SCIALPINISTICA Cadinon del 10/02/2008
Se a nord el vent el l'ha fat disastri, a sud forse, sperando che la grosta la sia ormai portante per el sol della stimana, podém esser ottimisti. E così el Mich el propone el Cadinon da Caorìa. Me trovo co l'Albert a Roveredo alle 6 e 1/4 e alle 7 a Calzeranega col Mich e l Luca, e via de balla per Caoria... La tentaziom de zima d'Asta da nord l'era forte, ma tra le sventae, tra el riscio ancor 3.... meio no risciar. Zerto che a lezer la relaziom del Navarini, col Cadinon, visti i canai da valanga che doverem risalir, doveresem esser ancor men traquilli.... sperèm! For dalla Valsugana, ne fermèn al solito bar de strada a Lamon e per n'attimo temo che el barista le brioches el me le faga pagar el triplo quando el me sente dir: "varda ti, g'ho el telefono che el me domanda de selezionar a che operator tacarse.... sel vede propri che sem arrivai en Italia!". Alle 8 e 10, passà Canal S.Bovo e Caoria sém zà a parcheggiar la macchina del Luca al rif. Refavaie (quota 1115) e trar le pel soto i assoti. Qi de nef ghe n'è en casim.... almen 60/70 schèi! Da qi ne envièm su per i pari e per la strada innevata che la va vers la malga Coldosè. La malga Coldosè.... ne la ricordém ben mi e l'Alberto! L'evem passada do anni fa en te la Translagorai e.... da Caoria (per fortuna en quell'occasiom en discesa) l'era propri lontana. E infatti, passo davanti mi e, vist che l'è quasi piana, ciapo en ritmo da mat! Al punto per le 9 e 1/4 sem zà arrivai al bivio per la Fossernica! Ovviamente, qi noi ciapèm en l'altra direziòm (a sinistra) per passar la Malga Coldosè e puntar alla forcella Coldosè. Anca el sentèr per la forcella l'è eterno! Scollinai en tel vallom davanti, arrivèm così sotto en bel canal de valanga... saralo fattibile? MA a lezer la relaziom, el canal da risalir l'è el secont, e così fatti altri 300 metri (lineari!!! no stè a pensar sempre al dislivel!!! che a quel basto mi!) risalìm el canal, bel compatto, ert e zà slavinà fim enzima. Se arriva così su en pianoro a quota 1970 e finalmente se vede el Cadinon.... ma l'è ancor lontam!!! Besogn prima risalir tutt el vallom, quindi me metto el cor en paze e passo a far traccia sfruttando dei veci busi de ciaspole (diaolopò che longa che la dev'esser stada co le ciaspole!). En vinti minuti sem finalmente al passo a ormai men de zento metri dalla zima. E qi se è a caval co la val de Fiemme.... l'idea che n'erem proposti de smontar vers nord, vardando i accumuli e le sventae, la fa prest a passarne, quindi passà davanti el Mich, se parte distaccai (per via dei accumui) per far en bel travèrs vers nord e con 4 belle zete su giaz saltèm sulla gresta e per le 11 e 1/4 sem en vetta al Cadinon sud.... Berg Heil! L'è bonora, gh'è tutt el temp de vardarse entorno co la cartina alla man e per mi, anca de svodarghe el zaino al Luca (tra n'aranzi e cioccolata la m'è nada propri bem.... al gieri no som riusì a preparar nient per mi!). Zo le pel e.... "fente el canal dirett??" come no!!! Gh'è da nar! puntèm così direttamente dalla zima vers sud e en te n'attimo sem de nof en tel vallom, che essendo tutt de grosta portante.... el ne fa volar.... e quindi arrivèm all'ert canalim slavinà.... mmm.... sa far? Riciaparne al senter scalettando e traversando a destra, o puntar dritti zo per la slavina sul fondoval vers, ocio e cross, Malga Coldosè? Ovvio che passa quest'ultima, quindi.. zo a picco! E en ten blitz sem en te la polver del bosc (eh sì, qi all'ombra entrà i pezi el polverom el domina!) pronti a ritacarne alla forestale, quindi.... sfida! Ne molém zo come i balini per veder chi arriva prima.... all'intermedio g'ho davanti sol el Luca... ma a che velocità! Nella parte finale, tra false partenze e me capottoni passa anca el Mich, ma l'Albert drio l'incalza! L'è giust le 1 che sem zà al Refavaie.... ma sa magnente? eh... sto colp ne sem sbagliai.... no sem en SudTirol... quindi la ciopeta col Speck la ne lassa l'amar en bocca (propri na piccola spaccatina),e allor correggem subit el tiro con en bom piatt de canederli (e qi al rifugio i li fa propri boni!), do birre medie e n grappim.... per fortuna no som mi a guidar!
| Dopo n'ora e mezza de forestali e senteri, emersi da sora la malga Coldose'... | |
|
Traversem el vallom, puntando ai erti canali de valanga.... che dovem risalir. | 150metri de zete su per slavine e saltem sul pianoro en vista della zima. Quella bianca enfont a sinistra: l'e' ancor longa! | |
|
...e allor animo, e avanti fim al passo! | e dopo quattro zete sul giaz versante val de Fiemme, saltem sulla gresta e... | |
|
Berg Heil Kepo! Guten Morgen!!! Wie geht es dir? ....te pari en po' endromenz! | Studia' le zime entorno (davanti gh'e' i praoni della malga Fossernica, con sora la zima Paradisi), l'e' prest ora de.... NAR!!! | |
|
E ovviamente la empontem dritta zo per i canai! Direttisimi dalla zima! |
