le Nutrie le averia vint... se noi no ghe stem davanti! E allor, tocca a noi! Con en briefing fra capitani, el Nicola (el cap dele Nutrie, che ne presta la barca) el ne spiega el giro che i ha fat e anca come funziona el GPS en dotaziom: a nar vers l'alta val de Non col vent a favor i neva sui 15Km/h, a vegnirghen for, enveze, l'era enfossada sui 12Km/h... Manca 5 alle 3 che nem for a far demo' do pagaiae da enviarne via e veder se a bordo sem bilanciai e trar n'ocio al GPS... ehmmm.... beh dai, forse l'e' meio che no pensentte alla velocita' delle Nutrie! Anca se en barca sem dispari (19pagaitori) i tre sinistri en prest della Remenga i e' tre armari e i la bilancia a dovere. Parte i primi, parte el Trento Urbe, e... tocca a noi! Pronti all'attacco... GO! 20 de secche en partenza e quando la barca la se envia con en stacco entrem al passo. La velocita' l'e' sui 13Km/h, adess besogn mantegnirla! Gh'e' en sol che spacca le pree... ma drio de mi, la Serena e l'Ermanno no i aprezza massa le rinfrescae che ghe tiro (si tanta acqua da no vederghe neanca for dai oci) e i me tira dre' quatro zigae... e allor, calando en po' de potenza en tel braz, ghe'n dao de pu' alla gamba per buttar... ma entant l'e' el Gianni che me tol de mira: "Kepo! Tempo!!!!!!!" Diaolopo'... da deventar matti.... ma entant se va bem... sempre sui tredese... entant la Elena al tamburin, la ciama i colpi, e quando la va fuori ritmo la se ciapa zo zigae da otto anca dal Gianni! Eh... davanti se e' i pu' osservai e quindi anca i pu' zigai... beh, va... per la gloria questo e altro. Passa' en par de anse el lago el par propri eterno... fermento... finalmente, arrivem sotto al pont co la boa che ne fa far en 90gradi a sinistra... e avem ormai raggiunto quei del trento urbe! Altro 90 gradi de boa per girarne e tornar fora e i affianchem... ovviamente qi sem controvent e la velocita' la cala sui 11Km/h.... ma quando impontem el sorpasso dell'Urbe, la so pagaiada (molto pu' veloce della nossa) la ne manda en confusiom e scominziem a sfarfallar, calando sui 10Km/h.... e l sorpasso ghe mettem 10 minuti a farlo! Che agonia!!! Na volta passai davanti, con quattro zigae del Gianni riciapem el nos ritmo e i distacchem alla grande. Passa' la spiaggia, alla boa enzima al lac, el Giaguaro (timonier) el ghe fa propri el pel (al punto che tutti noi sinistri dovem alzar la pagaia per no macar la boa). Na sbregada per i ultimi 200 metri da arrivar al traguardo... anzi no... drio i perde el pass e i accellera massa... salta el sprint... ghe sem! Se li' per li', sem mezi encazai per tirarghe le recie alla zent che ha parla' durante la gara (diaolopo'! En barca pol parlar sol el tamburim e l timonier!! e l capitano!) quando i ne diss for i tempi... sem sui 45 minuti (naeanca 2 minuti drio le Nutrie, vincitrici...)... che bem! Saltem zo dalla barca e finim ottavi su 15... bene, bene! Adess, porta' su la barca sul carrel, podem nar a festeggiar co na biretta... doe... basta! Som cot, strac ancor dal gieri... Po' alle premiaziom, sulla pista da ballo de sabbia, nem a ritirar i premi direttamente dai politici... me pasa la coppa diretamente el Mellarini (anca se mi, no saevo neanca chi che l'era... eh, eh.... mi l'e' pu' fazile che riconossa i Tiroler LandesHauptMänner Herwig van Staa o Günther Platter!!), mentre el Dellai el premia coi assegni i primi 3 classificai. Entant che i taca el Beach party con musica pestada, nem a trarne zo a polsar, po' smontà i gazebo, l'è prest ora de zena, e tra pasta, arrosto, patatine, pam, strudel e fasoi i ne sgionfa zò come vedei.... Per le 8, vist che l strac el se fa sentir, e vist che ho bevest sol 2 birre piccole, decido che a cà dormo meio che qi en tenda.. e così saludo tutti e salto en groppa alla moto: diaolopo' che traffico! Ho fatt tutt en sorpass fim for a S.Michel! Po', vist che no g'ho pressia, continuo per statale e per le 9 som a cà.... a zena! Ancora magnar?!!!???!!!
| El Dragonheart pronto a scendere en acqua! Gh'e' da nar! Tifosa d'ecceziom la Dominici... anca ela chi per farne el tifo! | |
|
Si sale in barca e.... VAI KEPOVOGAAAAA!!!! | Tutti all'attacco pronti per el GO! | |
|
Partiti! E adess taca l'ora de agonia! In bocca al lupo, Dragonheart! | E la coppa de vedro sto colp ne la sem propri meritada! | |
|
....e adess... Beach party! |
