SCIALPINISTICA Rujoch (tentativo) del 28/01/2008
Sul divano ho dormì benom, ma con tutte le birre che gh’evem zo, anca el Teo no credo l’abbia sentù la differenza a dormir enterra sul materrassim…. de bom l’è che quando sona la sveglia, a parte el stomec sottosora, no gh’è en fil de mal de testa (a evitar misioti l’è na manna!)…. e allor… gh’è da nar! El Max el lasém dormir vist che l’è mèz malà. Le previsiom a metter vent molto forte en quota le eva quasi sottovalutà le folae! Ma de trovar venti de uragano en quota (diaolopo’…. folae fin 220Km/h….en Lagorai… e l gh’era scritt ben el dì dopo sul giornale!) nol pensem neanca en pel. D’altronde se a Baselga alle 8 e ½ gh’era +9…. l’era propri forte ‘sto phon! Ma el Rujoch el pol starghe! Dopo na doppia colaziom, e aver provà a narghe al vers da Stramaiol per la dorsale ovest, vist che la macchina la se blocca en tel giaz per nar vers la malga Stramaiolo (e per fortuna en gruppet de 5 ciaspolari i ne butta for dalle straze), decidém de ripiegar sulla salita dal passo del Redebus, passando per l’Oltmon. Arrivai al parcheggio subit dopo el Redebus (da endò che parte le forestali, a destra per Costalata e a sinistra per la val dei Battisti), parcheggiém e trém i assotti sotto i pei. Qi per fortuna sem riparai dall’aria, e scominziém la salita per la forestale de sinistra che la guadagna quota aggirando el monte Polpen (el doss a sinistra del passo, salendo da Regnana). Dopo ¾ d’ora comoda su per forestale, arrivai drio el doss, la abbandoném, seguendo el segnavia che trà a sinistra su per el bosc. Zete su zete entrà i pézi e con 150 metri de dislivell se arriva al pass da dove, a destra parte la dorsale che porta prima all’Uomo Vecchio, quindi sul Rujoch. E qi taca anca i spifferi. A vardarse entorno Gronlait e Fravort l’è tutt en baffo de nef, ma tegnindone sotto gresta riusim a arrivar pitòst riparai fin quasi sotto l’antizima dell’Uomo Vecchio (Oltmon en dialèt mocheno). Po’, anca per i enormi accumuli sottogresta, ne toca saltar per forza sulla dorsale e…. si salvi chi può! Evém giust encontrà uno embacuccà come en Yeti che torneva de volta dall’antizima dell’Oltmon: “impossibile nar envanti”, el n’eva dit…. ma no ne saresém mai spetài che ghe fussa raffiche sì forti da trar a volt… e che mal la nef sul muss!!!! Ensomma, arrivai sull’antizima dell’Oltmon, (2305m-disl 700) no serve tante parole…. ne capìm al volo: el Rujoch el resta lì! Tornerem su n’altra volta! E così, cavae le pel ne calèm vers val. El prim toc, en grosta el ne fa ravanar parecchio, po’ sotto el passo, enveze che ravanar en tel bosc ne fiondém dritti zo per en canal che ne porta en fretta sulla forestale. La nef l’era meio, ma en tel canal qualche bel sass l’ho ben ciapà… Na volta alla forestale, se è su na pista da bob…. basta molarla e en ten blitz sem alla macchina. Tornai a cà del Teo, gh’è zà tutti a taola e allor me tocca bem fermarme a magnar n bom piat de polenta, spezzatino, formai…. ma niente vim! Quel, el Teo el me lo sconde dalla taola! Diaolopo’, el m’ha quasi convint a far el Sellaronda en coppia con elo… e allor con ancoi devo tegnirme, el diss! Ma el Max, che allor col Caio el sarà l’avversario, el sa bem come ciaparme per la gola! En pratica, dopo le 2, ghe dago en passaggio a so cà a Roveredo (vist che nol stà miga bem) e co la scusa, el me giusta subit i sci co le candelette dai busi che g’ho fat stamattina, ma po’…. el me tenta con en par de limoncini…..e qi el Teo nol gh’è…. e mi no digo zerto de no!
| Se risale la longa forestale, finchè aggirà el Polpen, se encrosa e se segue el sentér che da questa el risale sulla sinistra... | |
|
...e se arriva al passo tra Polpen e Oltmon. Da qi se risale vers destra... | ...per la dorsale (sotto el Teo, el passo, e drio, la zima del Polpen) | |
|
e quindi avanti per gresta en direziom OltMon/Rujoch. Ma el vent davanti el ne minaccia... | ...Diaolopò.... va bem far fadiga... ma questa l'è sol agonia! E quindi, sventagliai dalla tormenta che biném en gresta, sem costretti a girarne. Beh, dai, no averém fat zima, ma le birre le avém smaltie fora! | |
