SCIALPINISTICA LampsenSpitze e Zischgeles (A) del 09/03/2008
Ancor scavéz dal Sellaronda de vendro (diaolopo'... g'ho zonta' anca 2 ongie dei pei! e no ho miga capì perchè sol i indici!! ...al Mich la gh'è nada anca pezo che per tirarse a um tra fever e bronchite che gh'è saltà for el dovrà star drio l'uss 10 dì... e a trar zo antibiotici!) me ciama sia el Davide de Piné che l'Albert: "Kepo! Gh'è da nar!". ...sì, ma endove? El tempo l'è en cesso en zona, la nef pappa e po' g'ho anca le gambe strache.... beh, dai... studiandome for con calma le proieziom meteo me salta fora che su dalle me bande enveze gh'è en sol da spacar le pree e na polver da stofegarse (da tanta che la è). E allor... gh'è propri da nar a firmar! Studiandome i libri sacri del Jacopelli e del Gionco, finisso per sceglier la Lusental: na val drio Stubai, sulla sinistra de Innsbruck. La partenza quindi a ore antelucane l'è per le 5 e 1/2 da Trent e saltà anca la pausa per la colaziom all'autogrill en te n'ora e n quart sem zà lì che arrivèm en patria. Per sparmiarne la vignette, nem for a Innsbruck Sud, quindi, per Axams, Birgitz (e la scorta de benza, qi ancoi a 1,25 l'è doverosa), SellRain e su fim a Praxmar (na mezzora for dall'Autobahn). Come previsto l'è na serenada da foc (ovviamente fim al Brennero enveze gh'era sol nebbioni!). All'entrata del paess (ore 7 e 3/4) en putèl el ne fa parcheggiar sulla strada.... diaolopo' addirittura i parcheggiatori per i scialpinisti i g'ha e enveze.... seta a arrivarne!!! En pratica ancoi gh'è el 10 raduno internazionale con gara scialpinistica alla zima che propri volem far! Eh, eh!!! Dovem starghe davanti alle tutine! E po', che bel, i ha allestì anca la festa campestre en paess, e traccià la nossa salita coi paletti! Na bona embugada de strudel e via che gh'è da nar! Sia perchè alle 10 parte la competiziom, sia perchè co l'esposiziom est della gita, e col sol che gh'è g'ho paura de ciapar grostom.... Sem tra i primi a partir, e se alla macchina gh'evem i diaolini dal fret, appena arrivem al sol, se è subit en maneghe corte.... ma a pociar el bachet for de traccia... incredibile! L'è polverom!!! Sbagliarse no se pol! L'è 1100 metri tutti segnai e tracciai! No i ha fat pero' la doppia traccia (quella che me digo i dopra per ciacerar en gara...), e così qualche bella sbregada dovem bem farla per passar qualche gruppo de vecioti che va en su. Gh'è addirittura zent che sale coi sci da alpinismo ai pei e quei da freeride sulla schena! La salita l'è continua propri sora a Praxmar sul versante destro (sinistra idrografica) del vallom. En par de pause, per trar zo liquidi, e avanti de zete! Dopo 800 metri de dislivel, salta for davanti la nosa zima, e aggirando en doss sulla sinistra, puntem dritti al traguardo della gara. Entant el pensier el va zà alla prossima salita... co na giornada del genere... ne tocherà per forza ripellar! Per le 10 e 1/4, passà el traguardo, scavezem a destra e trati zo i sci fem i ultimi 30 metri a pè e... LampsenSpitze: berg heil! E sto colp, na dedica tutta en todesc sul libro de vetta, i se la merita propri! Dopo na bona pausa en vetta, e visti arrivar i primi garisti (diaolopo'... i va come sciopetae!) ne concedem en primo piano alla TV che ne riprende dall'elicottero e ne fiondem vers val. Adess se volem concatenar el Zischgeles dovem trarne a destra en ten canal, per ricongiungerne vers i 2300 de quota alla salita che parte da val... ne tachem così sulla dorsale e.... Super Pulver Schnee!!! Eh, eh! Come i diss... l pù dei scialpinisti i è quattro pegoroni e i ricalca sempre le tracce dei altri e così, se da na banda l'è en pistom, de fianc, l'è tutt pendii de polver