ALCOLISTICA Zell am Ziller (A) del 03/05/2008
Eh, eh! Ancoi me speta propri na giornada piena! Gh'e' da nar a festeggiar l'addio al celibato del Nane en Zillertal alla festa dei béchi: ovviamente i soci del paess i vem su da Trembelem (con pausa disnar a Matrei) en corriera, mi enveze, essendo en macchina da Vienna i raggiungo diretti alla festa vers le doe dopodisnar, e ben saendo en che condiziom sarém sul tardi (impossibile guidar!) me som bem vardà de prenotarme per temp anca en Gasthof all'azienda del Turismo de Zell per dormir lì e smaltir la bala... Caccià su la sveglia ale 7, quindi levo e tiro a um la casa prima de partir, quindi, vers le 9 e 1/2, cargà la macchina, fago zo' en salt en te la MühlRaum a trar le mondizie (ah.. per na volta no gh'evo voia de far la differenziata! Som de pressia! E così ho trat tut en do sacheti de residuo... pile del walkman comprese: na roba vergognosa!!) e trovo li'... propri i netturbini che è vegnù a svodar i bidoni! Diaolopò che sfiga! E così, per no dar massa en te l'ocio cargo le mondizie en macchina e le porterò en Italia!!! Per le 10 e 1/4 som zà lì che corro per i Gürtel de Vienna e con na pausa rifornimento metano a Linz, passà Salisburgo, podo anca calcar sull'accelerator e far sgolar la Polo! En Germania, limiti no ghe n'è! Per le 2 e 1/2 som zà a Zell (40 Km da Innsbruck) a zercar el me Gasthof per trar zo le me straze... diaolopò... gh'è do vie che se ciama uguali! Ma per fortuna, e qi meto subit en pratica l todesc, prima en veciot, po' la Polizei, me mete sulla retta via. Drio el gasthof gh'è la parona che è drio all'ort e entant che la me dà la camera (che lusso!) ghe conto della tirada che me som fat ancoi da Vienna per vegnir a far rumba coi paesani fim qi en Tirolo. Prima de saludarme, la se raccomanda sol che la colaziom, doman matina no podo farla dopo le 10, vist che ela la g'ha da nar for en paess a far la sfilata coi trattori. Me fiondo a pe' al tendom della festa e taco co la prima birra media, i paesani i è zà per strada: en te na mezz'ora i sarà qi. E allor va zò anca n'altra biretta e n par de zighereti (sol perchè som en ferie!). Davanti ai stand dela birra l'è na figada: musica dal vivo e balli... propri quei bei, quei che conosso a memoria tipo "Cowboy und Indianer", Dj Otzi.... u.s.w.!!!! Arriva i soci! Giust el temp de farghe l'accoglienza che g'avem zà n'altra candola en man... mi som propri stort. I me consegna al volo la maietta della rumba: ancoi sem tutti vestidi aranciom....e tanti brusai che è zà drio a voltar via sul torrente Ziller, i ne seta a domandar se sem olandesi. Po', i me domanda de nar a zercarghe na farmacia al Denis che per el mal de schena no l'è riusì a desmontar dala corriera (a Matrei l'ha ciapà en colp de giro d'aria e l s'ha enciodà).... Vist che la farmacia de turno l'è enfont alla val, a Mayrhofen, ghe domando alla croce rossa de guardia alla festa n'Aulin.... ma no i ghe n'ha e allor, i se fa compagnar dall'Herman (che el ghe parla en ingles) a visitar el malà. Mi me ritrago entrà i tendoni a bever, bever, e fumar. Som veramente lì a passi quando vers le 5 e 1/4 me ciama l'Herman: "Kepo!!! I n'ha portà en ambulanza all'ospedal de Schwaz! Vei a torne!!!". Diaolopo' che storia! 