SCIALPINISTICA Hochgall del 17/02/2008
Quattro ore de som basterale? Sicuramente no, ma se ciava, gh'è da nar! E quindi trata su la sveglia anca massa bonora (nahh... la sera prima tra birre e spritz fin mezzanot en paess, no gh'evo propri voia de meterme lì a embastir anca el zaino!), levo alle 4 e 30... e alle 5 e 40 co l'Albert, el Mika (en socio dell'Albert) e l Luca sem zà en partenza da Calliam. El ritrovo l'è per le 6 al ZuffalPark de Trent col Gheda e i so soci (PaoloL e Tato). Solita colaziom a Brixen e via de balla per la Pustertal-Passo Stalle. Alle 8 e 20 ne fermen al campo de biathlon de Anterselva, col termometro che segna -16 e bei embacuccai ne enviem a traversar la pista da fondo.... No saevo che l'era n'O.S.A., ma picca e ramponi, per sicurezza me i ero bem tolti drio! De sicur gh'era sol el dislivell: 1800metri. Passà for la piana, con subit i diaolini ale man per el fret, appena tachèm a risalir l'eterno canal for dal bosc sem zà al sol (oh!!! Esposizione SUD!!) e infatti zò le giacche e avanti o sol col micropile o adirittura en maneghe corte.La nef qi, per el sol, l'è tutta giazada, e infatti zà subit da quando el canal el taca a empontarse le pèl le g'ha da far le sue a restar belle fisse.... mi fago en rugolom (eh.. a empontarla massa dritta!), ma al Gheda, che propri no le ghe tegn neanca el poc (neanca coi rampant), ghe toca trarse i asoti sula schéna e avanti a pè! El pass l'è da prestaziom... diaolocan... endo g'hai pressia de nar? Beh, dai, ancoi g'ho en collaudo anca el nof camelback e così no g'ho tant da pensar a fermarme a bever! El canal el se empenna sempre de pu' e tolta na deviaziom a destra (da sinistra enveze gh'è el canal de discesa) oltre all'ert gh'è da star anca sempre pù attenti alla nef giazada... senza rampant.... l'è meio no slipegar! A perder temp a far zete sul giaz resto ultim e vegno passà de corsa da en putèl lòcal che el se ferma subit dopo alla Rippel Scharte (la forcella enzima al canal... confine con l'Austria.... eh, eh...anca ancoi alla fin ho trovà la scusa per far presenza su dalle me bande!) enzima al canal. Me fermo giust n'attimo a trarme su la giacca (qi gh'è aria) e far do ciacere con elo entant che i altri i riparte de balla (massa...): el lòcal el se gira qi per el vent... mi riparto sul versante austriaco vers sinistra....e saltà su en doss, con el lonc giro en senso orario se punta diretti a en canal che sbara en vetta.... diaolocan che pontèra! Me par de veder davanti uno che el ghe salta su coi sci ai pei... ma no se ghe pensa do volte a trar i sci sulla schena e vista la pendenza sui 40 gradi, picca e ramponi (mmm forse i ramponi no i serviva) me enfilo su per el colatoio da 3000 a 3300 metri.... che fadiga! Oh, finalmente su, e vist che ormai manca demò 100 metri alla vetta (a sinistra) tegno i sci sulla schena fim al Berg Heil. 3436, vetta invernale. El Gheda e l PaoloL entant i prova a ramegar su quella estiva giust lì di fronte, ma senza corda e imbraghi, tra la nef, la longhezza, e la difficoltà i decide che l'è meio lassar perder. Magnà e bevù, per mezdì e 1/4 l'è zà ora de pensar alla discesa, e a pensar de dover far el canal sui 40gradi en zo coi sci me vem el magom.... gh'è da nar! Po', dai, coi assotti sotto i pei par tutt pù fazile e anca se l'effetto pendenza all'imbocco (che no se vede el font) el fa impressiom, co na bela sciada (mi som ben en pel pù calmo) ne calèm zò. Ne vem ben en brivido quando en scarpom F1 del Mika el se sgancia drio propri en tel toc pù ert (l'è vietato rugolar qi!!! diaolopò 'sto soffiét dei F1...) ma mantegnindo el controllo dei sci se riprende al volo la sciada. Mi da sora tra na curva e l'altra scoerzo la comitiva de nef.... gh'è sotto l'Alberto che con tutta la nef che ghe trago adoss nol vede neanca pù vanzar su i so asotti! Alè!!!! Sem enfont! E adess ciapém el canale direttissimo sul paess (quel che avevem lassà a sinistra en salita). Ma la pendenza no l'è pù 40... adess se pol vegnir zò spensierati en confront.... beninteso.... sempre senza rugolar, v'è!!! A far bem, spetando na mezoretta che el sol el ne cösa n'attimo la nef, troveresem firn, ma no gh'è temp! E tutti i se trà zo, e senza quasi na pausa en ten blitz sem zà al parcheggio a cavar i sci. Sull'ert l'è stà propri bella trasformada, sulla parte finale enveze s'è bem saltà tra polver e grosta... e diaolopò entrà la polver som anca stà bom de trovar na fassa de sassi e.... diaolocàn.... zò de muss en velocità! Eh beh, va... Arrivà en val na siora todesca la me ferma entusiasta a veder da endo che sem vegnui zò e mi tra todésc e sbrazzae (eh... doverò pur farme capir en qualche modo.... e chi el se lo ricorda che "ert" en todesc se diss "Steile"? ....a brazi se fa prima!) ghe fao bem capìr che bel giro che avém fat. L'è l'ora della birraccia alla Tiroler Hutte lì al parcheggio, e saludà el Gheda e i so soci, tra na ciopa de speck e do patatine de birra medie en va bem zo en par a testa! Tanto guida el Luca....
| Ecco i canai da risalir!!! Da destra en su e da sinistra en zo! | |
|
E subit la empontem dritta! No gh'e' tregua!! | Arrivai enzima al canal entrem en la madrepatria (Austria) per la Rippel Scharte, e girém a sinistra... | |
|
e puntem diretti al canal davanti | Trati i sci sulla schena.... se taca a risalirlo... l'è propri ert! | |
|
E che empressiom veder el Kepo risalirlo, ma no veder el font del canal!!! E questo po' doveresém passarlo zò coi sci?!!?!?? | E quindi finalmente arrivèm en vetta... Berg Heil! | |
|
El gheda e l Paolo i prova ben quella estiva... ma senza corda l'è propri brigos! |
