SCIALPINISTICA Hoher Seeblaskogel (A) del 11/05/2008
Dopo na falsa sveglia alle 3 (Diaolopo' Kepo! T'hai tegnù attiva la sveglia del gieri!!!) alle 5 1/4 l'è ora de levar! El temp come previsto l'è ottimo, e a vardar for dalla finestra gh'è zà i primi scialpinisti che è drio a enviarse sci sulla schena rento per la val. Ne fiondém en sala da pranzo per la colaziom, e vist che i affettati no sém zerto usai a magnarli a st'ora, pensém bem de prepararne anca en par de ciope da magnar en vetta. A vardar i altri taoli, la me morosa del gieri (o almen, così el la ciama el Mich...però, eh,eh, fao de pù qi en 4 ore che en Trentim en 4 anni!) l'ha zà fat colaziom e l'è zà partia... secondo noi, vist che l'è rivada demò ieri sera, pù che el Lüsener Fernerkogel no la pol esser nada a far! L'oste el n'ha dit che, vist che no i g'ha stanze prenotae, podèm liberar la camera (e pagar) comodamente al rientro della sciada e così raccattai i scarponi dal davanzal (bei freddi... stanot ha mbrumà!) e i sci dalla Polo, alle 6 in punto ne enviém rento per la val a pè. Arrivai alla testata della val, al bait del guardiàm, se gira a destra e per sentèr se salta su en tel bosc. 150 metri de dislivel en tutt e grazie a na slavina l'è zà ora de trar zo i assòti. Le pèl le fa na fadiga bestia a tegnir sul giàz e g'avèm da far le nose a risalir la val: for de traccia le tegn quasi meio.... ma de zerto i lòcal no i ghe pensa do volte a cacciar sotto i rampant. Passài sotto al rifugio, continuèm a costeggiar el rì (Längental Bach) propri al cospetto della nosa zima, che veramente, da qi no se capiss da che banda riusirèm a narghe al vers: l'è tutt roste e salti.... mah! Da quel che diss la relaziom, da sinistra gh'è n'ert canal encassà che sbara su dritti fim enzima: sem propri curiosi de vederlo. Sempre de bom pass e senza pause, contiuem per el rì fim a quota 2420. Qi gh'è el cartell col bivio per la nosa zima, e qi finalmente vedèm el canal che salta su e... sempre senza fermarne ne enfilèm su. El sol, per le nuvole che se alza dalla gresta de confim, el va e l vem, e sem preoccupai che nol ne cösa bem el pendio... ma entant l'ha zà laorà en par de ore, e zà qi su per el canal (sud secco) i rampant riusim a evitarli tranquillamente (a differenza dei local che i li tegn sempre sotto: ma vot metter che stracada 1600 de dislivel coi rampant?!!!?!). Dosènto metri per canal se i guadagna come rider e quindi, avendo zà fat 1000 metri de dislivèl, l'è propri ora de na meritata pausa, beveraggio bombe. Anca per trar su ociai da sol e SonneSchütze. No arivo neanca a meter la custodia dei ociai en tel zaino che l Mich el s'è zà envià... e allor... avanti! Avém zà passà tutti: ancoi sarèm i primi a spazzolar sti pendii... quindi, basta nar! El canal nol molla n'attimo e el ne sbara dritti en la conca glaciale a quota 3000. Da qi, par de esser zà su, ma, tra che la conca da traversar l'è longa, tra el strac, ne va via n'altra mezzora prima de traversarla for, arrivar al pass e con quattro erte zete a sinistra arrivar 10 metri sotto la cross sci ai pei e.... ore 9:25: Berg Heil! Ciopa de pam, firma del libro de vetta, 2 foto, e entant arriva anca en sior de Innsbruck de 63 anni.... e con elo ne fem quattro bone ciacere en taliam (che elo el parla) e todesc (quel el parlo mi!) e localizae le zime entorno, ghe entrém prest en simpatia (eh,eh... e me piass propri sentirlo parlar de che bel che l'è el nos Tirolo... quel che el diss parte da Kufstein e ariva a Borghét!) e l ne offre anca en bom ciuciòm de sgnappa! El Mich el volta via subit (ma come??? El gardelim nol me tegn na grapetta alle 9 de matina???) e... gh'è da nar a molarla!!! El Mich el se fionda zo dirett dala zima per en canalim, mi caccio su i sci 10 metri sotto e co na bela scavezada vers destra.... eh eh! Die Firn Jäger haben heute super Firn gefunden!!! Che figada! Spazzolar zo sti pendii come sulle piste pù bele appena tirae dal gat! Traversada la conca glaciale, passà for en toc de canal masnà, tegnindone a sinistra riusìm a trovar n'altro bel discesòm de firnaccio che ne sbara en te la Längental e qi, senza perder velocità, en ten blitz, sém sotto el rifugio. Arrivai alla slavina, l'è n po' brigos sciar su marogne de nef, po', ne fiondèm en tel bosc e seguendo el rii encassà, riusìm a smontar fim ai 1750m de quota.... ensomma, i sci, i cavèm a sol 100 metri de quota dal parcheggio! L'è demò quasi le 11 che sém zà al Gasthof a liberar la camera e pagar (eh,eh se 38 l'era meza pensiom, con 65 n'è saltà for anca i 3 litri de birra, el disnar del gieri e le patate de ancoi!) e magnar e bever. Ancoi sèm i primi scialpinisti a esser zà de volta! A mezdì sèm zà sotto Sellrain a far el pieno de metano e per mezdì e mez sem al confìm a far impazzire la polizia de frontiera: eh,eh.... avém girà el finale del clip de intro de sto sito! Tornai a Calliam, me fiondo a Roveredo a far el pieno de gas alla me vecia Polo. Som propri curios de veder quant che la m'ha magna' for a vegnir zò da sora Innsbruck: 6,70 Euro! Diaolokan.... se sol quei dell'Autobrennero italiana i se decidesa a far el bollim!!!!
| Imboccada la Längental, subit ne trovém davanti la nosa zima.... eh,eh... par impossibile me da sinistra gh'è en canal che ne sbarerà su diretti enzima! | |
|
E alllor, lasandone el rifugio en alto a destra, seguìm la val, costeggiando la nosa meta vers sinistra... | ...passèm così a destra della zima fatta al gieri: fa impressiom a pensar che avente podèst farla coi sci, vist che da sto versante qi no l'è altro che roste! | |
|
Seguendo la longa val, finalmente a 2420m. arrivèm al bivio per la nossa zima! | Ghe sém! Eccolo el famoso canal che ne sbara su! | |
|
E i ultimi 200 metri, se salta for sul ghiacciaio...eccola la enfont alla conca! Dai, dai! Ancor mezzora e... berg Heil! E sto colp sem propri i primi! | E dalla zima vardandose endrio, se vede tutta la Längental che avém risalì! Ve rendè con che sciadòn che ne spetta adess? E allor, zò de balla a spazzolar el firn! | |