30 Km (sol a nar!) embriac marz? No ghe penso propri! E allor, scargà la bici dalla Polo, lasso guidar i pù sani: Gabu e Tama. El Gabu, po' no l'è tant de festa, vist che i g'ha giusto dit che i g'ha ricoverà el fiol a Roveredo.... Arrivai all'ospedal el Denis l'è en condiziom pessime su na carozella, ma pur de nar for dall'ospedal l'ha firmà.... e po' el me diss che i g'ha fat na ricevuta da pagar 160 Euro! Ma come??? no g'alo dat la tessera sanitaria? No. E allor ghe domando alla reception dell'ospedal come sistemar... ma la ricevuta el ghe l'ha fata la Rote Kreuz... dovem tornar a rintracciarli alla festa.... Tornando su a Zell, per sicurezza ghe fago anca el pieno de metano alla Polo, che almen, se viste le condiziom, i me la scrocca per tornar en Italia, i riese a far tutt na tirada a gas fim Roveredo... Tornà alla croce rossa i me diss che no i pol fotocopiar la tessera lì alla festa... e i ne manda a Mayrhofen alla sede centrale (altri 8 Km... en font alla val). E allor, avanti! E lì finalmente, el cont de 160Euro rieso a farlo deventar en ticket da 9 Euro! Grande Kepo! L'è ormai le 9 e 1/2, el Denis el stà propri mal, el Gabu el vol tornar a cà e anca el Tama... e come m'ero entaià i me scrocca la macchina (Tornerò zo en pullmann, però la camera i me la paga lori!). E così giust el temp de cargar la bici sul pullman, renderghe le ciavi della camera al Gasthof, e spiegarghe come funziona i bollini e l'abbonamento che g'ho al ponte Europa, i saludo e per le 10 som pront a annegar la serata en te l'alcol! Giust en Würst und Senf per sugar su i litrozzi de birra che va zo e tra en zigheret e l'altro setem a ballar coi soci su per i taoli en ten megatendom drio el piazzal. El festeggiato l'è sparì, ma el clou della compagnia l'è presente! Sem lì con me fradèl, l Gioppi, l Togni, l Silva, l'Herman, l Ladro e l'Alberto... e qualche capottom dalle solite banchette da festa campestre el riscem bem! E la gh'evo propri entorno.... so sol che ho ballà e fat casim fin le doe: diaolopò se la pesta sta birra! Anzi! Devo anca aver ghebà come en turco, vist che gh'era ormai tutti senza zighereti e all'automatico se i compra sol col PersonalAusweiss....e mi som stà l'unico a riusir a binarli a um! Con n'ultim Würst und Kartoffeln, ne trem al pullman, e finalmente, arrivà tutti i altri, per le 3 e 1/2 ne enviem. G'ho entorno en Cater che basta la metà (eh,eh!!! sti detti austriaci i conosso sol mi!!! El Cater, en austriaco, l'è el gat mascio... se diss de averghelo, quando dopo la scimmia, el dì dopo se è nzucai da paura), ma passà el confim me sveglia for l'SMS de "Willkommen in Italien" del me nof cell austriaco e me rendo ben cont che l'autista l'è drio a vegnir en zo come en dannà!!! Se po' avessa saèst che ntant che l guideva, l'era anca ciapà a vardarse i porno sul DVD davanti, no sarìa zerto stà tranquillo! Almen sarià nà davanti a controllar che nol nesa for de strada....e anca el DVD ;) ! Alle 6 e 3/4 finalmente el ne scarga al Follom a Roveredo, propri davanti alla me Polo: el Tama el me l'ha parcheggiada propri davanti al cartel de rimoziom forzata per manifestaziom dalle 7 stamattina: Diaolopo'! Manca 20 minuti!!! E allor, l'Albert el ne riporta en paess, e tornà zo de bala con me fradel co le ciavi de scorta me raccatto anca l'auto. Arivai a casa se sveglia anca i veci e prima dele 8 no i me lasa nar a polsar... i vol saer sa che ho combinà sti 15 dì en la capitale....ma alle 8, diaolopo', me fiondo bem soto le coerte!!!!.... l'è 25 ore che som en pè!
