SCIALPINISTICA quota 3096 (vedretta di Lago Gelato) del 07/02/2008
For per la not me som bem sveglià for en par de volte a sentir el rumor delle folae de vent... e alle 7, quando sona la sveglia, sa far? Erem restai de provar en 3000 en val Martello: anca se gh'è rischio 3, el Madriccio l'è sempre sicur... basta che però no fininte en mez alla tormenta! E allor come prima roba, dopo en bom cappuccino per colaziom, ne trem al computer a vardar le raffiche registrae dalle centraline meteo dell'Alto Adige. Diaolopo', le ciavi della sala computer, el Teo el le g'ha en tel la Modus (che el gieri avem lassà parcheggià a Trent), e così, raccattada la ciave de n'altro sito, con do colpi de mòla, fém su en passpartout bel e funzionale.... ghe sém.... le raffiche le è entorno ai 30/50Km/h.... sì dai....tolendone drio passamontagna, maschera, do pari de guanti e na thermos de caffè col vim podém risciarla! Gh'è da nar! Per le 8 sem zà en macchina en direziom Val Venosta, Val Martello. Tra na pausa rifornimento e una de colaziom le pel sotto i pei le mettem alle 10 e 1/2, ma tanto ancoi el zero termico l'è bass, ne va pù che bem arrivar su per le 1! Sulle zime gh'è baffi de vent enormi, ma sottogresta par abbastanza riparà. Ne envièm de bala su per vecia traccia vers el rifugio Nino Corsi e a parte en rugolom del Teo (che ghe zede la traccia sul famoso travers sotto el rifugio) en ten blitz sem su. Qi encontrèm le uniche do persone dela giornada: na famigliola de Meran en volta co le ciaspole. Quindi seguendo vers el centro della val, se passa su da na corniss e sbasandone sulle vecie traccie ormai invisibili per via del vent, risalim el vallom dal centro costeggiando el rì. Passà el pont che devia a sinistra per zima Marmotta, tirem dritti e guadagnem quota fim a attraversar el lac a quota 2580. Da qi con 3 belle zete risalim vers destra en te na conca e per paura de aver devìa massa dal centro della val, seguim le morene esterne del vallom, guadagnando ancor 200 metri e.... no so quanti Kilometri! L'acqua l'avem desmentegada en macchina (mezza borraccia en doi l'è propri poca, ma ne la fem bastar). Saltando dentro per morene, e anca con qualche cava e metti de sci per le morene pelae dal vent, senza scrozerne de esser nai oltre la val del Pozzo (da endo che avresem dovest risalir a destra per el Madriccio), costeggiém la "Croda di dentro", finché per sbaglio no ne casca i oci sull'oroloi..... diaolopò, l'è prest le 2! E così, vist che ormai sem propri vizini sia alla traccia che da Solda sale al rif. Casati, sia perché la zima alla nosa destra, pur parendo fattibile coi sci ne rendem cont che no l'è el Madriccio e comunque essendo alta altri 300 metri, vegniria massa tardi (l'è la zima del Pozzo), raggiungem la quota 3096 saltando su per na corniss alla nossa sinistra e.... Berg Heil! La zima, ensomma l'avem fatta istess, valuterem a cà come che la se ciama! E quindi, vist che acqua no ghe n'è pù, ne scolém la thermos de vim e caffè, na cioccolata e... zo le pel! Col vent l'è nada anca massa bem.... sulle zima entorno gh'è ancor su baffi da paura, ma qi.... l'è ancor buona! E allor, con en par de cava e metti per no desfar dal tutt i sci sui sassi delle morene (soprattutto per novi i hagan race del Teo...) ne calèm vers el vallom principale, endo che, con qualche bela folada, le nose traccie de salita le è stae za cancellae. Per calarne sul lac endo che taca la val del Pozzo, vist che l'eè propri sventada ghe n'è zo tanta e la ciapém sull'ert, per sicurezza ne calém zo uno per volta, quindi, via de skating per traversar tutt el vallom fin al rif. Nino Corsi. E qi dalla mezzora abbondante de sci da fondo che n'ha tocà far, en ciapém propri en goso (soprattutto el Teo): de solit, d'altronde, trovando nef giazada se riese a scorrer decentemente, ma co le condiziom de ancoi forse l'era meio ripellar... Na volta al rifugio, canném la discesa vers la macchina deviando a destra per en sentèr traccià.... poc mal... la val la se sèra e en ten blitz ne ritachèm al parcheggio. L'è le 5!!! Saltai en macchina, l'è doverosa na pausa ciopa de speck e birraccia media, e allor ne aprofittém per provar la nova locanda "Grog heim" appena daverta al centro fondo lì sotto: propri speciale! E la birra... ovviamente, con tutta la sé che gh'evem l'è nada diretta en tel sangue. Altre 2 ore de macchina e i me ciama da casa per veder se torno a zena o se som ancor ciapà dal laoro.... ops.... m'ero desmentegà de dirghe che ancoi ero en ferie....
| Se risale en direziom del rifugio Corsi (no, no, no l'e' quel en foto!) | |
|
E fasendo attenziom a no rugolar zo 2 volte dal scroz (una l'e' assa'!) se entra... | ...en tel vallom, ma non prima de aver fat migole della corniss fatta su dal vent! | |
|
...e se continua rento per el vallom (da notar el baffo de nef da vent sul Cevedale). Prima o po' encroserem anca la Val del Pozzo, no?!?!?? | Dopo no so quanti chilometri, ne tegnim en pel a sinistra saltando su tra morene pelae dal vent. | |
|
E ancor dentro! Ma... sem quasi sora Solda!!! Trat n'ocio all'oroloi, decidem de raggiunger la zima bianca drio quella en primo piano e... | Berg Heil! Eh,eh! I 3000 i avem pasai anca ancoi! | |
|
E tornando de volta, qualche folada de vent, ne la ciapem bem....tra sviluppo, quota, ravanae su morene e vent: propri en giro completo de tutt!! E allora adess, ne manca demo' la birraccia al bar! |