vergine! Ne fem ciapar la man dalla sciada e quando vardo l'altimetro sem zà quasi massa bassi.... alla fim, co na scavezada tra do rocce vers destra ne ritachem alla forestale.... ma però sem a quota 1900: el Zischgeles l'è en 3000 e rotti... mmm... ne tocca rinunciar alla zima, ma entant ripellem e altri 400 metri en quella direziom dovèm bem farli! Al momento del pellaggio el Davide el varda i so novi Blizzard: diaolopo', ghe s'è staccà la fodra de plastica dal fianc! Ma per sciar i va ben istess, a tirarli a um se ghe penserà doman... e allor avanti! Su sto versante qi ancoi gh'è la gara de freerider! I vem zo come i balini col casco e le proteziom! Arrivai al punto de controllo intermedio de sta gara, decidem che per ancoi de dislivell ne avem fat assà, e così, fermai n'attimo a far do prove arva, l'è ora de trarse en val alla festa campestre. Alternem tochi de pista a tochi de Pulver e quando ormai manca 100 metri alla forestale, scavezando via su en dosset, no me n'ascorzo che sotto 2 dei de polver gh'è le rocce e.... me se emponta le ponte dei sci sulle rocce e... vegno proiettà en capriola sulle rocce sotto! E atterro de fianc sulla spalla sinistra....Diaolopo'.... El prim pensier l'è stà "per fortuna no l'è la gamba" el second "per fortuna no l'è la spalla destra" e po', finalmente dopo mez minut immobile enterra daverzo i oci... diaolokan... g'ho for la spalla sinistra! Per fortuna appena ghe posto sora la man destra, con en colp torna tutt apposto al volo e quindi raccattà sci e bacheti... gh'è da nar!!! L'Albert l'insiste per portarme el zaino a val, e così raccattà sci e bacheti, dopo averghe dat quattro bele girae al braz a veder che sia tutt apposto, ne enviem zo con calma sciando. Portai i sci alla macchina, l'è ora de far festa! La festa campestre qi l'è propri na figada! E così con 2 Brezle e 2 birrette a testa, parem zo tut con en bon Kiachl mit Kraut e.... per le 3 ne enviem vers la macchina. A guidar, postando de peso el braz sul volante, ghe la fago ben (da zoc che som, voi portarla a cà mi la macchina).... el pezo l'è demò la strada tutta curve che gh'è per arrivar a Innsbruck... zerto che el pedaggio dell'Europabrucke me toca pagarlo slongandome for co la man destra! Per le 5, saludà tutti con n'"alla prossima" (spero fra 2 stimane....), dopo na doccia veloce (e col me vecio che pensando ai laori che g'ho da far en cantier el me ziga drio) me fiondo all'ospedal: eh,eh, gh'è poc da far.... per scominziar vinti di de fassadura de immobilizzaziom! Okay, dai, ho compreso bene: questa volta l'ho fatta grossa.... e gli sci per quest'anno temo di doverli già riporre in cantina. Che dire.... buon proseguimento di stagione ai lettori! (ma per mi la finiss qi!). Cià. Kepo. Stagiom finia? No l'e' vera!!!! Con mercoer 2 april son za' en volta per gare coi asoti!!!!! Endove???? Keep in touch!
| Se risale le piste battue de destra da Praxmar... | |
|
...e po' se continua a ciapar quota sulla dorsale tra ometti de prea e bandierine... | ...quindi, quando la pontera la mola en pel, salta for (propri davanti al Kepo) la nosa zima e allor... | |
|
Berg Heil! | Ne fem ciapar la man massa dal polverom e ne sbasem fin ai 1900 endo che ne ritachem alla forestale... eh... el Zischgeles davanti l'e' pu' de 3000.... ne accontentem de arrivar sotto la fascia de rocce e... molarla! | |
|
Purtroppo pero' el Kepo el se scaveza na spalla a vegnir en zo... e allor, almen el zaino, el se lo lassa portar zo! Mai zeder!!! L'e' giust perche' i me l'ha sbrega' for de man!!! | E prima de tornar al brut temp che gh'e' en Welschtirol, na bona birraccia, Kiachl e Brezle.... no i pol zerto mancar alla festa campestre!!!! | |
