SCIALPINISTICA Panarotta del 05/03/2008
A dò dì dal Sellaronda besogn nar a far n'ultima sbregada per molar for le gambe e così, la sera prima, restém d'accordo de na scialpinistica en Lagorai. Ma la mattina, trati i sci en auto, la perturbaziom, l'è sì passada, ma la s'ha tirada drio en ventàz da foc. Forse l'è meio accontentarse de na risalita de pista en pausa pranzo e così, co na telefonada ne riorganizzém al volo: alle 11 e 30 ne trovém per nar a risalir le piste della Panarotta, che forse, vista l'esposiziom, le è anca en pel riparae dal vent che ancoi tira anca en val. E quindi, sistemà le me "colleghe-arpìe" per en par de ore (ghe prometto che per le 1 e 3/4 som de volta a tegnirle occupae!) me trovo a Perzén col Teo e n te n'attimo sem zà lì che tirém for i sci dalla Modus alla base della pista: endo che taca la forestale che taia a mezzacosta en Tingherla. Ancoi la tolém dolza e coi sci da turismo, sia perchè el Teo l'è ancor mbugà dalle prove generali del Sellaronda che avém fat marti passà, sia perchè a dò dì dalla gara, l'acido lattico, l'è ben tegnirlo alla larga! E cos' ne enviém subit sulla pista alla destra del Rigolor: la pista l'è en biliardo, e fora 30 schèi de polver! ...e anca el vent, qi el ne sparmia la temprada (e pensar che a vegnir en su, for per le gallerie della Valsugana, evo giust mancà dò telefonae del Br1 giust de volta da na sventagliada da paura su per la Paganella che me diseva de star a cà!)... e allor, for dal pianoro se tacca de sbregae alternae a recuperi pù dolzi. En gòz de acqua e passà el bivio co la pista che salta su da destra, co na sbregada da foc, passém de balla sora l'arrivo del Rigolor e arrivèm enzima co la lengua enterra al Berg Heil. Zò le pèl, e, tra spolverae bordopista (de polveròm ghe n'è de vanz, sol en po' umit.... deghe do dì freschi che l se suga, e vederé che figada!) e serpentine sul giust battù, l'è doverosa na pausa alla malga a mezza pista. Eh... dai, no sarà na biretta che me rovina la prestaziom: sol che a magnarghe drio na piadina men va zò ben doe (el Teo, enveze, neanca dirlo, el se tegn come n gardelin). Gh'è da nar! Molà i assoti vers val en ten blitz sèm alla macchina a cargar i sci e, puntuale come en todésc, de volta a Trent dalle me "arpìe"
: eh,eh... no le se lo speteva propri che podessa esser 'si veloce!
