GARA SCIALPINISTICA Falcade del 06/02/2008

Na sbregada da foc... tutt lì: par poc! Ne trovèm alle 5 al Zuffal e co la Polo (mi e l Teo) e l jepòm del Caio (col MAx e l Marcello: che ancoi anca se nol s'è iscritto el vem su a far festa e l ne corre drio co le ciaspole) e via de balla per Falcade via P.sso S.Pellegrino. Sto colp el prim a partir som mi, po' a 5 minuti el Teo (e quindi me tocca tirar a manetta per no farme ciapar), quindi dopo quasi n'ora el Caio e l Max. Anca se gh'è rento en par de pontère no l'è zerto na gara da alzatacchi e anca se tanti i se carga el zaino sulla schena, vist che la zena l'è all'arrivo, mi penso ben che giust al traguardo basta molarse zo de bala per la pista a raccattar la macchina e portarla al rifugio de arrivo, che l'è demò 5 Km sora tolendo la strada per el passo Valles. El gadget de gara stasera l'è propri singolare: canotta traspirante... a rete! De zerto, no me vederè mai en volta conzà cossì! Dopo en thè calt all'aprèsSki fondo pista de Falcade/Molino per mi l'è subit ora de scaldarme.... e qi alterno saltei stanziali con 4 bei giri en tondo.... ensomma 20 minuti boni de riscaldamento.... som pront! Ore 19:48:40.... Kepo c'è! Via! Subit passo 1,2,3 persone.... e sarà anca el nervos che g'ho entorno che spuo veramente sangue! Studiandome la progressiom me ricordevo ben en numer: el 119, en genere alle gare el me da zò tre minuti... quando el me bina, devo encollarme alle so coe e tegnirmelo da levro! Pecà che el 119 nol gh'era! Vabbè.... tanto el percorso de gara mel ricordo dall'an passà e comunque seto a passar zent... pianoro velocissimo, quindi curva erta vers destra e quindi sempre su bei costanti.... me passa demò el 117 e l 118... e a lori, anca se i va pù en pressia de mi, ghe mordo le coe per en bel pezòt. Passo ancor zent e quando vedo su la luce del rifugio so che l'è el moment de dar tutt.... a dir el vera l'ho zà dat... e rieso demò a passar l'ultima persona. Ghe som! Grande Kepo! Sto colp penso propri de esser nà bem! ritirà el buono pasto e spetà qualche minut che arrivessa anca el Teo, zò le pèl e ne trém vers val a cambiarne e raccattar la macchina: non prima però de na bona birretta all'aprésSki de Falcade endo che la barista l'è anca pù bona (della biretta!). Entant parte anca el Max (el Caio l'è zà per strada, e l Marcello el ghe corre drio co le ciaspole) e tornai al traguardo sem zà su tutti al rifugio: da strapiem che l'è, per fortuna, la rifugista la ne serve la zena ai taolini del bar. Pasta, pam, strudel e acqua e... per fortuna el Max el pensa subit alle birre medie! Magnà quattro bei bocconi, e saludà quelle de Agordo al taol enfont alla sala (mmm.... diaolopo'.... ancor con drio i béchi!), vem a allietarne la serata n'altro par de bele putèle de Agordo Barbara e Wanna e con lore, dopo el caffè.... tachém de giri de bombardin-grappa e limoncino! Diaolopò, mi g'ho da guidar.... ma la festa l'è enviada... e no riesso miga a tirarme endrio! Prosit! Vem for le classifiche e... grande Kepo! Som passà dai 23 minuti dell'an passà ai 20:54!!! ...e no penso sia stà sol merito dei F1! Propri soddisfatto... e infatti quando passa la Barbara co n'altro limoncim no me tiro zerto endrio (anca se no capisso perchè ela la insiste a bever acqua e menta, vist che la g'ha da guidar sol fim Agordo: .... sarà miga Mojito???)! Viste le premiaziom e raccattà l'auto del Caio ne envièm vers val.... ma ero restà d'accordo col Teo che, anca se gh'è vent, doman mattina en bel 3000 coi sci el podrìa propri starghe... e così con en colp de telefono a Trembelem per dirghe a cà che ne vedèm direttamente doman de sera, lassèm la Modus del Teo parcheggiada al Zuffo e da Falcade ne trém diretti en ValFloriana per nar a polsar en Piné... e dopo na bona pizza e birra, alle 2 me trao zò. A che zima far doman ghe penserem direttamente tra zinque ore: quando sona la sveglia....






All'apresSki de Molino, prima della paretnza se va de the.... per il momento!
Max pronto coi sci sotto i pei... e Marcello el segue co le ciaspole.
I do favoriti per la sfida del 4 valli.... ancoi el Teo l'e' na propri bem. El Max el diss che l'e' ancor mez embalona' dall'influenza de do stimane fa... ma almen co le birre no se tira endrio nessuni!
E po' a forza de grappini se se mola for a conoser putele (e la Barbara, la ne fa far anca pu' giri de grappe del previsto!)
E el Caio nol perde mai l'occasiom! ...e nol g'ha neanca bisogn de bever tante grappe!!!!


Ste pagine l'e' stae cargade volte da visitatori dal 3 de agost 2005